Marko 5:36 - AHYERƐLƐ KRONGRON

³⁶ Nakoso Yesu tele edwirɛ bɔ bɛhane nen, osele nyianu sua nu panyi ne kyɛ, “Nnɛsuro, wɔ de dedi.”

Marko 5:36 Iomraidhean Croise

2 Aberɛso Dwirɛ 20:20

Koɛhonɛfoɛ nemɔ dwɔsole ngyerɛmɔ tutuutu bɛhɔle Tekoa ɛserɛ ne aso. Bɛkɔ ne, Yehosafate dwɔsole sele kyɛ, “Yuda ne Yerusalemfoɛ, ɛ́mɔtie me! Ɛ́mɔle AWURADE ɛmɔ Nyameɛ ne beli, na okoyie ɛmɔ yé. Ɛ́mɔle ye ngɔmhyɛlɛfoɛ ne beli.”

Mateo 17:20

Na obuale bɛ kyɛ, “Ɛmɔ gyidie te kãa ti ɔ. Nahorɛ nu, mekã mekyire ɛmɔ kyɛ, sɛ ɛmɔle gyidie bɔ ye piri te kyɛ sinapi baa ko a, ahaa ɛmɔkɔhã bekohyire bokaa he kyɛ, ‘Tutu fi wa kɔ dɔ,’ na ye bo kotutu; na ahaa nikyee biala ngɔyɛ se ngɔma ɛmɔ.” [

Mateo 9:18

Yesu gu so bɔ ɔkã ɛhemɔ kyire bɛ nen, yieee, panyi bie wale ɔɔkotole ye nyunu berɛ, na ɔhane kyɛ, “Mma brasua awu kekesaala ye, nakoso bra baafa wɔ sa gua ye so, na okonya ngoa.”

Marko 5:22

Na nyianu sua nu mbanyi nemɔ nu ko wale ye berɛ. Ye dumaa li Yairo. Na onwuni Yesu nen, obutuli ye gya bo berɛ,

Marko 5:34

Na Yesu sele ye kyɛ, “Mma brasua, wɔ gyidie ale wɔ; kɔ asomdwee nu, na w’anwonyerɛ ne ɔhɔ bɔkɔɔ.”

Marko 9:23

Yeɛ Yesu sele ye kyɛ, “Ɛnwa: ‘Sɛ ɛkɔhora a!’ Nikyee biala kɔhora kɔyɛ berɛ kɔma sona bɔ ode di ɔ.”

Luka 8:50

Nakoso Yesu tele ɛhe nen, obuale ye kyɛ, “Nnɛsuro, wɔ de dedi, na okonya ngoa.”

Yohane 11:40

Yeɛ Yesu sele ye kyɛ, “Manga mangyire wɔ kyɛ, sɛ ede di a ekonwu Nyameɛ animnyam?”