Marko 5:7 - AHYERƐLƐ KRONGRON

⁷ na ɔteane nu serɛserɛ kyɛ, “Yesu, Anwuro Anwuro Nyameɛ n’Awa, nzikyɛ yeɛ me ne wɔ le yɔ ɔ? Meta Nyameɛ ndaen kyɛ, nnɛteetee me.”

Marko 5:7 Iomraidhean Croise

Gyenesise 3:15

Ngɔfa ɛpɔen ngɔto wɔ ne braa n’afia, yeɛ wɔ boso ama ne ye boso ama b’afia; ɔkɔgyerɛgyerɛ wɔ ti, na wɔ wora aha ye gya si.”

1 Ahemvo 22:16

Nakoso Nana Ahabo bisale Mikaya kyɛ, “Pɛen nyɛɛ yeɛ odi kyɛ memaa ɛta ndaen kyɛ AWURADE dumaa nu edwirɛ nahorɛ ngome yeɛ ɛkɔhã kohyire me ɔ?”

Hosea 14:8

Ao Efraim, nzikyɛ yeɛ me ne mmosoen yɛle ye yɛyɔ bieku ɔ? Me yeɛ mema ye mmuayɛɛ, ná menea ye so ɔ; nde kyɛ ɛframmire monɛ bɔ ye nyaa mboro ɔ, na me so yeɛ enya wɔ mmakaammaa ɔ.

Mateo 16:16

Na Simɔn Petro buale kyɛ, “Wɔ ole Kristo ne, Nyameɛ teasefoɛ n’Awa ne.”

Mateo 26:63

Nakoso Yesu yɛle dinn. Yeɛ ɔsɔfo panyi paa ne sele ye kyɛ, “Mefa Nyameɛ teasefoɛ ne meta ndaen megua wɔ so kyɛ, sɛ wɔ ole Kristo ne, Nyameɛ Awa ne a, kã kyire yɛ.”

Mateo 4:3

Na bɔ oso mmenia nea ne wale ye berɛ oosele ye kyɛ, “Sɛ wɔ ole Nyameɛ Awa ne a, hyɛ nyɔboɛ hemɔ ma paanoo.”

Mateo 8:29

Na yieee, bɛteateane nu kyɛ, “Nzikyɛ yeɛ yɛne wɔ le yɔ ɔ, wɔ, Nyameɛ Awa? Ɛwale wa kyɛ ɛbaateetee yɛ koraka ná mmerɛ ne adwu anaa?”

Marko 1:24

“Yesu Nasarɛteniɛ, nzikyɛ yeɛ yɛne wɔ le yɔ ɔ? Awa kyɛ ɛbaasɛkye yɛ hɔ ɔ? Mese wɔ sona sue, Nyameɛ ye Krongronniɛ ne.”

Marko 14:61

Nakoso Yesu yɛle dinn, na wammua ye nwo bie. Na ɔsɔfo panyi paa ne sa bisale ye kyɛ, “Wɔ ole Kristo ne, Bɔ Wanya Saleɛ n’Awa ne anaa?”

Marko 3:11

Na sɛ né sunzummɔne mɔ benwu ye a, befifi ase wɔ ye nyunu, na bɛteatea nu kyɛ, “Wɔ ole Nyameɛ Awa ne.”

Marko 5:6

Na mmerɛ bɔ onwuni Yesu wɔ dedeede nen, otuli amirika ɔɔkotole ye nyunu;

Marko 5:8

Ofikyɛ né Yesu ahã ahyire ye kyɛ, “Wɔ, sunzum tɛɛ, fi biaa ne anu fite!”

Luka 1:32

Ɔkɔyɛ sona titire, na bɛkɔfrɛ ye Anwuro Anwuroniɛ n’Awa; na Awurade Nyameɛ kɔfa ye nana Dawide ahennie bia ne kɔma ye,

Luka 4:34

“Yesu bɔ efi Nasarɛte, nnɛba teetee yɛ! Nzikyɛ yeɛ yɛ ne wɔ le yɔ ɔ? Awa kyɛ ɛbaasɛkye yɛ hɔ ɔ? Mese wɔ sona sue, wɔ ole Nyameɛ ye Krongronniɛ ne!”

Luka 6:35

Yiti ɛ́mɔhuro ɛmɔ pɔfoɛ mɔ dwirɛ, ná ɛmɔyɛ paa, ɛ́mɔfa bɛ́fɛmo bɔ ɛmɔ nye ngoli ye si kyɛ ɛmɔkosa bekole ɔ; na ɛmɔkonya akatuaa piri, ná ɛmɔayɛ Anwuro Anwuroniɛ ne mma; ofikyɛ ye de, ɔte paa ma boniayɛfoɛ ne bɔnefoɛ.

