Marko 7:28 - AHYERƐLƐ KRONGRON

²⁸ Na braa ne buale ye kyɛ, “Ɔte sɔ, Awurade, nakoso ngyea bɔ bɛwɔ ɛpoen ne abo ne, bɛsesa mmaa nemɔ b’aleɛ boso bedi.”

Marko 7:28 Iomraidhean Croise

Edwein 145:16

Ebukye wɔ sa nu, na ɛma teasefoɛ amukoraa benya bɔ bɛpena ɔ.

Yesaya 45:22

“Aseɛ so maen maen amukoraa, ɛ́mɔsa bɛ si bɛ́bra me berɛ beenya ngoa! Ofikyɛ me yeɛ nde Nyameɛ ɔ, na ebiala nne berɛ ko.

Yesaya 49:6

Ɔnwa nyoo: “Kyɛ ɛkɔyɛ me somvoɛ, kyɛ ɛkɔpagya Yakob mmusua kure nemɔ, ɔne kyɛ ɛkɔfa Yisraelfoɛ bɔ banya bɛ ti badidi nu ne ekosa kɔwa ne, aso ɔte adwuma ba? Ngosa ngɔfa wɔ ngɔyɛ kanea ngɔma maen maen mɔ, amaa ɔnate so ama me ngoalelɛ waadwu aseɛ so nekaa biala.”

Mateo 15:27

Na braa ne hane kyɛ, “Amba, Awurade, nakoso ngyea mmaa nemɔ bedi aleɛ ne boso bɔ ɔporo fi bɛ mene poen so gua ase ne.”

Mateo 5:45

amaa ɔnate so ɛmɔayɛ ɛmɔ Baba bɔ ɔwɔ nyameɛso ne mma. Ɔnate kyɛ ɔma ye yia bɔ bɔnefoɛ mmenia ne mmeni paa so, na ɔtɔ esue gua teneneefoɛ ne bɛ bɔ bɛndengyɛ ɔ so.

Marko 7:27

Nakoso Yesu sele ye kyɛ, “Ma mmaa nemɔ bɛ ko yi koraka, ofikyɛ ɔtte mayee kyɛ bɛkɔfa mmaa mɔ b’aleɛ bekogyi bekogua ngyea berɛ ɔ.”

Marko 7:29

Na Yesu sele ye kyɛ, “Ɔnate edwirɛ he bɔ ahã ne ati, kɔ, na sunzummɔne ne watu wafi ɛwa brasua ne anu.”

Romanfoɛ 10:12

Ofikyɛ nzonzoleɛ biala nne Yudaniɛ ne Helaniɛ nu; Awurade komapɛ ne ala yeɛ ɔte bɛ mukoraa bɛ Mene ɔ, na oyira ebiala bɔ osũ frɛ ye ɔ.

Romanfoɛ 3:29

Anaa Nyameɛ te Yudafoɛ ngome bɛ Nyameɛ? Aso ɔtte Amaenmaensofoɛ koso bɛ Nyameɛ? Ɔte bɛ koso bɛ Nyameɛ.

Ɛfesofoɛ 3:8

Ɔwɔ nu kyɛ me yeɛ nde kãa paa wɔ anwoteefoɛ ne amukoraa nu ɔ, nakoso Nyameɛ amaa manya sɔ adom he, kyɛ mmɔ Kristo anwonya bɔ ɔbo sona ndeaseɛ so ne dawure ngyire Amaenmaensofoɛ;