Marko 6:41 - AHYERƐLƐ KRONGRON

⁴¹ Afei Yesu fale paanoo nnu ne tiré nyɔ ne, ɔtole ye nye neane nyameɛso, anwuro, oyirale so, obubuli paanoo ne anu, na ɔfa mane ye asuafoɛ nemɔ kyɛ bɛhyɛ bɛma mmenia ne. Na ɔhyɛle tiré nyɔ ne koso mane bɛ mukoraa.

Marko 6:41 Iomraidhean Croise

Mateo 14:19

Afei ɔmane ɛlɔen ne bɛtenatenane ase wɔ ɛserɛ ne aso. Na ɔfale paanoo nnu ne tiré nyɔ ne, ɔtole ye nye neane nyameɛso, oyirale so, obubuli nu, na ɔfale paanoo ne mane ye asuafoɛ nemɔ, na asuafoɛ nemɔ koso bɛfa bɛmane ɛlɔen ne.

Mateo 15:36

Afei ɔfale paanoo nzoo ne ne tiré ne, ɔlale ase, na obubuli nu, ɔfa mane ye asuafoɛ nemɔ, na asuafoɛ nemɔ koso bɛfa bɛmane ɛlɔen ne.

Mateo 26:26

Bɛwɔ so bɔ bedidi nen, Yesu fale paanoo, oyirale so, obubuli nu, ɔfa mane asuafoɛ nemɔ, na ɔhane kyɛ, “Ɛ́mɔle beli; ɛhe te me nwonaen.”

Marko 14:22

Na bedidi nen, Yesu fale paanoo, oyirale so, obubuli nu, ɔfa mane bɛ, na osele kyɛ, “Ɛmɔle, ɛhe te me nwonaen.”

Marko 6:40

Na bɛtenatenane ase fekue fekue, ɛyaa yaa, ɔne aburannu aburannu.

Marko 6:42

Bɛ mukoraa bedidili bɛmane bɛ ko yili.

Marko 7:34

ɔtole ye nye neane nyameɛso, oguale anwongokoɔ, na osele ye kyɛ, “Hefata!” Bɔ ye bo kyire “Bukye!”

Marko 8:19

Mmubuli paanoo nnu mane mmenia apee nnu ne, ye bo mboporoka kɛndɛen fokyefokyee nyɛɛ yeɛ ɛmɔsesale ɔ?” Na bebuale ye kyɛ, “Buru ne nyɔ.”

Luka 24:30

Na ɔwale kyɛ ɔne bɛ bɛtenane poen nwo kyɛ bedidi nen, ɔfale paanoo ne, oyirale so, na obubuli nu fa mane bɛ.

Luka 9:16

Yeɛ Yesu fale paanoo nnu ne tiré nyɔ ne, ɔtole ye nye neane nyameɛso, oyirale so, obubuli nu, na ɔfa mane asuafoɛ nemɔ kyɛ bɛhyɛ bɛma ɛlɔen ne.

Yohane 11:41

Yiti bɛyele nyɔboɛ ne. Na Yesu neane anwuro hane kyɛ, “Baba, meda wɔ ase kyɛ atie me ɔ.

Yohane 17:1

Na Yesu dwudwole yiele nen, ɔmane ye nye so hyirele nyameɛso, na ɔhane kyɛ, “Baba, dɔnhwere ne adwu. Hyɛ Ɛwa ne animnyam, ná Baa ne koso ɔhyɛ wɔ animnyam;

Yohane 6:11

Na Yesu fale paanoo ne, ɔlale ase, na ɔhyɛ mane bɛ bɔ bɛtete berɛ ne; na sɔ ala yeɛ ɔyɛle tiré ne koso ɔ, somaa biala bɔ behia ɔ.

Yohane 6:23

Nakoso ɛlɛen biemɔ fili Tiberia bɛwale bepingyele nekaa bɔ Awurade lale ase, ná belili paanoo ne.

Asomafoɛ 27:35

Na ɔhane sɔ dwirɛ nen, ɔfale paanoo, ɔlale Nyameɛ ase wɔ bɛ mukoraa bɛ nyunu berɛ, obubuli nu, na ɔhyɛle ye bo didili.

Romanfoɛ 14:6

Sona bɔ ɔdwene kyɛ kyẽa bie te paa nen, ɔyɔ sɔ fa hyɛ Awurade animnyam. Yeɛ sona bɔ odi nikyee bie nen, odi fa hyɛ Awurade animnyam, ofikyɛ ɔda Nyameɛ ase. Sɔ ala yeɛ sona bɔ onni ne koso, ɔyɔ sɔ fa hyɛ Awurade animnyam ɔ, na ɔda Nyameɛ ase.

1 Korintofoɛ 10:31

Yiti sɛ ɛmɔdidi oo, sɛ ɛmɔno oo, nikyee biala bɔ ɛmɔyɛ ne, ɛ́mɔyɔ ye mukoraa bɛfa bɛhyɛ Nyameɛ animnyam.

Deuteronomi 8:10

Na sɛ edidi ma wɔ ko yi a, ye AWURADE wɔ Nyameɛ ayɛ, ɔnate aseɛ paa bɔ wafa wama wɔ ne ati.

Kolosefoɛ 3:17

Na nikyee biala bɔ ɛmɔyɔ wɔ edwudwolɛ anaa yɔleɛ nu ne, ɛmɔyɔ ye mukoraa wɔ Awurade Yesu dumaa nu, na ɛmɔfa asennaa bɛfa ye so bɛma Baba Nyameɛ.

1 Samuel 9:13

Sɛ ɛmɔdwu kuro ne aso ala a, ɛmɔkonwu ye koraka né wafo wahɔ asɔneyɛɛ so berɛ waadidi. Sɛ ɔwwale a, mmenia nnidi, ofikyɛ ye yeɛ odi kyɛ oyira afɔleɛ ne aso koraka ɔ. Na ɛhe asi ne, mmenia bɔ bato bɛ sa bafrɛ bɛ ne, bedidi. Yiti ɛ́mɔfo bɛhɔ, na ɔngɔhyɛ biala ɛmɔkonwu ye.”