Marko 8:12 - AHYERƐLƐ KRONGRON

¹² Yeɛ oguale anwongokoɔ wɔ ye sunzum nu, na osele kyɛ, “Nzu ati yeɛ ɛnɛmmafoɛ bɛpena sɛngyerɛnneɛ ye? Nahorɛ nu, mekã mekyire ɛmɔ kyɛ, bɛngɔma ɛnɛmmafoɛ nzɛngyerɛnneɛ biala.”

Marko 8:12 Iomraidhean Croise

Yesaya 53:3

Mmenia buli ye animtia, na bɛpole ye; ɔte sona bɔ ɔfale aworabɔlɛ nu ná onwuni yealɛ ɔ, bebuli ye animtia kyɛ sona bɔ mmenia nwu ye a bɛye bɛ nye bɛto buro ɔ, yeɛ yamva ye yanyɛ huu.

Mateo 12:38

Yeɛ ahyerɛlɛfoɛ ne Farasiifoɛ ne, bɛ nu biemɔ sele Yesu kyɛ, “Kyerɛkyerɛniɛ, yɛpena kyɛ yɛnwu sɛngyerɛnneɛ bie yɛfi wɔ berɛ.”

Mateo 16:4

Ɛnɛmmafoɛ bɔnefoɛ ne agyaasɛkyelɛfoɛ bɛpena sɛngyerɛnneɛ, nakoso bɛngɔma bɛ sɛngyerɛnneɛ biala, sana Yona sɛngyerɛnneɛ ne ala.” Na Yesu yakyili bɛ berɛ hɔle.

Marko 3:5

Na Yesu le ɛyaa neane bɛ bra yiale, na ɔnate b’asoserɛ ti ɔyɛle ye yea, na osele biaa ne kyɛ, “Tengyɛ wɔ sa ne anu.” Ɔtengyɛle nu, na ye sa ne yɛle paa kyɛ ye daa ne ala.

Marko 6:6

Na ɔyɛle ye nwanwa kyɛ banne banni ɔ. Na ohyinini nguraa nemɔ anu yɛle ngyerɛkyerɛ.

Marko 7:34

ɔtole ye nye neane nyameɛso, oguale anwongokoɔ, na osele ye kyɛ, “Hefata!” Bɔ ye bo kyire “Bukye!”

Marko 8:13

Afei ɔyakyili bɛ berɛ, na osa fole ɛlɛen nu hɔle asue ne asi dɔ.

Marko 9:19

Yeɛ Yesu buale bɛ kyɛ, “O ɛnɛmmafoɛ bɔ ɛmɔlle gyidie ɔ! Me ne ɛmɔ yɛtena maa odwu kyinzu? Nya ɛmɔ nwo aboterɛ maa odwu kyinzu? Ɛ́mɔfa ye bɛbrɛ me!”

Luka 19:41

Na opingyele kuro ne, ná ɔtole ye nye neane ye nen, osũ mane ye kyɛ,