Marko 8:2 - AHYERƐLƐ KRONGRON

² “Mmenia wora ye, bɛyɛ me anwumvo, ofikyɛ bali me nwo wa ɛlɛsa ɛhe, na belle nikye fee benni.

Marko 8:2 Iomraidhean Croise

1 Ahemvo 19:6

Elia pagyale ye ti, na onwuni apiti bɔ bato ye nyɔboɛ hyerɛhyerɛ so ɔ, ɔne nzue bua ko kyɛ begyi nekaa bɔ ye ti la ne ɔ. Odidili none nzue, na osa fale nu lafele.

Edwein 103:13

Kyɛbɔ seɛ si nwu ye mma anwumvoin ne, sɔ ala yeɛ AWURADE nwu bɛ bɔ besuro ye ɔ anwumvoin ɔ.

Edwein 145:15

Mmenia amukoraa bɛ nye la wɔ so, na ɛma bɛ bɛ noa aleɛ mmerɛ bɔ ɔsɛ ɔ nu.

Edwein 145:8

AWURADE do mmenia, na ɔse anwumvoin; ye ahone nhu ndɛ, na ye ɔdɔ bɔ onni ngasi ne, ɔsone.

Mika 7:19

Okosa konwu yɛ anwumvoin, okoli y’amumuyɛɛ so ngonim; na ekofindi bɛ bɔne amukoraa kogua ɛpo buma ne anu.

Mateo 14:14

Ofili ɛlɛen ne anu dwuli ná onwuni mmenia wora nen, bɛyɛle ye anwumvo, na ɔsale bɛ nu ayarefoɛ nemɔ anwonyerɛ.

Mateo 20:34

Yiti Yesu nwuni bɛ anwumvoin, ɔfale ye sa hane bɛ nye, na berɛ ne ala benwuni nikye, na belili ye si.

Mateo 9:36

Na onwuni mmenia pembepembe ne, bɛyɛle ye anwumvo, ofikyɛ né bafɛ, na né bɛsamo berɛ kyɛ mmoaen bɔ belle neafoɛ ɔ.

Marko 1:41

Na onwuni ye anwumvoin, ɔtengyɛle ye sa hane ye, na osele ye kyɛ, “Mekuro, wɔ nwo fi!”

Marko 5:19

Nakoso Yesu ambene, na mmom osele ye kyɛ, “Kɔ w’awuro, w’abusuafoɛ berɛ, ná kɔhã anwanwadeɛ piri bɔ Awurade ayɔ ama wɔ ɔ, ɔne kyɛbɔ wasi wanwu wɔ anwumvoin ɔ kyire bɛ.”

Marko 6:32

Na bɛ ngome bɛfole ɛlɛen bɛhɔle nekaa bie bɔ berɛ te dinn ɔ.

Marko 6:34

Yesu fili ɛlɛen ne anu dwuli ase, na onwuni mmenia wora nen, bɛyɛle ye anwumvo; ofikyɛ né bɛte kyɛ mmoaen bɔ belle neafoɛ ɔ; na ɔhyɛle ye bo hyirehyirele bɛ nningyein pee.

Marko 8:3

Na sɛ megua bɛ ate kyɛ bɛfa bɛ kunu hɔen bɛhɔ b’awuro a, ɛhɔen kɔpɛ bɛ atunu; ofikyɛ bɛ nu biemɔ befi dedeede yeɛ bɛwale ɔ.”

Marko 9:22

Ɔtaa maa ɔpɛ tɔ see nu, ɔne nzue nu, bɔ ɔpena ye ku ye ɔ. Nakoso sɛ ɛkɔhora kɔyɔ ye nwo bie a, ye de nwu yɛ anwumvoin ná boka yɛ.”

Luka 15:20

Yiti odwɔsole sili nu kyɛ osa kɔ ye baba berɛ. Na ɔwɔ dedeede nen, yeɛ ye baba nwuni ye ɔ, na ɔyɛle ye anwumvo, na baba ne tuli amirika ɔɔfale ye sa tole ye kɔme anu, na ɔyɛle ye awaawaatuu.

Luka 7:13

Na Awurade nwuni braa ne nen, ɔyɛle ye anwumvo, na osele ye kyɛ, “Nnɛsũ!”

Hebrifoɛ 2:17

Ɛhe ati, né ohia kyɛ ɔyɛ kyɛ oliɛma nemɔ wɔ atee biala so, amaa wahora wayɛ sɔfo panyi paa bɔ odi nahorɛ, bɔ ɔse anwumvoin wɔ Nyameɛ dwumadie nu, ná wafa ye nwo wayɛ mbata wama adasa bɔne.

Hebrifoɛ 4:15

Yɛ sɔfo panyi paa he de, ɔtte ebie bɔ ɔngora nnwu yɛ anwumvoin wɔ yɛ mmerɛyɛlɛ nu ɔ; na mmom ɔte ebie bɔ besole ye bɛneane wɔ atee biala so kyɛ yɛ ala, nakoso wanyɔ bɔne ɔ.

Hebrifoɛ 5:2

Na ɔnate kyɛ ye bɔbɔ ɔtɔ sii wɔ nningyein pee nu ne ati, ɔkora nwu bɛ bɔ bɛnze na bɛyɔ mvomsoɛ ne anwumvoin.