Marko 7:34 - AHYERƐLƐ KRONGRON

³⁴ ɔtole ye nye neane nyameɛso, oguale anwongokoɔ, na osele ye kyɛ, “Hefata!” Bɔ ye bo kyire “Bukye!”

Marko 7:34 Iomraidhean Croise

Ɛksadɔso 2:23

Afoɛ pee pɛle nu, na Misraim hene wuli. Afei Yisraelfoɛ nwuni ngoaasolɛ nu amaneɛ piri paa; bɛbɔle awuye, na bɛ suɛ wɔ ngoaasolɛ nu ne dwuli Nyameɛ nyunu.

Yesaya 53:3

Mmenia buli ye animtia, na bɛpole ye; ɔte sona bɔ ɔfale aworabɔlɛ nu ná onwuni yealɛ ɔ, bebuli ye animtia kyɛ sona bɔ mmenia nwu ye a bɛye bɛ nye bɛto buro ɔ, yeɛ yamva ye yanyɛ huu.

Marko 1:41

Na onwuni ye anwumvoin, ɔtengyɛle ye sa hane ye, na osele ye kyɛ, “Mekuro, wɔ nwo fi!”

Marko 15:34

Na ɔbɔle eyia nnɔnmmiɛnza ne, Yesu teane nu serɛserɛ hane kyɛ, “Eloi, Eloi, lama sabaktani?” Bɔ ye bo kyire kyɛ, “Me Nyameɛ, me Nyameɛ, nzu ati yeɛ apo me ye?”

Marko 5:41

Ɔsɔle akwadaa ne sa, na osele ye kyɛ, “Talita kumi!” bɔ ye bo kyire kyɛ, “Abaayaa, mekã mekyire wɔ kyɛ, dwɔso!”

Marko 6:41

Afei Yesu fale paanoo nnu ne tiré nyɔ ne, ɔtole ye nye neane nyameɛso, anwuro, oyirale so, obubuli paanoo ne anu, na ɔfa mane ye asuafoɛ nemɔ kyɛ bɛhyɛ bɛma mmenia ne. Na ɔhyɛle tiré nyɔ ne koso mane bɛ mukoraa.

Marko 7:35

Na berɛ ne ala, ɔtele edwudwolɛ, ye temverema nyamaa sangyele, na odwudwole kama.

Marko 8:12

Yeɛ oguale anwongokoɔ wɔ ye sunzum nu, na osele kyɛ, “Nzu ati yeɛ ɛnɛmmafoɛ bɛpena sɛngyerɛnneɛ ye? Nahorɛ nu, mekã mekyire ɛmɔ kyɛ, bɛngɔma ɛnɛmmafoɛ nzɛngyerɛnneɛ biala.”

Luka 18:42

Na Yesu sele ye kyɛ, “Nwu nikye! Wɔ gyidie ale wɔ.”

Luka 19:41

Na opingyele kuro ne, ná ɔtole ye nye neane ye nen, osũ mane ye kyɛ,

Luka 7:14

Na ɔɔfale ye sa hane efui alaka ne, na bɛ bɔ bɛsõ alaka ne begyinane. Na ɔhane kyɛ, “Aberandeɛ, mekã mekyire wɔ kyɛ, dwɔso!”

Yohane 11:33

Na Yesu nwuni kyɛ osũ, ná Yudafoɛ bɔ bɛ ne ye wale ne koso besu nen; oguale anwongokoɔ sunzum nu, na ye wora bɔle.

Yohane 11:35

Yesu suni.

Yohane 11:38

Yeɛ Yesu guale anwongokoɔ wɔ ye nu bieku, na ɔwale asieleɛ ne aso. Né ɔte nyɔboɛ sua, bɔ bafa nyɔboɛ bawaka ye noa ɔ.

Yohane 11:41

Yiti bɛyele nyɔboɛ ne. Na Yesu neane anwuro hane kyɛ, “Baba, meda wɔ ase kyɛ atie me ɔ.

Yohane 11:43

Na ɔhane sɔ nen, ɔteane nu serɛserɛ kyɛ, “Lasarɔso, fite bra!”

Yohane 17:1

Na Yesu dwudwole yiele nen, ɔmane ye nye so hyirele nyameɛso, na ɔhane kyɛ, “Baba, dɔnhwere ne adwu. Hyɛ Ɛwa ne animnyam, ná Baa ne koso ɔhyɛ wɔ animnyam;

Asomafoɛ 9:34

Na Petro sele ye kyɛ, “Yinea, Yesu Kristo ama wɔ nwo asa; dwɔso na bobɔ wɔ bɛen ne.” Na berɛ ne ala Yinea dwɔsole.

Asomafoɛ 9:40

Na Petro mane bɛ mukoraa befitele, oguale ndwerɛ bɔle mbaeɛ, ɔkakyili ye nye hɔle efuin ne anwo na ɔhane kyɛ, “Tabita, dwɔso!” Ɔtetele ye nye, na onwuni Petro nen, odwɔsole tenane berɛ.

Hebrifoɛ 4:15

Yɛ sɔfo panyi paa he de, ɔtte ebie bɔ ɔngora nnwu yɛ anwumvoin wɔ yɛ mmerɛyɛlɛ nu ɔ; na mmom ɔte ebie bɔ besole ye bɛneane wɔ atee biala so kyɛ yɛ ala, nakoso wanyɔ bɔne ɔ.