Marko 5:13 - AHYERƐLƐ KRONGRON

¹³ Na Yesu mane bɛ ate. Na sunzum tɛɛ nemɔ fitele beewurale mbrako nemɔ anu. Na mbrako kure ne piane bɛ nwo wii bɛtorotorole bokaa twɔndworɔnn ne beeguale ɛpo ne anu bewuwuli. Né bɛ somaa kɔyɛ apee nyɔ.

Marko 5:13 Iomraidhean Croise

1 Ahemvo 22:22

Na AWURADE bisale ye kyɛ: Ɛyɛ sɛɛ né alakalaka ye?’ Na obuale kyɛ, ‘Ngɔɔyɛ anoanu sunzum wɔ ye ngɔmhyɛlɛfoɛ ne amukoraa bɛ noa nu maa bɛkɔpɛ anoanu.’ Yeɛ AWURADE sele kyɛ, ‘Kɔ na kɔlakalaka ye, na wɔ sa kɔhã yeɛ kɔ na kɔyɔ ye sɔ ala.’

YOB NWOMAA NE 1:12

Yeɛ AWURADE sele Satan kyɛ, “Nea, nikyee biala bɔ ole ye ne, owura wɔ sa. Nakoso ye ngoa de, nnɛfa wɔ sa ka ye!” Yiti Satan fili AWURADE nyunu berɛ hɔle.

YOB NWOMAA NE 2:6

Yeɛ AWURADE sele Satan kyɛ, “Nea, owura wɔ sa. Nakoso ye ngoa de, nnɛfa wɔ sa ka ye!”

Mateo 7:6

“Nnɛma ɛmɔfa bɔ ɔte krongron ɔ bɛma ngyea, yeɛ nnɛma ɛmɔto ɛmɔ mbembenanneɛ paa begua mbrako nyunu, ná bamva bɛ gya bandiatia so, ná bambɛ bɛ nwo bangeka ɛmɔ.

Mateo 8:32

Na osele bɛ kyɛ, “Ɛmɔhɔ!” Yiti befili bɛ nu befitele, na beewurale mbrako nemɔ anu. Na yieee, mbrako kure ne amukoraa bepiane bɛ nwo wii bɛtorotorole bokaa twɔndworɔnn ne beeguale ɛpo ne anu, na bewuwuli wɔ nzue ne anu.

Marko 5:12

Na sunzummɔne nemɔ amukoraa bɛsrɛle ye kyɛ, “Foa yɛ kɔ mbrako nemɔ anu, maa yɛɛwura bɛ nu.”

Marko 5:14

Bɛ bɔ bɛnea mbrako nemɔ aso ne bɛnwatili, na bɛɛbɔle amaneɛ wɔ kuro ne anu ne namue nemɔ anu. Na mmenia hɔle kyɛ bɛkwaanea edwirɛ bɔ wasi ne.

Yohane 8:44

Ɛmɔ de, ɛmɔ baba bɔ ɛmɔfi ye nu ole abɔnzam, na ɛmɔ baba n’apɛdeɛ yeɛ ɛmɔkuro kyɛ ɛmɔyɔ ɔ. Ɔte wudiniɛ fi ahyɛaseɛ ne; na ollili nahorɛ le, ɔnate kyɛ nahorɛ biala nne ye nu. Sɛ ɔkã ngondombo dwirɛ a, kyɛbɔ ye sue te ne ala yeɛ ɔkã ɔ, ofikyɛ ɔte ngondomboniɛ ne ngondombo baba.

1 Petro 3:22

Ye yeɛ ɔhɔle nyameɛso ne, na ɔte Nyameɛ sa famaa so; na abɔfo mɔ ne anwoserɛ mɔ ne tumi mɔ babrɛ bɛ nwo ase bawura ye bo.

Nyekyire 20:7

Na sɛ afoɛ apee ko ne odwu a, bɛkɔsangye Satan bekofi ye kuku nu,

Nyekyire 9:11

Bele bɔ odi bɛ so hene, bɔ ye ole aseɛ bo dɔ kumaa kuronguronn nu abɔfo ne, bɔ ye dumaa li Abadɔn wɔ Hebri dwudwolɛ nu, yeɛ Hela dwudwolɛ nu koso oli Apolɔn.