Marko 6:2 - AHYERƐLƐ KRONGRON

² Na afofikyẽa dwuli nen, ɔhyɛle ye bo yɛle ngyerɛkyerɛ wɔ nyianu sua nu. Mmenia wora bɔ bɛtele ye ngyerɛkyerɛ nen, bɛ nwo dwirili bɛ, na bɛhane kyɛ, “Nisua yeɛ biaa he oosuane ɛhemɔ ye? Nworɛ beni yeɛ bafa bama ye sɔa ye? Ɔyɛ sɛɛ yeɛ ɔyɔ anwanwadeɛ hemɔ ye?

Marko 6:2 Iomraidhean Croise

Mateo 4:23

Yesu hyinini Galilea amukoraa yɛle ngyerɛkyerɛ wɔ bɛ nyianu sua nemɔ anu, ɔhane ahennie ne nwo nzɛmba ne, na ɔsale anwonyerɛ ne anwommerɛlɛ ahoroɔ wɔ maen ne anu.

Mateo 7:28

Yesu yiele sɔ dwirɛ nemɔ kã nen, ɛlɔen ne nwo dwirili bɛ wɔ ye ngyerɛkyerɛ ne anwo,

Marko 1:39

Na ohyinini Galilea amukoraa hane nzɛmba ne wɔ bɛ nyianu sua nemɔ anu, na otutuli sunzummɔne mɔ.

Marko 10:1

Afei Yesu fili berɛ hɔle Yudea manzini nu ne asue Yɔɔdan si dɔ; mmenia birikabirika wale ye berɛ bieku, na kyɛbɔ né ɔtaa yɔ ne, ɔyɛle ngyerɛkyerɛ hyirele bɛ bieku.

Luka 2:47

Na bɛ bɔ betiele ye ne amukoraa, ye nworɛ ne ye mmuayɛɛ ne yɛle bɛ nwanwa.

Luka 4:15

Ɔyɛle ngyerɛkyerɛ wɔ bɛ nyianu sua nemɔ anu, na bɛ mukoraa bɛhyɛle ye animnyam.

Yohane 6:42

Na bɛhane kyɛ, “Aso nna ɛhe ole Yesu, Yosef awa ne, bɔ yɛse ye baba ne ye maame ɔ? Ɔyɛle sɛɛ bɔ afei ɔkã kyɛ, ‘Mvi nyameɛso yeɛ mmale ase ɔ?’ ”

Yohane 7:15

Na ɔyɛle Yudafoɛ nemɔ nwanwa maa bɛhane kyɛ, “Ɔyɛle sɛɛ bɔ biaa he nyane nimdeɛ sɔa ɔ, wɔ aberɛ bɔ ossuane nwomaa biala ɔ?”