Marko 7:7 - AHYERƐLƐ KRONGRON

⁷ Bɛsɔne me mbaen, na mmenia nhyehyɛleɛ yeɛ bekyirekyire ɔ!’ ”

Marko 7:7 Iomraidhean Croise

Yesaya 29:13

Na AWURADE sele kyɛ, “Maen he, bɛfa bɛ noa mbaen yeɛ bɛtwe bepingye me ɔ, bɛ noa mbaen yeɛ bɛfa bedi me ni ɔ, nakoso b’ahone nu de, bembingye me koraa, na esurolɛ bɔ besuro me ne, ɔte kuro sona ahyɛdeɛ bɔ basua ye mbaen ɔ;

Malaki 3:14

Ɛmɔahã kyɛ, ‘Ɔte mbaen kyɛ sona kɔso Nyameɛ ɔ. Mvasoɛ beni yeɛ ɔwɔ so kyɛ yɛkoli ye nhyehyɛleɛ so, ɔne kyɛ yɛkɔnate Asafo AWURADE nyunu wɔ nnuhoɛ nu ɔ?

Mateo 15:9

Bɛsɔne me mbaen, na mmenia nhyehyɛleɛ yeɛ bekyirekyire ɔ!’ ”

Mateo 6:7

“Sɛ ɛmɔbɔ mbaeɛ a, nnɛma ɛmɔyɛ ndoatoa kyɛ bosoensolɛfoɛ bɛyɔ ne; ofikyɛ bɛdwene kyɛ bɛ dwudwolɛ tendetende ne yeɛ ɔkɔmaa bekotie bɛ ɔ.

1 Korintofoɛ 15:14

Na sɛ bandingye Kristo de a, nzaade yɛ nzɛmbahanɛ ne te mbaen, yeɛ ɛmɔ gyidie koso te mbaen.

1 Korintofoɛ 15:58

Yiti nniɛma mɔ, ɛmɔgyina pindinn, nnɛma ɛmɔhimhim, na daa biala ɛmɔhɔ so bɛyɔ Awurade adwuma, ofikyɛ ɛmɔse kyɛ ɛmɔ fɛɛ wɔ Awurade adwuma nu ngɔyɛ mbaen.

Deuteronomi 12:32

“Bɔ méhyehyɛ méma ɛmɔ biala, ɛ́mɔnea yé kyɛ ɛmɔkoli so ɔ. Nnɛfa bie boka so, yeɛ nnɛye bie fi nu.

Kolosefoɛ 2:22

Na ɛhemɔ te nningyein bɔ bɛfa bedi dwumaa ɔsɛkye ɔ, yeɛ bɛpɛ nu bɛkɔ; ofikyɛ bɛte kuro sona ahyɛdeɛ ne ngyerɛkyerɛ.

Tito 3:9

Nakoso twe wɔ nwo fi ngwaseaa aporowaasulɛ nwo, aworɛ ndoatoasoɛ nwo dwirɛ nwo, mbakyembakyemuɛ nwo, yeɛ mmeraa ne nwo aporowaasulɛ nwo; ofikyɛ mvasoɛ nne so, na bɛte mbaen.

Yakobo 1:26

Sɛ ebie dwene kyɛ ɔte nyamesomniɛ, ná wannea ye dwudwolɛ so yé, ná mmom ɔlakalaka ye nwo a, sɔ sona ne nyamesom te mbaen.

Yakobo 2:20

Wɔ bɔ wadwene te kãa ɔ! Ɛpena kyɛ bɛkã bekyire wɔ kyɛ gyidie bɔ nnwumaa nne nu ne ɔte wuruwaa anaa?

Nyekyire 22:18

Mebɔ ebiala bɔ ɔte nwomaa he anu ngɔmhyɛlɛ dwirɛ ne kɔkɔ kyɛ: Sɛ ebie fa edwirɛ bieku boka ɛhemɔ aso a, Nyameɛ kɔprapra ɛhawo ahoroɔ bɔ bahyerɛ ye wɔ nwomaa he anu ne kogua ye so.

1 Samuel 12:21

Yeɛ nningyein mbaen mbaen bɔ mvasoɛ nne so, anaa bɛngora benne ngoa ne, nnɛma ɛmɔdi makyebu bekodi bɛ si, ofikyɛ bɛte mbaen.