Luka 8:28

Na mmerɛ bɔ onwuni Yesu nen, ɔteane nu serɛserɛ tole ye nwo yele ye gya bo, na ɔteane nu hane kyɛ, “Yesu, Anwuro Anwuro Nyameɛ n’Awa, nzikyɛ yeɛ me ne wɔ le yɔ ɔ? Mesrɛ wɔ, nnɛteetee me!”

Yohane 20:31

Nakoso ɛhemɔ yeɛ bahyerɛ ɔ, kyɛbɔ ɛmɔkole bekoli kyɛ Yesu ole Kristo ne, Nyameɛ Awa ne, na ɛmɔde bedi a, ɛmɔanya ngoa wɔ ye dumaa nu.

Asomafoɛ 16:17

Olili Pɔɔlo ne yɛ si teateane nu kyɛ, “Sɔ mmenia hemɔ bɛte Anwuro Anwuro Nyameɛ ne ngoaa bɔ bekyire ɛmɔ ngoalelɛ atee ne ɔ.”

Asomafoɛ 19:13

Yiti Yudafoɛ ngonyaayelɛfoɛ biemɔ bɔ bekyini betutu sunzummɔne yɛle kyɛ bɛ koso bɛkɔfa Awurade Yesu dumaa bɛkɔyɔ bie, na besele sunzummɔne nemɔ kyɛ, “Yɛhyɛ wɔ wɔ Yesu bɔ Pɔɔlo di ye nwo adanzeɛ ne dumaa nu kyɛ, fi ye nu fite!”

Asomafoɛ 8:36

Na bɛwɔ atee so bɛ́kɔ nen, bedwuli nekaa bie bɔ nzue wɔ ɔ; na sayɛɛ ne sele kyɛ, “Nea, nzue ɛhe! Nzikyɛ yeɛ osi m’asubɔlɛ nwo ate ɔ?”

Romanfoɛ 16:20

Na ɔngɔhyɛ koraa asomdwee Nyameɛ ne kɔbɛtɛ Abɔnzam wɔ ɛmɔ gya bo. Y’Awurade Yesu Kristo ɔlo ɛmɔ.

Hebrifoɛ 2:14

Na ɔnate kyɛ mmaa nemɔ te anwoɔnaen ne mogya ne ati, Yesu bɔbɔ yɛle ye nwo kyɛ bɛ ala, ɔfale sɔ sona sue ne bie, amaa ɔnate ye wue ne aso wasɛkye abɔnzam bɔ ye yeɛ ole ewue so tumi ne;

Hebrifoɛ 7:1

Sɔ Mɛlkisɛdɛke ne, ɔte Salem hene, na osa te Anwuro Anwuro Nyameɛ ne ye sɔfo. Mmerɛ bɔ Abraham fi koɛ bɔ oohuhuni ɛhene biemɔ na osa ba nen, Mɛlkisɛdɛke ooyiale ye, na oyirale ye;

Yakobo 2:19

Yeɛ ede di kyɛ Nyameɛ te komapɛ? Ayɔ nikye, sunzummɔne mɔ po bede bedi, na bɛ nwo wosowoso bɛ.

2 Petro 2:4

Na sɛ Nyameɛ amva abɔfo mɔ bɔ bɛyɔle bɔne ne nwo wangyɛ bɛ, ná mmom ogyili bɛ guale ɛborɔ kumaa kuronguronn awosii kabii nu, ná ɔbɔle bɛ panwu kyɛ ɔfa nwondɛ ndɛenbualɛ ne a;

1 Yohane 3:8

Ebiala bɔ ɔyɔ bɔne te abɔnzam sona, ofikyɛ ofi ahyɛaseɛ ne yeɛ abɔnzam yɔ bɔne ɔ. Na ɔnate ɛhe ati yeɛ Nyameɛ Awa ne ɔɔlale ye nwo ali kyɛ ɔbaasɛkye abɔnzam nnwumaa.

Yuda 1:6

Na abɔfo mɔ bɔ bannea bɛ dibea so yé, ná mmom bɛyakyili bɛ bɔbɔ b’atenaleɛ berɛ ne, wabɔ bɛ afebɔɔ panwu wafa bɛ wasie awosii kabii nu, na ɔfa nwondɛ kyẽa piri ndɛenbualɛ ne.

Nyekyire 12:12

Yiti nyameɛso ne ɛmɔ bɔ ɛmɔte nyameɛso ɔ, ɛ́mɔli ahurusi! Nakoso aseɛ ne ɛpo de, bɛ yaakɔ! Ɔnate kyɛ abɔnzam le ɛyaa pirikua wadwu waatoa ɛmɔ wɔ dɔ, ofikyɛ ɔse kyɛ ye mmerɛ aha tikaape bie.”