Marko 6:14 - AHYERƐLƐ KRONGRON

¹⁴ Ɛhene Herode tele Yesu nga, ofikyɛ né Yesu dumaa adwu dede. Na ɔhane kyɛ, “Yohane bɔ né ɔbɔ asu ne watingye wafi awufoɛ nu, yiti yeɛ ɔmaa ole tumi ɔyɔ anwanwadeɛ hemɔ ye.”

Marko 6:14 Iomraidhean Croise

2 Aberɛso Dwirɛ 26:15

Ngaen bɔ adwiililɛfoɛ paa paa mɔ bayɔ ne, ɔhyehyɛle bie wɔ Yerusalem. Ɔfale bɛ siesiele abandenden nemɔ aso ne ndweasoɛ nemɔ aso bɔ né bɛfa bɛto agyaen ne nyɔboɛ mbiri ɔ. Ye dumaa trɛle hɔle dedeede, ofikyɛ AWURADE gyinane ye si maa ɔnate so onyane tumi.

2 Aberɛso Dwirɛ 26:8

Né Amonfoɛ betua toɔ bɛma Yusia, na ye dumaa trɛle alaa oodwuli Misraim ɛwɛen so, ofikyɛ né ye nwo yɛ se paa.

Mateo 9:31

Nakoso befili berɛ ne, bɛbɔle Yesu nwo dawure wɔ mbɔtam berɛ amukoraa.

Marko 1:28

Na berɛ ne ala, Yesu nwo dwirɛ trɛ hɔle mbɔtam bɔ bapɛ Galilea nwo bayia ne amukoraa nu.

Marko 1:45

Nakoso, biaa ne de, ofili berɛ hɔle nen, ɔhyɛle ye bo ɔbɔle edwirɛ ne dawure maa otenele. Na ye sɔ ati, Yesu angora wanye ye nyunu wangɔ kuro biala so ko; na mmom ɔhale ɛserɛ ne aso berɛ, na mmenia fili nekaa biala bɛwale ye berɛ.

Marko 8:28

Na bebuale ye kyɛ, “Asubɔlɛniɛ Yohane; nakoso ebiemɔ nwa: Elia; yeɛ ebiemɔ koso nwa: Ngɔmhyɛlɛfoɛ nemɔ nu ko.”

Luka 13:31

Na sɔ mmerɛ ne anu, Farasiifoɛ biemɔ wale beesele ye kyɛ, “Fi wa kɔ, ofikyɛ Herode pena wɔ ku wɔ!”

Luka 3:1

Na Kaesare Tiberio ahennie afoɛ bɔ ɔtɔ so buru ne nnu ne, bɔ né Pontio Pilato te amrado wɔ Yudea nen, bɔ né Herode yeɛ ɔnea Galilea manzini ne aso ne, né oliɛma Filipo yeɛ ɔnea Yiturea ne Trakoniti manzini nemɔ aso ɔ, yeɛ né Lisania koso ɔne Abilene manzini so ɔ.

Luka 7:17

Na ye nwo dwirɛ trɛ hɔle Yudea amukoraa ne aseɛ mɔ bɔ bapɛ ye nwo bayia ne amukoraa so.

Luka 9:19

Na bebuale kyɛ, “Asubɔlɛniɛ Yohane; nakoso ebiemɔ bɛnwa Elia; yeɛ ebiemɔ koso bɛnwa daa tete ngɔmhyɛlɛfoɛ nemɔ nu ko yeɛ wadwɔso ɔ.”

1 Tɛsalonikafoɛ 1:8

Ofikyɛ, nna Awurade nwo dwirɛ ne ngome yeɛ wafi ɛmɔ berɛ waadwu Makedonia ne Akaia ɔ; na mmom ɛmɔ gyidie wɔ Nyameɛ nu nwo dwirɛ koso watrɛ wahɔ nekaa biala, yiti onhia kyɛ yɛkɔhã ye nwo dwirɛ ko.

Hebrifoɛ 2:4

Na Nyameɛ koso yɔle nzɛngyerɛnneɛ ne anwanwadeɛ ne tumi nnwumaa ahoroɔ, na ɔmane Sunzum Krongron akyɛdeɛ ne, kyɛbɔ ye apɛdeɛ si te ɔ fa lili edwirɛ ne nwo adanzeɛ.