Marko 6:20 - AHYERƐLƐ KRONGRON

²⁰ ɔnate kyɛ né Herode suro Yohane, ofikyɛ onwuni kyɛ Yohane te teneneeniɛ ne krongronniɛ. Yiti ɔbɔle Yohane nwo waen. Né Yohane noa dwirɛ ma Herode ye ti anu yɛ ye basaa; nakoso né okuro kyɛ otie ye noa dwirɛ ɔ.

Marko 6:20 Iomraidhean Croise

1 Ahemvo 21:20

Ahabo bisale Elia kyɛ, “Eh me pɔfoɛ, bɔ mayɔ ye, ama me bo ala so?” Na Elia buale kyɛ, “Yoo, mama wɔ bo ala so. Atu wɔ nwo asie berɛ kyɛ ɛkɔyɔ bɔ ɔte bɔne wɔ AWURADE nyunu ɔ. Ye sɔ ti,

2 Ahemvo 13:14

Afei mmerɛ bɔ Elisa bɔle anwonyerɛ bɔ ɔnate so maa nziɛ ye owuli ne, Yisrael hene Yoase hɔle ye berɛ, na oosuni wɔ ye nyunu berɛ sele kyɛ, “Me baba ee! Me baba ee! Yisrael teaseɛnam mɔ ne pɔngɔhanɛfoɛ ee!”

2 Ahemvo 6:21

Yisrael hene nwuni Siriafoɛ nemɔ nen, obisale Elisa kyɛ, “Me baba, ngukũ bɛ anaa? Ngukũ bɛ anaa?”

2 Aberɛso Dwirɛ 24:2

Yoase yɔle bɔ ɔtengyɛ wɔ AWURADE nyunu ɔ, mmerɛ bɔ né ɔsɔfo Yehoada te ngoa nu ne.

2 Aberɛso Dwirɛ 26:5

Mmerɛ bɔ Sakaria te ngoa nu ne, Yusia sole Nyameɛ. Sakaria hyirehyirele ye kyɛ odi kyɛ ɔfa Nyameɛ surolɛ ɔbɔ ye bra. Na mmerɛ bɔ ɔsole AWURADE ne amukoraa, Nyameɛ maa oyiele ye yé.

Ɛksadɔso 11:3

AWURADE mane Misraimfoɛ lole Yisraelfoɛ. Asa koso, né Mose te sona bɔ odi mu wɔ Misraim aseɛ so, wɔ Faro mbanyi mɔ ne maen ne nyunu.

Hesekiel 33:32

Na tie, ɛte kyɛ edwein fɛfɛɛfɛ ma bɛ, kyɛ ebie bɔ ye komvi yɛ fɛ, bɔ ɔse sangoo bɔ paa ɔ ye dwein; ofikyɛ bɛte wɔ dwirɛ ne de, nakoso benni so.

Daniel 4:18

Laleɛ bɔ me, Nana Nebukadenesa, ngyene ne, ye ɛne. Yiti wɔ, Beltesasa, kyire ye bo, ofikyɛ m’ahennie nu nworɛfoɛ amukoraa bɛngɔhora ngohyire me ye bo. Nakoso wɔ de, ɛkɔhora, ofikyɛ nyameɛ krongron mɔ bɛ sunzum wɔ wɔ nu.”

Daniel 4:27

Yiti Nana, me foɛ bɔ mebaatu wɔ ye, de to nu: Bɔ bra bɔ ɔtengyɛ ɔ ná yakyi bɔne yɔlɛ; nwu bɛ bɔ bɛyɛ anwumvo ɔ anwumvoin, ná yakyi amumuyɛɛ yɔlɛ, amaa ɔnate so ebiaa né wɔ so anu atɔ wɔ ahyɛ.”

Daniel 5:17

Yeɛ Daniel buale ɛhene ne kyɛ, “Nana, w’akyɛdeɛ ne, maa ɔwɔ berɛ, ná fa w’akatuaa ne ma sona foforɛ. Nakoso ngɔkenga ahyerɛlɛ ne ngohyire wɔ, yeɛ ngohyire ye bo koso ngohyire wɔ.

Mateo 14:5

Ye sɔ ne ati, né Herode kuro kyɛ oku Yohane, nakoso né osuro mmenia ne, ofikyɛ né bebu Yohane kyɛ ɔte ngɔmhyɛlɛniɛ.

Mateo 21:26

Yeɛ sɛ yɛkã kyɛ, ‘Ofi mmenia berɛ’ a, yɛsuro mmenia worawora ne, ofikyɛ bɛ mukoraa bebu Yohane kyɛ ɔte ngɔmhyɛlɛniɛ.”

Marko 11:18

Na asɔfo mbanyi ne ahyerɛlɛfoɛ nemɔ bɛtele sɔ dwirɛ ne nen, bɛpenane atee bɔ bɛkɔfa so bekohu ye ɔ; nakoso né besuro ye, ofikyɛ ye ngyerɛkyerɛ ne yɛle ɛlɔen ne amukoraa nwanwa.

Marko 4:16

Mmenia biemɔ koso te kyɛ mmakaammaa bɔ beguale ayɔboɛ so ne. Sɛ bɛte dwirɛ ne a, berɛ ne ala bɛfa anigye bɛsɔ nu,

Yohane 5:35

Ɔte kanea bɔ ógye ná ɔta ɔ, na ɛmɔhurole kyɛ ɛmɔ nye kɔhã ye kanea ne anu kãa.

Asomafoɛ 2:12

Bɛ mukoraa bɛ nwo dwirili bɛ, na b’adwene yɛle bɛ naa; na bebisabisale bɛ nwo kyɛ, “Na ɛhe bo kyire sɛɛ?”

Asomafoɛ 5:24

Na mmerɛ bɔ asɔneyɛɛ sua nu safohene ne ne asɔfo mbanyi nemɔ tele sɔ dwirɛ nen, bɛyɛle basaa; né bɛngora benwu nikye horɛ bɔ wato asomafoɛ nemɔ ɔ, ɔne edwirɛ bɔ ɔkɔwa ye si ɔ.