Marko 6:48 - AHYERƐLƐ KRONGRON

⁴⁸ Na onwuni kyɛ bɛ nwo ahyere bɛ wɔ ɛlɛenhanɛ nu, ofikyɛ né mvrama tu yia bɛ. Na aleɛ baahye ne, ɔnatele ɛpo n’anye so hɔle bɛ nwo berɛ, na ɔyɛle kyɛ osã bɛ nwo.

Marko 6:48 Iomraidhean Croise

Gyenesise 19:2

Na ɔhane kyɛ, “Me mene mɔ, mesrɛ ɛmɔ ala, ɛmɔbra beesikye ɛmɔ akoaa awuro ɛnɛ kɔngɔen ye, ná ɛmɔnwunzi ɛmɔ gya bo; ná ngyerɛmɔ tutuutu ɛmɔadwɔso bahɔ b’atee.” Na bebuale kyɛ, “Daabi, yɛkɔla dwaaso.”

Gyenesise 32:26

Na osele kyɛ, “Yakyi me maa ngɔ na aleɛ ɔ́kye.” Nakoso Yakob buale kyɛ, “Mengɔma ɛngɔhɔ, sana eyira me koraka.”

YOB NWOMAA NE 9:8

Ye bɔ ye ngome yeɛ ɔtrɛtrɛle ewienu nu ɔ, ye bɔ otiatia ɛpo asorɔkye so ɔ.

Edwein 104:3

Wɔ sua mbuna mɔ, begyigyi nzue mɔ so, ɛfa munungum yɛ wɔ teaseɛnam, na mvrama ye ndaa so yeɛ ɛnate ɔ.

Edwein 93:4

Anwuro Anwuro AWURADE ole anwoserɛ, ole anwoserɛ tra kyɛbɔ asue mbiri mbiri bebu bɛfa so ɔ, ole anwoserɛ tra ɛpo asorɔkye!

Ɛksadɔso 14:24

Na alebahyene ne, AWURADE tole ye nye fale see ningɔnn ne munungum ne anu neane Misraim asraafoɛ ne, na ɔmane Misraim asraafoɛ nemɔ nye so tanene bɛ.

Yesaya 54:11

“O wɔ bɔ edi yealɛ, bɔ mvrama atu afĩ wɔ, bɔ ebiala ngyekye wɔ wora ɔ, tie, ngɔfa nyɔboɛ nyemenenyemene yeɛ ngosisi wɔ sua mɔ ɔ, na ngɔfa nyɔboɛ bɔ oli safire ngɔto wɔ fapem ne.

Mateo 14:24

Sɔ mmerɛ ne, né ɛlɛen ne adwu ɛpo n’afia dɔ bɔ asorɔkye ohuruhuru ye ɔ, ofikyɛ né mvrama ne ɔbɔ yia bɛ.

Mateo 24:43

Na ɔsɛ kyɛ ɛmɔnwu ye kyɛ, sɛ né awuro mene ne ɔse kɔngɔen mmerɛ horɛ bɔ awueniɛ ne kɔwa a, ahaa ɔkɔwɛne, bɔ ahaa ɔngɔma ongootu ye anoa bo ongoowua ye ɔ.

Marko 13:35

Yiti ɛ́mɔwɛne! Ofikyɛ ɛmɔnze kyẽa horɛ bɔ awuro ne mene kɔwa ɔ: sɛ nɔsoa oo, anaa abunnamu oo, anaa alebahyene oo, anaa ngyerɛmɔ oo,

Marko 6:47

Odwuli nɔsoa nen, né ɛlɛen ne adwu asufia; na Yesu de, né ye ngome waha etii so dɔ.

Marko 6:49

Nakoso mmerɛ bɔ benwuni kyɛ ɔnate ɛpo n’anye so nen, besusuli kyɛ ɛnwomee ɔ, na bɛteateane nu;

Luka 12:38

Sɛ ɔba abunnamu anaa alebahyene, ná ɔbato bɛ sɔ a, sɔ ngoaa nemɔ benya saleɛ.

Luka 24:28

Na bepingyele akuraa bɔ bɛ́kɔ so nen, ɔyɛle kyɛ ɔpɛ nu kɔ moa,

Yohane 1:13

bɔ bamva mogya so, anaakyɛ anwoɔnaen apɛdeɛ so, anaakyɛ sona apɛdeɛ so, na mmom Nyameɛ nu yeɛ bɛwole bɛ ɔ.

1 Samuel 11:11

Aleɛ hyene ne, Sɔɔlo hyɛle ye lɔen ne anu kure nza. Na alebahyene, bɛhɔle Amonfoɛ asikyeleɛ ne anu, na behuhuni Amonfoɛ toonn maa oodwuli eyia ketee. Bɛ bɔ benyane bɛ ti bedidili nu ne, bɛbɔle aya, bɔ mmenia nyɔ po banga neka horɛ ɔ.