Marko 5:17 - AHYERƐLƐ KRONGRON

¹⁷ Na bɛhyɛle ye bo bɛsrɛle Yesu kyɛ ofi bɛ mbɔtam berɛ hɔ.

Marko 5:17 Iomraidhean Croise

Gyenesise 26:16

Yiti Abimɛlɛke sele Yisake kyɛ, “Fi yɛ wa kɔ, ofikyɛ wɔ nwo suronyi atɔ yɛ so.”

1 Ahemvo 17:18

Yeɛ braa ne sele Elia kyɛ, “Nyameɛ sona, nzikyɛ dwirɛ yeɛ afa ali me ye? Ɛwale wa kyɛ ɛbaakaye me me bɔne, ná ɛma mma ne wu anaa?”

Mateo 8:34

Na yieee, kurotue ne amukoraa bɛbɔle twi beeyiale Yesu, na benwuni ye nen, bɛsrɛle ye kyɛ ofi bɛ mbɔtam berɛ hɔ.

Marko 1:24

“Yesu Nasarɛteniɛ, nzikyɛ yeɛ yɛne wɔ le yɔ ɔ? Awa kyɛ ɛbaasɛkye yɛ hɔ ɔ? Mese wɔ sona sue, Nyameɛ ye Krongronniɛ ne.”

Marko 5:7

na ɔteane nu serɛserɛ kyɛ, “Yesu, Anwuro Anwuro Nyameɛ n’Awa, nzikyɛ yeɛ me ne wɔ le yɔ ɔ? Meta Nyameɛ ndaen kyɛ, nnɛteetee me.”

Luka 5:8

Na Simɔn nwuni ye sɔ nen, obuli ndwerɛ Yesu nyunu berɛ hane kyɛ, “O Awurade, fi me nwo wa kɔ, ofikyɛ nde sona bɔnefoɛ.”

Luka 8:37

Na mmenia amukoraa bɔ bɛwɔ Gerasafoɛ mbɔtam berɛ ne, bɛsrɛle Yesu kyɛ ofi bɛ berɛ hɔ; ofikyɛ né ɛserɛ piri atɔ bɛ so. Yiti ɔfole ɛlɛen ne anu osa hɔle.

Asomafoɛ 16:39

Yiti bɛɛyɛle bɛ dibem; bɛyele bɛ befili kuku nu, na bɛsrɛle bɛ kyɛ befi kuro berɛ bɛhɔ.

Deuteronomi 5:25

Nzaade nzu ati yeɛ ɔsɛ kyɛ yɛwu ɔ? Ofikyɛ sɔ see piri he kɔyera yɛ. Na sɛ yɛte AWURADE yɛ Nyameɛ komvi bieku a, ye de yɛkowuwu.