Marko 8:22 - AHYERƐLƐ KRONGRON

²² Bedwuli Betesaeda nen, mmenia biemɔ fale anyesiniwaaniɛ bie bɛbrɛle Yesu, na bɛsrɛle ye kyɛ ɔfa ye sa hã ye.

Marko 8:22 Iomraidhean Croise

Mateo 11:21

“Wɔ, Korasin, wɔ yaakɔ! Wɔ, Betesaeda, wɔ yaakɔ! Ofikyɛ, nnwumaa mbiri mbiri bɔ bɛyɔle ye wɔ ɛmɔ nu ne, sɛ bɛyɔle bɛ wɔ Tiro ne Sidon a, ahaa bahera ɛsɛen tena bafa nzoen bayɛ bɛ nwo basakyera b’adwene dada.

Mateo 14:36

na bɛsrɛle ye kyɛ ɔma bɛfa bɛ sa bɛhã ye ataadeɛ noa ala; na mmenia wora bɔ bɛfale bɛ sa bɛhane ye ne, bɛtele apɔ.

Mateo 8:15

Na ɔɔsɔle ye sa, na ebunu ne tu fili ye nwo, na odwɔsole sole ye.

Mateo 8:3

Na Yesu tengyɛle ye sa fa hane ye, na ɔhane kyɛ, “Mekuro, wɔ nwo fi!” Na berɛ ne ala ye kwata ne hɔle.

Mateo 9:29

Yeɛ Yesu fale ye sa hane bɛ nye, na ɔhane kyɛ, “Kyɛbɔ ɛmɔ gyidie te ne, ɔ́yɛ sɔ ala ma ɛmɔ!”

Marko 2:3

Na bɛfale bubuaniɛ bie bɔ mmenia nna bɛso ye ɔ bɛbrɛle ye.

Marko 3:10

Né wasa mmenia pee anwonyerɛ, na ɔnate sɔ ati, bɛ bɔ bɛnde apɔ amukoraa piane bɛ nwo wii kyɛ bekonya ye nu bɛkɔsɔ ɔ.

Marko 6:45

Na berɛ ne ala, Yesu mane ye asuafoɛ nemɔ fole ɛlɛen nu, kyɛ beli ye nyunu moa bɛhɔ asue ne asi dɔ, wɔ Betesaeda bue nu dɔ, ná ye de ogua ɛlɔen ne ate koraka.

Luka 10:13

“Wɔ, Korasin, wɔ yaakɔ! Wɔ, Betesaeda, wɔ yaakɔ! Ofikyɛ, nnwumaa mbiri mbiri bɔ bɛyɔle ye wɔ ɛmɔ nu ne, sɛ bɛyɔle bɛ wɔ Tiro ne Sidon a, ahaa bahera ɛsɛen tena batena nzoen nu basakyera b’adwene dada.

Luka 9:10

Na asomafoɛ nemɔ sa wale nen, bɛfale bɔ baayɔ amukoraa nwo amaneɛ bɛbɔle Yesu. Na Yesu fale bɛ ɔne bɛ beewurale nekaa bie dinn wɔ kuro bɔ oli Betesaeda nwo berɛ.

Yohane 1:44

Filipo fi Betesaeda, Andrea ne Petro bɛ kuro.

Yohane 12:21

Yeɛ sɔ mmenia nemɔ bɛwale Filipo bɔ ofi Betesaeda bɔ ɔwɔ Galilea ne berɛ, na besele ye kyɛ, “Yɛ mene, yɛpena kyɛ yɛnwu Yesu.”