Marko 7:9 - AHYERƐLƐ KRONGRON

⁹ Na osa sele bɛ kyɛ, “Ɛmɔafa nworɛ atee so bapo Nyameɛ ahyɛdeɛ ne, kyɛbɔ ɔkɔyɛ bɔ ɛmɔkoli ɛmɔ bɔbɔ b’amammerɛ so ɔ!

Marko 7:9 Iomraidhean Croise

Edwein 119:126

AWURADE, mmerɛ aso kyɛ ɛkɔkekã wɔ nwo ɔ, ofikyɛ babu wɔ mmeraa ne aso.

Yesaya 24:5

Efiɛ ahã aseɛ ye, so ama bɛ yɔleɛ ti, ofikyɛ bato mmeraa ne, batu ahyɛdeɛ ne bagua, yeɛ babu apam afebɔɔ ne aso.

Yesaya 29:13

Na AWURADE sele kyɛ, “Maen he, bɛfa bɛ noa mbaen yeɛ bɛtwe bepingye me ɔ, bɛ noa mbaen yeɛ bɛfa bedi me ni ɔ, nakoso b’ahone nu de, bembingye me koraa, na esurolɛ bɔ besuro me ne, ɔte kuro sona ahyɛdeɛ bɔ basua ye mbaen ɔ;

Daniel 11:36

“Ɛhene ne kɔyɔ bɔ okuro ɔ; ɔkɔmoma ye nwo so kɔyɛ ye nwo konguronn kohyire kyɛ ɔtra nyameɛ biala, na ɔkɔhã edwirɛ nwanwa kotia nyameɛ mɔ nu Nyameɛ ne, na okonya ngɔsoɛ koodwu kyɛ ahonehulɛ ne kɔwa nu ɔ, ofikyɛ bɔ bahyehyɛ bato berɛ ne, ɔkɔwa nu.

Daniel 7:25

Okodwudwo kotia Anwuro Anwuroniɛ ne, ɔkɔmaa Anwuro Anwuroniɛ n’anwoteefoɛ nemɔ bekoli amia, na ɔkɔyɛ ye adwene kyɛ ɔkɔsesã mmerɛ ne mmeraa, na bɛkɔfa anwoteefoɛ nemɔ bekowura ye sa afoɛ ko, afoɛ nyɔ ne bosome nzia.

Marko 7:13

na ɛmɔfa ɛmɔ amammerɛ bɔ ɛmɔkyirekyire ne bɛsɛkye Nyameɛ dwirɛ ne. Na nningyein pee bɔ ɔte kyɛ ɛhemɔ yeɛ ɛmɔyɔ ɔ.”

Marko 7:3

(Ofikyɛ né Farasiifoɛ, yeɛ Yudafoɛ amukoraa bennidi, sana banwunzi bɛ sa koraka, ofikyɛ né betira mbanyi mɔ b’amammerɛ ne anu.

Marko 7:5

Yeɛ Farasiifoɛ ne ahyerɛlɛfoɛ nemɔ bebisale Yesu kyɛ, “Nzu ati yeɛ w’asuafoɛ nemɔ benni mbanyi mɔ b’amammerɛ so, ná mmom bɛfa bɛ sa bɔ ye nwo nde bedidi ɔ?”

Romanfoɛ 3:31

Yiti ɔnate gyidie he ati yɛto mmeraa ne yɛgua anaa? Dabida! Na mmom yɛde mmeraa ne yɛto nu.

2 Korintofoɛ 11:4

Ofikyɛ sɛ ebie ba ɛmɔ berɛ bakã Yesu foforɛ bie nwo dwirɛ bɔ yɛhhane, anaakyɛ sɛ ɛmɔnya sunzum foforɛ bɔ ɔne bɔ ɛmɔlili moa benyane ye ne bɛtte ko, anaakyɛ nzɛmba foforɛ bɔ ɔne bɔ ɛmɔale bato nu ne bɛtte ko a, naa ɛmɔfa anika bɛsɔ nu!

Galatiafoɛ 1:14

Na nyane ngɔsoɛ wɔ Yudasom nu ndrale Yudafoɛ pee bɔ me ne bɛ bɔ tipɛen, na nzɔle me nana mɔ amammerɛ ne anu serɛserɛ.

Galatiafoɛ 2:21

Membo Nyameɛ adom ne, ofikyɛ sɛ tenenee nate mmeraa ne aso yeɛ ɔba a, né nzaade Kristo awu mbaen!

2 Tɛsalonika 2:4

Ye yeɛ odwɔso tia, na osa ma ye nwo so tra nikyee biala bɔ bɛfrɛ ye Nyameɛ ná bɛsɔne ye ɔ; na ɔkɔtena Nyameɛ asɔneyɛɛ sua nu kɔfrɛ ye nwo kyɛ ye ole Nyameɛ.