Marko 7:22 - AHYERƐLƐ KRONGRON

²² anyeboroborolɛ, amumuyɛɛ, nnakannaka, ahohwibra, akɔnnɔ tɛɛ, musue dwirɛ, ahandaen ne ngwaseasɛm fi ba ɔ.

Marko 7:22 Iomraidhean Croise

2 Aberɛso Dwirɛ 32:31

Nakoso mmerɛ bɔ Babilɔn ɛbɔfoɛ mɔ bɛwale beebisale ye dwirɛ bɛfale anwanwadeɛ bɔ wasi wɔ ye maen ne anu anwo ne, Nyameɛ anga mmuayɛɛ bɔ ɔfa ma bɛ ɔ wangyire ye, ofikyɛ né ɔfa oso ye nea onwu bɔ ɔwɔ ye ti anu ɔ amukoraa.

Edwein 10:4

Bɔnefoɛ ye anwomasoɛ maa ɔmbena Nyameɛ si atee; ye adwene amukoraa ole kyɛ, “Nyameɛ biala nne berɛ.”

Edwein 119:36

Ma m’ahone ooli wɔ noa dwirɛ si, na nnɛmaa okodi anyeboroborolɛ si.

Anyandera 12:23

Badwemma feafea ye nimdeɛ so, nakoso ngwaseafoɛ de, bɛbɔ egyiminɛ dawure.

Anyandera 22:15

Ngwaseade yɔlɛ ayi akwadaa ti anu tɛkyɛ, ɛfa mbire tea ye a, otu ngwaseade ne fi ye nwo.

Anyandera 23:6

Nnɛdi sona bɔ ɔte aheɛ ɔ aleɛ, nnɛma wɔ komvi ba ye aleɛ fɛfɛɛfɛ ne aso,

Anyandera 24:9

Ngwaseasɛm nwo adwene falɛ te bɔne, yeɛ ngorohoɛniɛ te mmenia akyiwadeɛ.

Anyandera 27:22

Sɛ ɛfa dwɔmaa si kwaseaa ɛfra aburoo wɔ duwaa nu po a, ye gyiminɛ ne ngofi ye nu ngotu.

Anyandera 28:22

Sona bɔ ɔperepere ye nwo nya ye nwo ne, ɔte anyeboroborolɛniɛ, na ɔndwene kyɛ ehiaa kɔwa ye so ɔ.

Nworɛ Dwirɛhanɛniɛ 7:25

Mvale m’adwene nziele so kyɛ ngonwu nworɛ, ɔne kyɛ ngɔfeefee nu ngɔpena nworɛ ne nningyein bɛ bo telɛ ɔ, ɔne kyɛ ngonwu amumuyɛɛ kyɛ ɔte ngwaseasɛm, ná ngonwu ngwaseasɛm kyɛ ɔte ɛlaenbɔlɛ ɔ.

Yesaya 59:13

Yato AWURADE mmeraa, yeɛ yapɛ ye ngondombo, yayakyi yɛ Nyameɛ si lilɛ, yɛ dwudwolɛ te nhyɛsoɛ ne ɛlɔenyɛlɛ, na yɛ ti anu nzusuleɛ bɔ ofite yɛ noa ne, ɔte nnakannaka.

Yesaya 59:7

Bɛ gya tutu amirika kɔyɔ bɔne, na bɛngyɛ ye nwo ná bahã mogya bɔ odi be ɔ bagua; amumuyɛɛ nwo adwene ali bɛ ti, na nzɛmmɔne ne nningyein sɛkyelɛ yeɛ ɔwɔ b’atee nu ɔ.

Yeremia 17:9

Ahone te nnakannaka tra nikyee biala, ɔte kanda paa. Na nwa yeɛ okonwu nu dwirɛ ɔ?

Mateo 20:15

Nikyee bɔ me bɔbɔ me deɛ ahɔ ne, asoɛ nnne ye nwo ate kyɛ mefa meyɔ bɔ mekuro anaa? Anaakyɛ, nde paa ti yeɛ wɔ nye aboro ye?’

Mateo 6:23

Nakoso sɛ wɔ nye te wusiwusi a, wɔ nipadua ne amukoraa kɔyɛ awosii. Yiti sɛ kanea bɔ ɔwɔ wɔ nu ne te awosii a, né ye awosii ne te kabii paa!

Marko 7:21

Ofikyɛ sona nu, ye ahone nu yeɛ adwenemmɔne, adwamanbɔlɛ, awue, awuelilɛ, agyaasɛkyelɛ,

Marko 7:23

Bɔne hemɔ amukoraa befi sona nu yeɛ bɛba ɔ, na begua sona nwo fiɛ.”

2 Korintofoɛ 10:5

Yɛfa yɛdi ngonim wɔ aporowaasulɛ nu ne nikyee biala bɔ ɔma ye nwo so tia Nyameɛ nwo nimdeɛ so, na yɛkakyi sona biala adwene maa ɔyɛ sotie ma Kristo.

Deuteronomi 15:9

Nea yé né annya adwene tɛɛ bie kyɛ, ‘Afoɛ bɔ ɔtɔ so nzoo, bɔ ɔte kerɛ-fahyɛlɛ afoɛ ne apingye,’ ná amva eliɛma hianiɛ nwo dwirɛ tɛɛ anzie wɔ ti anu, kyɛ ɛngɔma ye hwee. Eliɛma ne kosũ kogua wɔ so kohyire AWURADE, na ɔkɔkakyi bɔne kotia wɔ.

Deuteronomi 28:54

Wɔ nu bienzua bɔ odwo paa ná ɔkorɔkorɔ sona paa ne po, ɔkɔfa aleɛ kɔbɔ oliɛma aheɛ, ye ahone nu braa aheɛ, ɔne ye mma bɔ baha ne aheɛ.

Deuteronomi 28:56

Wɔ nu brasua bɔ odwo paa ná ɔkorɔkorɔ sona paa ne: bɔ odwo ná ɔkorɔkorɔ ne ati, bɔ onguro kyɛ ɔkɔye ye gya kogua ase ɔ, ye koso ɔkɔfa aleɛ kɔbɔ ye ahone nu biaa aheɛ, yeɛ ɔwa bienzua ne ɔwa brasua koso aheɛ.

1 Petro 2:15

Ofikyɛ bɔ Nyameɛ kuro kyɛ ɛmɔyɔ ɛhe: kyɛ ɛmɔkɔfa ɛmɔ bra paa ne bɛkɔhã ngwaseafoɛ noa bɛkɔto nu ɔ.

1 Petro 5:5

Sɔ ala yeɛ ɛmɔ bɔ ɛmɔte mmabunu ne koso, ɔsɛ kyɛ ɛmɔbrɛ ɛmɔ nwo ase bewura mbanyi mɔ bo ɔ. Ɛmɔ amukoraa, ɛ́mɔfa anwobrɛaseɛ bɛ́hera, ná ɛ́mɔfa bɛ́so ɛmɔ nwo ngoko ngoko, ofikyɛ Nyameɛ nye sa anwomasoɛfoɛ, na ɔdo anwobrɛaseɛfoɛ.