Marko 7:21 - AHYERƐLƐ KRONGRON

²¹ Ofikyɛ sona nu, ye ahone nu yeɛ adwenemmɔne, adwamanbɔlɛ, awue, awuelilɛ, agyaasɛkyelɛ,

Marko 7:21 Iomraidhean Croise

Gyenesise 6:5

Afei AWURADE nwuni kyɛ kuro sona amumuyɛɛ asone pee wɔ aseɛ ye aso, na nzusuleɛ tɛɛ ngome ayi ye ti anu tɛkyɛ daa.

Gyenesise 8:21

Na AWURADE tele afɔleɛ ne fona nen, ɔhane ye ye ti anu kyɛ, “Ɔnate kuro sona ti mengɔnoma aseɛ ko, ofikyɛ sona ti anu nzusuleɛ te bɔne fite ye ngwadaa nu; na sɔ ala yeɛ mengɔsɛkye abɔdeɛ biala ko kyɛbɔ mayɔ ye ɔ.”

YOB NWOMAA NE 14:4

Nwa yeɛ ɔkɔhora konya bɔ ye nwo te okofi bɔ ye nwo nde ɔ nu ɔ? Ebiala ngɔhora!

YOB NWOMAA NE 25:4

Nzaade ɔkɔyɛ sɛɛ né dasaniɛ watengyɛ wɔ Nyameɛ nyunu? Sona bɔ brasua awo ye ɔ, ɔkɔyɛ sɛɛ né ye nwo ate?

Edwein 119:36

Ma m’ahone ooli wɔ noa dwirɛ si, na nnɛmaa okodi anyeboroborolɛ si.

Edwein 14:1

Kwaseaa kã ye wɔ ti anu kyɛ, “Nyameɛ biala nne berɛ.” Olle adwene paa, na amumuyɛɛ bɔ ɔte akyiwadeɛ yeɛ ɔyɔ ɔ, ebiala nne berɛ bɔ ye bra te sannwuu ɔ.

Edwein 14:3

Nakoso bɛ mukoraa bali makyebu, bɛ mukoraa adwene paa ɔnne bɛ ti anu; bɛ nu biala nne berɛ bɔ ɔyɔ bɔ ɔte paa ɔ, daabi, ko po nne berɛ.

Edwein 53:1

Kwaseaa kã ye wɔ ye ti anu kyɛ, “Nyameɛ biala nne berɛ.” Belle adwene paa, na amumuyɛɛ bɔ ɔte akyiwadeɛ yeɛ bɛyɔ ɔ, ebiala nne berɛ bɔ ɔyɔ bɔ ɔte paa ɔ.

Edwein 53:3

Bɛ mukoraa bali makyebu, bɛ mukoraa adwene paa ɔnne bɛ ti anu, bɛ nu biala nne berɛ bɔ ɔyɔ bɔ ɔte paa ɔ; daabi, ko po nne berɛ.

Anyandera 15:25

AWURADE dwiri anwomasoɛfoɛ b’awuro gua, nakoso ɔbɔ akunafoɛ mmrasua bɛ wɛen nwo waen.

Anyandera 4:23

Adwene bɔ ɛkɔfa ne, dwene ye nwo yé paa, ofikyɛ nu yeɛ ngoa ofi ba ɔ.

Yesaya 59:13

Yato AWURADE mmeraa, yeɛ yapɛ ye ngondombo, yayakyi yɛ Nyameɛ si lilɛ, yɛ dwudwolɛ te nhyɛsoɛ ne ɛlɔenyɛlɛ, na yɛ ti anu nzusuleɛ bɔ ofite yɛ noa ne, ɔte nnakannaka.

Yesaya 59:7

Bɛ gya tutu amirika kɔyɔ bɔne, na bɛngyɛ ye nwo ná bahã mogya bɔ odi be ɔ bagua; amumuyɛɛ nwo adwene ali bɛ ti, na nzɛmmɔne ne nningyein sɛkyelɛ yeɛ ɔwɔ b’atee nu ɔ.

Yeremia 16:12

na ɔnate kyɛ ɛmɔayɔ bɔne batra ɛmɔ nana mɔ ne ati ɔ. Na afei ɛ́mɔtie, ɛmɔ amukoraati ɛmɔdi ɛmɔ ti piri bɔ ɛmɔndie me dwirɛ ɔ.

