Marko 5:23 - AHYERƐLƐ KRONGRON

²³ na ɔsrɛle ye paa kyɛ, “Mma abaayaa pena wu, yiti mesrɛ wɔ, baafa wɔ sa gua ye so maa ɔte apɔ, ná onya ngoa.”

Marko 5:23 Iomraidhean Croise

2 Ahemvo 5:11

Nakoso Naaman fɛle yaa, ofili berɛ hɔle, na osele kyɛ, “Me de menwa nzɛ okofite kɔwa, ná waagyina wa wabɔ AWURADE ye Nyameɛ ne dumaa, ná wanwaha ye sa wɔ nekaa bɔ anwonyerɛ ne wɔ ne aso, ná wasa kwata anwonyerɛ ne!

Edwein 107:19

Yeɛ besu bɛfrɛle AWURADE wɔ b’amaneɛnwunɛ nu, na ɔpepɛ lele bɛ fili b’anwokyere nu.

Edwein 50:15

Sũ frɛ me wɔ w’amaneɛnwunɛ mmerɛ nu, na ngɔpepɛ ngole wɔ, amaa ɔnate so ahyɛ me animnyam.”

Mateo 8:3

Na Yesu tengyɛle ye sa fa hane ye, na ɔhane kyɛ, “Mekuro, wɔ nwo fi!” Na berɛ ne ala ye kwata ne hɔle.

Marko 16:18

bɛkɔma ewoo mɔ so, na sɛ bɛno nikyee biala bɔ ɛborɔ wɔ nu a, ɔngɔyɔ bɛ huu; bɛkɔfa bɛ sa bekogua ayarefoɛ so maa bɛkɔte apɔ.”

Marko 5:24

Yiti Yesu ne ye besili nu kyɛ bɛkɔ, na mmenia birikabirika betu belili ye si, na bɛhyerele ye so.

Marko 6:13

Betuli sunzummɔne pee, na bɛfale olive ngoo bɛpopale ayarefoɛ pee bɛsale bɛ anwonyerɛ.

Marko 7:32

Na ebiemɔ fale asotiniwaaniɛ bie bɔ osa te emumu ɔ bɛwale ye berɛ, na bɛsrɛle ye kyɛ ɔfa ye sa gua ye so.

Marko 8:23

Yesu sɔle anyesiniwaaniɛ ne sa, ɔfale ye hɔle kuro ne tiwaa, ɔfele nwɔserɛ guale ye nye so, ɔfale ye sa guale ye so, na obisale ye kyɛ, “Yiti enwu nikye?”

Luka 13:13

Na ɔfale ye sa guale ye so, na berɛ ne ala ye nu tengyɛle, na ɔyele Nyameɛ ayɛ.

Luka 4:38

Yesu dwɔsole fili nyianu sua ne anu, na ɔhɔle Simɔn awuro. Né Simɔn sia brasua afokyɛ paa, na bɛsrɛle ye kyɛ ɔboka ye.

Luka 4:40

Na eyia kwaatɔ ne, bɛ bɔ bele ayarefoɛ bɔ anwonyerɛ ahoroɔ abɔ bɛ amukoraa, bɛfale bɛ brɛle ye; na ɔfale ye sa guale ebiala so sale bɛ anwonyerɛ.

Luka 7:12

Na opingyele kuro berɛ pambim ne anwo nen, yieee, né bɛsõ biaa bie bɔ wawu ɔ, bɔ ɔte oni bahorɛ ɔ bɔ bɛfa ye befite ɔ. Né braa ne te kunaniɛ, na né kuro berɛ ama pee bɛboka ye so yeɛ bɛ́kɔ ɔ.

Yohane 11:3

Yiti oliɛma mmrasua nemɔ bɛsomane maa bɛwale Yesu berɛ beesele ye kyɛ, “Yieee, Awurade, bɔ ekuro ye dwirɛ ne, anwonyerɛ abɔ.”

Asomafoɛ 28:8

Né ebunu ahye Publio baba ato berɛ; asa koso né ahunundulɛ aha ye. Pɔɔlo hɔle ye berɛ ɔɔbɔle mbaeɛ mane ye, na ɔfale ye sa guale ye so maa ɔtele apɔ.

Asomafoɛ 6:6

Bɛmaa beegyinane asomafoɛ ne nyunu berɛ, na bɛfale bɛ sa beguale bɛ so bɛbɔle mbaeɛ bɛmane bɛ.

Asomafoɛ 8:17

Afei Petro ne Yohane fale bɛ sa guale bɛ so, na benyane Sunzum Krongron ne.

Asomafoɛ 9:12

na wanwu biaa bie bɔ bɛfrɛ ye Anania wɔ nyekyire nu kyɛ ɔ́ba ye berɛ bafa ye sa gua ye so maa osa nwu nikye.”

Asomafoɛ 9:17

Yiti Anania sili nu hɔle. Owurale awuro ne anu, ɔfale ye sa guale ye so, na ɔhane kyɛ, “Aliɛmaa Sɔɔlo, Awurade Yesu bɔ ɔyele ye nwo ali hyirele wɔ wɔ atee bɔ efi so wale ne aso ne, wasoma me wɔ wɔ berɛ, kyɛ esa nwu nikye, ná Sunzum Krongron oyi wɔ tɛkyɛ.”