Marko 6:4 - AHYERƐLƐ KRONGRON

⁴ Nakoso Yesu sele bɛ kyɛ, “Anidie mmɔ ngɔmhyɛlɛniɛ, sana ye bɔbɔ ye kuro, ye abusuafoɛ nu ne ye awuro ama nu.”

Marko 6:4 Iomraidhean Croise

Yeremia 11:21

Yiti bɔ AWURADE kã fa Anatotefoɛ nwo ɛhe. Bɛ yeɛ bɛpena wɔ beku wɔ, ná bɛnwa, “Nnɛfa AWURADE dumaa hyɛ ngɔm, wanyɔ sɔ a yɛkohu wɔ.”

Yeremia 12:6

Ofikyɛ wɔ nwo ama ne wɔ bɔbɔ w’abusuafoɛ, bɛ po baye wɔ bama; amba, bɛ́bɔ wɔ tutue bedi wɔ si. Ɔwɔ nu kyɛ bɛkã edwirɛ fɛɛ bekyire wɔ de, nakoso nnede bɛ di.”

Mateo 13:57

Yiti bɛpole ye. Na Yesu sele bɛ kyɛ, “Anidie mmɔ ngɔmhyɛlɛniɛ, sana ye bɔbɔ ye kuro ne ye awuro.”

Marko 6:1

Yesu fili berɛ hɔle, ɔwale ye kuro, na ye asuafoɛ nemɔ ne ye bɛhɔle.

Luka 4:24

Na ɔhane kyɛ, “Amba, mekã mekyire ɛmɔ kyɛ, benne ngɔmhyɛlɛniɛ biala bɛndo nu wɔ ye bɔbɔ ye kuro.

Yohane 4:44

Na Yesu bɔbɔ lili adanzeɛ kyɛ, ngɔmhyɛlɛniɛ olle anidie wɔ ye bɔbɔ ye kuro.”