Marko 5:15 - AHYERƐLƐ KRONGRON

¹⁵ Bɛɛtole Yesu berɛ, na benwuni biaa bɔ mmerɛ bie né sunzummɔne wɔ ye so ne, bɔ ye dumaa li Ɛlɔen ne, kyɛ ɔte berɛ ɔ, kyɛ owura ataadeɛ, ná ye adwene wɔ berɛ ɔ, na besurole.

Marko 5:15 Iomraidhean Croise

1 Aberɛso Dwirɛ 13:12

Sɔ kyẽa ne, Dawide surole Nyameɛ, na ɔhane kyɛ, “Ɔkɔyɛ sɛɛ né mahora mafa Nyameɛ alaka ne mahɔ m’awuro?”

1 Aberɛso Dwirɛ 15:13

Ɔnate kyɛ nna ɛmɔ yeɛ ɛmɔsoale ye mmerɛ bɔ oli moa ne ati, AWURADE yɛ Nyameɛ fɛle yɛ so yaa paa, ofikyɛ yannea alaka ne aso yé.”

YOB NWOMAA NE 13:11

Ye tumi totohyia ne, aso ɔngɔma ɛmɔngosuro? Ye nwo suronyi ne, aso ɔngɔtɔ ɛmɔ so?

Edwein 14:5

Berɛ, ahunundetelɛ kandinga kɔtɔ bɛ so, ofikyɛ Nyameɛ gyi teneneefoɛ aworɛ ndoatoasoɛ bɛ si.

Mateo 12:29

“Anaakyɛ, ɔkɔyɛ sɛɛ né ebie ahora ahɔ katakyie bie awuro waafẽ ye nningyein wahɔ, sana odi moa ɔfa nyamaa kyekye katakyie ne koraka, ná afei wahora wafẽ ye awuro nningyein ne.

Mateo 26:53

Ɛdwene kyɛ mengɔhora ngɔsrɛ me Baba maa ɔngɔsoma abɔfo asafokure bɔ bɛbo buru ne nyɔ kekesaala ye maa bɛngɔɔboka me anaa?

Mateo 4:24

Ye nwo dwirɛ trɛ hɔle Siria amukoraa, na bɛfale bɛ bɔ bɛnde apɔ amukoraa bɔ anwonyerɛ ne anwondutuo ahoroɔ ayɛ bɛ ɔ, bɛ bɔ sunzummɔne wɔ bɛ so ɔ, ɔne bɛ bɔ ɛpɛlɛ ne apreprɛ wɔ bɛ so ɔ bɛbrɛle ye, na ɔsale bɛ anwonyerɛ.

Mateo 9:33

Yesu tuli sunzummɔne ne nen, emumu ne dwudwole; na ɔyɛle ɛlɔen ne nwanwa maa bɛhane kyɛ, “Yɛnnwuni ɛhe bie le wɔ Yisrael!”

Marko 5:14

Bɛ bɔ bɛnea mbrako nemɔ aso ne bɛnwatili, na bɛɛbɔle amaneɛ wɔ kuro ne anu ne namue nemɔ anu. Na mmenia hɔle kyɛ bɛkwaanea edwirɛ bɔ wasi ne.

Marko 5:16

Na bɛ bɔ benwuni bɔ wasi nen, bɛhane kyɛbɔ biaa bɔ né sunzummɔne wɔ ye so ne osi nyane ayaresa ɔ, ɔne bɔ wato mbrako nemɔ ɔ nwo dwirɛ behyirele mmenia ne.

Marko 5:18

Na mmerɛ bɔ Yesu yɛle kyɛ ɔkwaatena ɛlɛen nu ne, biaa bɔ mmerɛ bie né ole sunzummɔne ne srɛle ye kyɛ ɔne ye kɔɔtena.

Marko 5:4

ofikyɛ mmerɛ pee yeɛ bɛbɔle ye panwu ná beguale ye ngɔnzɔngɔnzɔ ɔ, nakoso ɔtetele ngɔnzɔngɔnzɔ ne anu, yeɛ obubuli panwu ne anu. Na ebiala angora ammrɛ ye ase.

Marko 5:9

Afei Yesu bisale ye kyɛ, “Wɔ dumaa li sɛɛ?” Na obuale kyɛ, “Me dumaa li Ɛlɔen, ofikyɛ yɛsone.”

Luka 10:39

Né Maata le aliɛma brasua bie bɔ bɛfrɛ ye Maria ɔ, na ɔɔtenane Yesu gya bo berɛ otiele ye ngyerɛkyerɛ.

Luka 8:27

Na ofili ɛlɛen ne anu dwuli ase nen, biaa bie bɔ ofi kuro berɛ ɔ, bɔ sunzummɔne mɔ bɛte ye nu dadadada ɔ, ooyiale ye. Né waye ye nwo wato so, né ɔtte awuro biala nu, na mmom asieleɛ so ngumaa nu yeɛ ɔte ɔ.

Kolosefoɛ 1:13

Wapepɛ wale yɛ wafi awosii tumi nu, na waasikye yɛ wɔ Ɔwa bɔ okuro ye dwirɛ n’Ahennie nu;

2 Timoteo 1:7

ofikyɛ Nyameɛ amma yɛ esurolɛ sunzum, na mmom tumi ne ɔdɔ ne anwohyɛsoɛ sunzum.

1 Samuel 16:4

Samuel yɔle bɔ AWURADE hyɛle ye ne, na ɔhɔle Betlehem. Kuro berɛ mbanyi fale ahunundetelɛ beeyiale ye, na bebisale ye kyɛ, “W’atee so bɔkɔɔ de?”