Marko 8:11 - AHYERƐLƐ KRONGRON

¹¹ Farasiifoɛ wale, na bɛhyɛle ye bo bɛfale edwirɛ bɛtetale Yesu. Ne bɛpena kyɛ beso ye bɛnea, yiti besele ye kyɛ ɔyɔ sɛngyerɛnneɛ bɔ ofi nyameɛso ɔ ma bɛnea.

Marko 8:11 Iomraidhean Croise

Ɛksadɔso 17:2

Yiti ɛlɔen ne ne Mose nyane dwudwolɛ, na besele kyɛ, “Ma yɛ nzue ma yɛno.” Na Mose buale bɛ kyɛ, “Nzu ati yeɛ ɛmɔbɔ me somoɛ ɔ? Nzu ati yeɛ ɛmɔso AWURADE bɛnea ɔ?”

Ɛksadɔso 17:7

Ɔfrɛle berɛ Masa ne Meriba, ɔnate kyɛ Yisraelfoɛ bɔle somoɛ, na besole AWURADE bɛneane. Bɛhane kyɛ, “Aso AWURADE wɔ yɛ nu wa, anaakyɛ ɔnne yɛ nu wa?”

Malaki 3:15

Na afei de, yɛbu ahandaenfoɛ kyɛ bɛ yeɛ banya saleɛ ɔ; amba, bɛ bɔ bɛbɔ bra tɛɛ ne yeɛ benya ngɔsoɛ ɔ; amba, bɛ bɔ beso Nyameɛ bɛnea ne yeɛ benya bɛ ti bedidi nu ɔ.’ ”

Mateo 12:38

Yeɛ ahyerɛlɛfoɛ ne Farasiifoɛ ne, bɛ nu biemɔ sele Yesu kyɛ, “Kyerɛkyerɛniɛ, yɛpena kyɛ yɛnwu sɛngyerɛnneɛ bie yɛfi wɔ berɛ.”

Mateo 19:3

Yeɛ Farasiifoɛ wale ye berɛ beesole ye bɛneane, na bebisale ye kyɛ, “Aso mmeraa ma ate kyɛ ɔnate edwirɛ biala so, ebie kora yira ɔye anaa?”

Mateo 21:23

Yesu wurale asɔneyɛɛ sua ne anu, na ogu so ɔyɛ ngyerɛkyerɛ nen, asɔfo mbanyi ne maen mbanyi bɛwale ye berɛ beebisale ye kyɛ, “Tumi beni yeɛ egyi so bɔ ɛyɔ sɔ nningyein hemɔ ye? Na nwa yeɛ ɔmane wɔ sɔ tumi ne ɔ?”

Mateo 22:15

Yeɛ Farasiifoɛ mɔ bɛhɔle bɛɛbɔle porɛ kyɛbɔ bɛkwafa edwirɛ bɛkɔtetɛ Yesu noa ɔ.

Mateo 22:18

Nakoso Yesu nwuni b’adwenemmɔne ne, na obuale kyɛ, “Ɛmɔ, nyaatwomfoɛ! Nzu ati yeɛ ɛmɔbaatetɛ me noa ɔ?

Mateo 22:23

Ɛlɛho ne ala, Sadusiifoɛ bɔ bɛnwa awufoɛ dwɔsolɛ nne berɛ ne, bɛwale Yesu berɛ beebisale ye kyɛ,

Marko 12:15

Nakoso Yesu nwuni bɛ nyaatwom nen, obisale bɛ kyɛ, “Nzu ati yeɛ ɛmɔbaatetɛ me noa ɔ? Ɛ́mɔfa denare ko bɛbrɛ me ma nnea.”

Marko 2:16

Na ahyerɛlɛfoɛ bɔ bɛte Farasiifoɛ ne, mmerɛ bɔ benwuni Yesu kyɛ ɔne ɛtoɔdidelɛfoɛ ne bɔnefoɛ bedidi nen, bebisale ye asuafoɛ nemɔ kyɛ, “Nzu ati yeɛ ɔne ɛtoɔdidelɛfoɛ ne bɔnefoɛ bɛto asaa bedidi ɔ?”

Marko 9:16

Na obisale ahyerɛlɛfoɛ nemɔ kyɛ, “Nzikyɛ yeɛ ɛmɔ ne bɛ besu ye nwo aporowaa ye?”

Luka 10:25

Na yieee, mmeraa nwo nimdeɛniɛ bie dwɔso gyinane berɛ sole Yesu neane kyɛ, “Kyerɛkyerɛniɛ, nzu yeɛ nyɔ ná manya daa ngoa ɔ?”

Luka 11:16

Yeɛ ebiemɔ koso besole ye bɛneane, na bebisale nzɛngyerɛnneɛ bɔ ofi nyameɛso ɔ befili ye berɛ.

Yohane 4:48

Yeɛ Yesu sele ye kyɛ, “Ɛmɔngole ngoli, sana ɛmɔanwu anwanwadeɛ ne nzɛngyerɛnneɛ koraka.”

Yohane 6:30

Yeɛ besele ye kyɛ, “Nzaade, nzɛngyerɛnneɛ beni yeɛ ɛkɔyɔ, bɔ yɛkonwu ye, bɔ ɔkɔmaa yɛkole wɔ yɛkoli ɔ? Nzikyɛ yeɛ ɛkɔyɔ ɔ?

Yohane 7:48

Mbanyi nemɔ anu bie anaa Farasiifoɛ nemɔ anu bie wale ye wali hɔ ɔ?

Yohane 8:6

Bɛhane ɛhe bɛfa besuale ye ngaen, kyɛbɔ bekonya edwirɛ bie bɛkɔfa bɛkɔbɔ ye kwaadu ɔ. Na Yesu kunduni berɛ, na ɔfale ye sa mmɛseka hyerɛhyerɛle aseɛnwo berɛ.

Asomafoɛ 5:9

Yeɛ Petro sele ye kyɛ, “Nzu ati yeɛ ɛmɔahã ɛmɔ ti bapura kyɛ ɛmɔso Awurade Sunzum ne bɛnea ɔ? Nea, mmenia bɔ besiele ehu ne bɛwɔ anoanu berɛ, na bɛkɔsoa wɔ koso bekofi wa bɛkɔhɔ.”

1 Korintofoɛ 10:9

Nnɛmɔma yɛso Kristo yɛnea kyɛbɔ bɛ nu biemɔ yɔle ná ewoo kekale bɛ maa bewuwuli ne.

Deuteronomi 6:16

“Nnɛma ɛmɔso AWURADE ɛmɔ Nyameɛ ne bɛnea, kyɛbɔ ɛmɔsole ye bɛneane wɔ Masa ne.