Marko 5:30 - AHYERƐLƐ KRONGRON

³⁰ Na berɛ ne ala, Yesu tele nga wɔ ye nu kyɛ tumi bie afi ye nu. Ɔkakyili ye nwo wɔ mmenia ne anu, na obisale kyɛ, “Nwa yeɛ ɔfale ye nwo hane m’ataadeɛ ne?”

Marko 5:30 Iomraidhean Croise

Marko 5:31

Na ye asuafoɛ nemɔ buale ye kyɛ, “Enwu kyɛ mmenia wora he ahyere wɔ so, nakoso ebisa kyɛ, ‘Nwa yeɛ ɔfale ye sa hane me ne?’ ”

Luka 5:17

Na ɔwale kyɛ, ɛlɛho bie, né ɔyɛ ngyerɛkyerɛ. Né Farasiifoɛ ne mmeraa akyerɛkyerɛfoɛ bɛtete berɛ bie. Befili Galilea ne Yudea nguraa mukoraa nu ne Yerusalem yeɛ bɛwale ɔ; na né Awurade tumi wɔ ye so bɔ ɔfa sa anwonyerɛ ɔ.

Luka 6:19

Na mmenia worawora ne amukoraa bɛperele kyɛ bɛkɔfa bɛ nwo bɛkɔhã ye ɔ, ofikyɛ né tumi fi ye nu ɔsa bɛ mukoraa anwonyerɛ.

Luka 8:46

Na Yesu hane kyɛ, “Ebie afa ye sa wahã me, ofikyɛ manwu kyɛ tumi bie afi me nu wahɔ.”

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.