Yeremia 17:9

Ahone te nnakannaka tra nikyee biala, ɔte kanda paa. Na nwa yeɛ okonwu nu dwirɛ ɔ?

Yeremia 4:14

Ao Yerusalem, nwunzi w’ahone nwo fi bɔne nu, amaa ɔnate so anya wɔ ti adidi nu. Ɔkwaadwu kyinzu yeɛ ɛkɔhɔ so kɔdwene bɔne adwene ɔ?

Hesekiel 38:10

“AWURADE Nyameɛ nwa nyoo: Sɔ kyẽa ne, adwene biemɔ kɔwa wɔ ti anu, ɛkɔbɔ porɛ,

Mateo 15:19

Ofikyɛ ahone nu yeɛ adwenemmɔne, awuelilɛ, agyaasɛkyelɛ, adwamanbɔlɛ, awue, adanzewia ne musue dwirɛ fi ba ɔ.

Mateo 9:4

Nakoso Yesu nwuni b’adwene, na ɔhane kyɛ, “Nzu ati yeɛ ɛmɔdwene adwene tɛɛ sɔ ɔ?

Marko 7:20

Na ɔtoale so hane kyɛ, “Bɔ ofi sona nu ba ne, ye yeɛ ogua ye nwo fiɛ ɔ.

Marko 7:22

anyeboroborolɛ, amumuyɛɛ, nnakannaka, ahohwibra, akɔnnɔ tɛɛ, musue dwirɛ, ahandaen ne ngwaseasɛm fi ba ɔ.

Luka 16:15

Yiti Yesu sele bɛ kyɛ, “Ɛmɔte mmenia bɔ ɛmɔbu bɛ nwo kyɛ bɛtengyɛ wɔ mmenia nyunu, nakoso Nyameɛ yeɛ ɔse ɛmɔ ti anu ɔ. Ofikyɛ, bɔ ɔmoma ye nwo so wɔ mmenia nu ne, ɔte akyiwadeɛ wɔ Nyameɛ nyunu.

Asomafoɛ 5:4

Mmerɛ bɔ né ennya ɛttɔnene ye nen, aso né ɔtte wɔ deɛ? Na ɛtɔnene ye yiele ne koso, esikaa ne aso ɔtte wɔ deɛ? Na ɔwale ye sɛ bɔ afa sɔ adwene he ɔ? Nna kuro sona, na Nyameɛ mmom yeɛ ali ye ndurum ɔ.”

Asomafoɛ 8:22

Yiti sakyera w’adwene fi wɔ bɔne he nwo, na srɛ Awurade kyɛ sɛ ɔkɔyɛ yee a, ɔfa wɔ nzusuleɛ tɛɛ he hyɛ wɔ.

Romanfoɛ 7:5

Mmerɛ bɔ né yɛwɔ anwoɔnaen nu ne de, yɛ bɔne akɔnnɔdeɛ bɔ mmeraa ne kanyane ye ne, ɔyɔle adwuma wɔ yɛ nwonaen akwaa nu osuli mmaa hɔle ewue.

Romanfoɛ 7:8

Nakoso bɔne nate mmeraa ne aso nyane atee fale anyeboroborolɛ ahoroɔ wurale me nu. Sɛ mmeraa ne nne berɛ a, bɔne te nikyee bɔ wawu ɔ.

Kolosefoɛ 3:5

Yiti ɛ́mɔhu aseɛ so suban bɔ ɔwɔ ɛmɔ nu ne: adwamanbɔlɛ, brabɔlɛ fiɛ, ahohwibra, akɔnnɔ bɔne bɔ ɔhyɛ sona so, ɔne anyeboroborolɛ; ofikyɛ anyeboroborolɛ te bosoensolɛ.

Tito 3:3

Ofikyɛ daa ne de, né yɛ koso yɛte ngwaseafoɛ, asoserɛfoɛ, bɛmaa yɛlili makyebu, yɛyɛle anwoɔnaen akɔnnɔ ne anigye ahoroɔ ngoaa, yɛfale nzɛmmɔne ne anyeboroborolɛ yɛbɔle yɛ bra, mmenia pɔle yɛ, na yɛ wora yɛpɔle bɛ.

Yakobo 2:4

aso né ɛhe ngyire kyɛ ɛmɔayɔ nyeyemuɛ, bɔ ɔmɔayɛ adwenemmɔne ndɛenbualɛfoɛ ɔ?