Marko 6:6 - AHYERƐLƐ KRONGRON

⁶ Na ɔyɛle ye nwanwa kyɛ banne banni ɔ. Na ohyinini nguraa nemɔ anu yɛle ngyerɛkyerɛ.

Marko 6:6 Iomraidhean Croise

Yesaya 59:16

Onwuni kyɛ sona biala nne berɛ, na ɔyɛle ye nwanwa kyɛ kamafoɛ biala nne berɛ ɔ; yiti ye tumi maa onyane ngoalelɛ, na ye tenenee tiretirale ye nu.

Yeremia 2:11

Aso maen bie wasesã ye nyameɛ mɔ, bɔ ye po nna nyameɛ mɔ ahɔ ɔ? Nakoso me maen de, wafa nningyein bɔ mvasoɛ nne so ɔ wasesã ye animnyam.

Mateo 4:23

Yesu hyinini Galilea amukoraa yɛle ngyerɛkyerɛ wɔ bɛ nyianu sua nemɔ anu, ɔhane ahennie ne nwo nzɛmba ne, na ɔsale anwonyerɛ ne anwommerɛlɛ ahoroɔ wɔ maen ne anu.

Mateo 8:10

Na Yesu tele bɔ ɔhane nen, ɔyɛle ye nwanwa, na osele mmenia bɔ beli ye si ne kyɛ, “Nahorɛ nu, mekã mekyire ɛmɔ kyɛ, Yisrael po, nnwuni gyidie piri bɔ ɔte sɔaa ɔ.

Mateo 9:35

Yesu hɔle nguro ne nguraa ne amukoraa so aporɔ yɛle ngyerɛkyerɛ wɔ bɛ nyianu sua nemɔ anu, ɔhane ahennie ne nwo nzɛmba, na ɔsale anwonyerɛ ne anwommerɛlɛ amukoraa.

Marko 1:39

Na ohyinini Galilea amukoraa hane nzɛmba ne wɔ bɛ nyianu sua nemɔ anu, na otutuli sunzummɔne mɔ.

Marko 10:1

Afei Yesu fili berɛ hɔle Yudea manzini nu ne asue Yɔɔdan si dɔ; mmenia birikabirika wale ye berɛ bieku, na kyɛbɔ né ɔtaa yɔ ne, ɔyɛle ngyerɛkyerɛ hyirele bɛ bieku.

Luka 13:22

Yesu hyinini nguro ne nguraa mɔ nu yɛle ngyerɛkyerɛ, na ɔfale so kyɛ ɔkɔ Yerusalem.

Luka 4:31

Yesu hɔle Galilea kuro bie bɔ oli Kapanɔm so, na afofingyẽa nemɔ, ɔyɛle ngyerɛkyerɛ hyirele bɛ.

Luka 4:44

Na ɔhane nzɛmba ne wɔ nyianu sua mɔ nu wɔ Yudea.

Yohane 9:30

Na biaa ne buale bɛ kyɛ, “Edwirɛ nwanwa ɛhe! Ɛmɔnze nekaa bɔ ofi ɔ, nakoso me de, ɔtele me nye!

Asomafoɛ 10:38

kyɛbɔ Nyameɛ fale Sunzum Krongron ne tumi popale Yesu bɔ ofi Nasarɛte; kyɛbɔ ohyinihyini yɛlɛ paa, ɔsale bɛ bɔ abɔnzam hyɛ bɛ so amukoraa anwonyerɛ ɔ, ofikyɛ Nyameɛ boka ye so.