Marko 5:9 - AHYERƐLƐ KRONGRON

⁹ Afei Yesu bisale ye kyɛ, “Wɔ dumaa li sɛɛ?” Na obuale kyɛ, “Me dumaa li Ɛlɔen, ofikyɛ yɛsone.”

Marko 5:9 Iomraidhean Croise

Mateo 12:45

Na ɔkɔ kɔfa sunzum nzoo foforɛ bɔ bedi bɔne bɛtra ye ɔ ɔboka ye nwo so ɔne bɛ ba, na bɛbawura nu bɛtena berɛ. Na sɔ sona ne, ye asetena bɔ oli nziɛ ne te bɔne asetena tra daa ne. Na sɔ ala yeɛ ɔkɔto ɛnɛmmafoɛ bɔnefoɛ he ɔ.”

Mateo 26:53

Ɛdwene kyɛ mengɔhora ngɔsrɛ me Baba maa ɔngɔsoma abɔfo asafokure bɔ bɛbo buru ne nyɔ kekesaala ye maa bɛngɔɔboka me anaa?

Marko 5:10

Na ɔsrɛle Yesu pee kyɛ nnɛmaa ɔfoa bɛ fi sɔ aseɛ ne aso.

Marko 5:15

Bɛɛtole Yesu berɛ, na benwuni biaa bɔ mmerɛ bie né sunzummɔne wɔ ye so ne, bɔ ye dumaa li Ɛlɔen ne, kyɛ ɔte berɛ ɔ, kyɛ owura ataadeɛ, ná ye adwene wɔ berɛ ɔ, na besurole.

Marko 5:8

Ofikyɛ né Yesu ahã ahyire ye kyɛ, “Wɔ, sunzum tɛɛ, fi biaa ne anu fite!”

Luka 8:30

Na Yesu bisale ye kyɛ, “Wɔ dumaa li sɛɛ?” Na obuale kyɛ, ‘Ɛlɔen’; ofikyɛ né sunzummɔne pee bɛwɔ ye nu.