Marko 7:2 - AHYERƐLƐ KRONGRON

² Benwuni kyɛ ye asuafoɛ nemɔ nu biemɔ bɛfa bɛ sa bɔ ye nwo nde ɔ bedidi, bɔ okyire kyɛ bennwunzi bɛ sa ɔ.

Marko 7:2 Iomraidhean Croise

Mateo 15:2

“Nzu ati yeɛ w’asuafoɛ nemɔ benni mbanyi mɔ b’amammerɛ ne aso ɔ? Ofikyɛ bennwunzi bɛ sa koraka né badidi.”

Marko 7:5

Yeɛ Farasiifoɛ ne ahyerɛlɛfoɛ nemɔ bebisale Yesu kyɛ, “Nzu ati yeɛ w’asuafoɛ nemɔ benni mbanyi mɔ b’amammerɛ so, ná mmom bɛfa bɛ sa bɔ ye nwo nde bedidi ɔ?”

Luka 11:38

Na Farasiiniɛ ne nwuni kyɛ Yesu annwunzi ye sa koraka yeɛ odidi nen, ɔyɛle ye nwanwa.

Asomafoɛ 10:28

Na osele bɛ kyɛ, “Ɛmɔ bɔbɔ ɛmɔse kyɛ otia mmeraa kyɛ Yudaniɛ ɔkɔfa ye nwo kɔbɔ Amaenmaensoniɛ anaakyɛ ɔkɔhɔ ye awuro kɔɔsra ye ɔ. Nakoso Nyameɛ aye ahyire me kyɛ onni kyɛ mebu sona biala kyɛ ɔbboka yɛ so, anaakyɛ ye nwo nde.

Asomafoɛ 11:8

Nakoso ngane kyɛ, ‘Daabi Awurade, nikyee biala bɔ bekyi anaa bɔ ye nwo nde ɔ, ɔhhane me noa le.’

Romanfoɛ 14:14

Mese, na m’adwene koso si pi wɔ Awurade Yesu nu kyɛ, nikyee biala nne berɛ bɔ ye nwo nde ɔ; na mmom ye nwo nde ma sona bɔ obu aleɛ ne kyɛ ye nwo nde ɔ.

Hebrifoɛ 10:29

Sɛ ɔte sɔ de a, nzaade sona bɔ okobu Nyameɛ Awa ne animtia, ná wabu apam mogya bɔ bafa bate ye nwo ne kyɛ ye nwo nde, ná wafa adom Sunzum ne nyunu watwitwi ase ne, nzikyɛ asohwenɛ yeɛ ɛmɔsusu kyɛ ɔfata ye ɔ?

Nyekyire 21:27

Nakoso nikyee biala bɔ ye nwo nde, yeɛ bɔ ɔbɔ akyiwadeɛ bra, anaa bɔ ɔpɛ ngondombo ɔ de, ongowura nu; sana bɛ bɔ bahyerɛ bɛ dumaa wɔ Boaen Ba ne ngoa nwomaa ne anu angome.