Marko 8:33 - AHYERƐLƐ KRONGRON

³³ Nakoso Yesu kakyili ye nwo neane ye asuafoɛ nemɔ, na ohwili Petro nyunu sele kyɛ, “Dwɔso berɛ kɔ dɔ, Abɔnzam! Ofikyɛ nna Nyameɛ adwene yeɛ ɛdwene ɔ, na mmom ɛdwene kuro sona adwene.”

Marko 8:33 Iomraidhean Croise

2 Samuel 19:22

Nakoso Dawide buale kyɛ, “Ɛmɔ Seruya mma ye mɔ, me dwirɛ fa ɛmɔ nwo nzu, bɔ ɛnɛ ɛmɔayɛ me pɔfoɛ ye? Aso ɛnɛ ɔsɛ kyɛ beku sona wɔ Yisrael anaa? Aso menze kyɛ ɛnɛ me yeɛ nde Yisrael so hene ɔ.”

YOB NWOMAA NE 2:10

Nakoso obuale ye kyɛ, “Edwudwo kyɛbɔ brasua kwaseaa biala odwudwo ɔ. Nzu ɔ? Nyameɛ ma yɛ nikye paa a, yɛde; nzu ati yeɛ sɛ ɔma yɛ bɔ ɔtte mayee a, ɔnzɛ kyɛ yɛde ɔ?” Na ɛhemɔ amukoraa nu ne, Yob amma ye noa andia Nyameɛ.

Edwein 141:5

Ma teneneeniɛ ɔbo me, ná ohwi me nyunu wɔ ɔdɔ nu. Nnɛmaa bɔnefoɛ bɛfa bɛ ngoo bɛpopa me ti so, ofikyɛ mebɔ mbaeɛ daa metia b’amumuyɛɛ ne.

Lewitikɔso 19:17

Nnɛdwene ebiɛngo nwo adwene tɛɛ, na mmom fa edwirɛ tɛɛ bɔ wayɔ ne to ye nyunu, ná anza ye nwo anyɔ bɔne.

Mateo 15:23

Nakoso Yesu andɛ ye so. Na ye asuafoɛ nemɔ wale bɛɛsrɛle ye kyɛ, “Maa ɔhɔ, ofikyɛ ɔteatea nu di yɛ si!”

Mateo 16:23

Na ɔkakyili ye nwo sele Petro kyɛ, “Dwɔso berɛ kɔ dɔ, Abɔnzam! Ɛte sundidua ma me; ofikyɛ nna Nyameɛ adwene yeɛ ɛdwene ɔ, na mmom ɛdwene kuro sona adwene.”

Mateo 4:10

Yeɛ Yesu buale ye kyɛ, “Dwɔso berɛ kɔ dɔ, Satan! Ofikyɛ Bahyerɛ kyɛ, ‘Sɔne Awurade wɔ Nyameɛ, na ye ngome twe yeɛ so ye ɔ!’ ”

Marko 3:34

Ɔpɛle ye nye neane bɛ bɔ bapɛ ye nwo kango ne bra yiale, na osele kyɛ, “Nea, me maame ne nniɛma mɔ ɛhe.

Marko 3:5

Na Yesu le ɛyaa neane bɛ bra yiale, na ɔnate b’asoserɛ ti ɔyɛle ye yea, na osele biaa ne kyɛ, “Tengyɛ wɔ sa ne anu.” Ɔtengyɛle nu, na ye sa ne yɛle paa kyɛ ye daa ne ala.

Luka 22:61

Na Awurade pɛle ye nye neane Petro nyunu, na Petro kayele Awurade dwirɛ bɔ ɔhã hyirele ye kyɛ, “Ɛnɛ, akɔ ngɔbɔ né ahã ye pɛen nza kyɛ ɛnze me” ne.

Luka 4:8

Na Yesu buale ye kyɛ, “[Dwɔso berɛ kɔ dɔ, Satan!] ofikyɛ bahyerɛ kyɛ, Sɔne Awurade wɔ Nyameɛ, na ye ngome twe yeɛ so ye ɔ!’ ”

Luka 9:55

Na ɔkakyili ye nwo hwili bɛ nyunu. [Ɔhane kyɛ: Ɛmɔnze Sunzum horɛ bɔ ɛmɔte ye deɛ ɔ, ɔnate kyɛ Sona Awa ne wamma kyɛ ɔbaasɛkye mmenia kra, na mmom kyɛ ɔbaale bɛ ngoa]

1 Korintofoɛ 5:5

odi kyɛ ɛmɔye sɔ sona ne bewura Abɔnzam sa maa ɔsɛkye ye nwoɔnaen ne, amaa ye sunzum anya daa ngoa wɔ Awurade Yesu kyẽa ne.

Filipifoɛ 3:19

Bɛ yeɛ b’ayieleɛ te ɛsɛkyelɛ ɔ, bɛ nyameɛ ole bɛ ko, b’animguaseɛ nu yeɛ b’animnyam wɔ ɔ, na aseɛ so nningyein ngome yeɛ bɛdwene ye nwo ɔ.

1 Timoteo 5:20

Na bɛ bɔ bɔne ali bɛ ti ne, kã bɛ nyunu wɔ asɔre mma ne amukoraa nyunu, amaa ɔnate so bɛ ngaa ne basuro.

Tito 1:13

Sɔ adanzeɛ he te nahorɛ, yiti twi bɛ nyunu paa, amaa ɔnate so bagyina pindinn wɔ gyidie ne anu;

1 Petro 4:1

Na kyɛbɔ ɔnate yɛ ti yeɛ Kristo nwuni amaneɛ wɔ anwoɔnaen nu ne, ɛmɔ koso, ɔsɛ kyɛ ɛmɔnya sɔ adwene ne ná ɛmɔmia ɛmɔ nye; ofikyɛ ebiala bɔ wanwu anwoɔnaen nu amaneɛ ne, wayakyi bɔne yɔlɛ;

1 Yohane 2:15

Nnɛma ɛmɔkuro ewiase anaa nu nningyein dwirɛ. Na sɛ ebie kuro ewiase dwirɛ a, né Baba ne dɔ nne ye nu.

Nyekyire 3:19

Bɛ bɔ mekuro bɛ dwirɛ ne, metwi bɛ nyunu, yeɛ metwe bɛ so; yiti ma wɔ nye boro ná sakyera w’adwene.