Marko 8:23 - AHYERƐLƐ KRONGRON

²³ Yesu sɔle anyesiniwaaniɛ ne sa, ɔfale ye hɔle kuro ne tiwaa, ɔfele nwɔserɛ guale ye nye so, ɔfale ye sa guale ye so, na obisale ye kyɛ, “Yiti enwu nikye?”

Marko 8:23 Iomraidhean Croise

Yesaya 44:2

AWURADE bɔ ɔbɔle wɔ, bɔ ɔnwone wɔ wɔ eni akunu, bɔ ɔboka wɔ ne, ɔnwa nyoo: Nnɛsuro, O, me somvoɛ Yakob, wɔ, Yesurun bɔ maneanea nu maye wɔ ɔ.

Yesaya 51:18

Ye mma mukoraa bɔ wawo bɛ ne, nu biala anyɛ ye taataa; ye mma mukoraa bɔ watete bɛ ne, nu biala anzɔ ye sa.

Yeremia 31:32

Ɔngɔyɛ kyɛ apam bɔ me ne bɛ nana mɔ yɛyɛle, mmerɛ bɔ nzɔle bɛ sa nyele bɛ mvili Misraim aseɛ so ne. Ɔwɔ nu kyɛ me yeɛ né nde bɛ hu ɔ, nakoso bebuli m’apam ne aso, AWURADE noa dwirɛ ɛne.

Marko 5:23

na ɔsrɛle ye paa kyɛ, “Mma abaayaa pena wu, yiti mesrɛ wɔ, baafa wɔ sa gua ye so maa ɔte apɔ, ná onya ngoa.”

Marko 7:33

Na Yesu fale biaa ne fili ɛlɔen ne anu hɔle ahameɛ, ɔfale ye sa mmɛseka wurale ye so anu, na ɔfele nwɔserɛ fa hane ye temverema;

Marko 8:24

Biaa ne mane ye nye so, na obuale kyɛ, “Menwu mmenia, nakoso menwu bɛ kyɛ mmakaa bɔ bɛnatenate berɛ ɔ.”

Marko 8:26

Afei Yesu sele ye kyɛ, “Nnɛkɔ kuro nu dɔ ko,” na ɔmaa ɔhɔle ye awuro.

Asomafoɛ 23:19

Na safohene ne sɔle aberandeɛ ne sa fale ye hɔle ahameɛ, na obisale ye kyɛ, “Nzikyɛ dwirɛ yeɛ ele ye kã kyire me ɔ?”

Asomafoɛ 9:8

Sɔɔlo fili aseɛnwo berɛ dwɔsole, ɔtetele ye nye, nakoso né onnwu ase. Yiti bɛsosɔle ye sa bɛ ne ye hɔle Damasko.

Hebrifoɛ 8:9

na ɔngɔyɛ kyɛ apam bɔ me ne bɛ nana mɔ hyehyɛle wɔ kyẽa bɔ nzɔle bɛ sa nyele bɛ mvili Misraim aseɛ so ne; ɔnate kyɛ bangɔso banni m’apam ne aso, na me koso nyele me nye mvili bɛ so, Awurade noa dwirɛ ɛne.

Nyekyire 3:18

Yiti metu wɔ foɛ kyɛ, tɔ nningyein hemɔ fi me berɛ: sikaa kɔkorɛ bɔ bafa see bate ye nwo ɔ, amaa ɔnate so anya sikaa; ataadeɛ fufue bɔ ekowura bɔ ɔngɔma w’animguaseɛ adagya ne nwo ngɔla berɛ ɔ, yeɛ anyeɛ ayire bɔ ɛkɔfa kogua wɔ nye so, bɔ ɔkɔmaa ekonwu nikye ɔ.