Marko 4:8 - AHYERƐLƐ KRONGRON

⁸ Bakaammaa ne bie ooguale aseɛ paa so; befifili benyini, bebuale, na besuli, ebie aburasa, ebie aburasia, yeɛ ebie koso ɛyaa.”

Marko 4:8 Iomraidhean Croise

Gyenesise 26:12

Na Yisake yɔle eboo wɔ aseɛ ne aso, na sɔ afoɛ ne ala onyane aleɛ mmɔhoɛ ɛyaa. AWURADE yirale ye

Yesaya 58:1

“Tea nu serɛserɛ, nnɛkã wɔ komvi ase, ma wɔ komvi so kyɛ totorobɛndo, kã me maen ye mmeraatolɛ kyire ye, ɔne Yakob bosofoɛ bɛ bɔne kyire bɛ.

Yeremia 23:29

Me dwirɛ ne, aso ɔtte kyɛ see? AWURADE noa dwirɛ ɛne. Anaa ɔtte kyɛ bɔsobaka bɔ obubu nyɔbotaen nu ɔ?

Mateo 13:23

Na mmakaammaa bɔ beluale bɛ wɔ aseɛ paa so ne, ogyi berɛ ma ebiala bɔ ɔte edwirɛ ne ná ɔte ye bo ɔ; na ye yeɛ osu mmaa ɔ: ebie su ɛyaa, ebie su aburasia, yeɛ ebie su aburasa.”

Mateo 13:8

Bakaammaa ne bie koso ooguale aseɛ paa so; na besuli mmaa, ebie ɛyaa, ebie aburasia, ebie aburasa.

Marko 4:20

Na ebiemɔ koso te kyɛ mmakaammaa bɔ beguale aseɛ paa so ne. Bɛ yeɛ bɛte edwirɛ ne a, bede bɛto nu, na besu mmaa ɔ. Ebie su aburasa, ebie aburasia, yeɛ ebie koso ɛyaa.”

Marko 4:7

Bakaammaa ne bie guale mmowue nu; mmowue ne nyini, na bemiamiane bɛ, yiti banzu mmaa.

Marko 4:9

Na ɔfa sɔle so kyɛ, “Bɔ ole asoɛ kotie ne, maa otie.”

Luka 8:15

Na bɔ beguale aseɛ paa so ne, bɛ ole mmenia bɔ bɛte dwirɛ ne a, bɛfa ahone paa ɔne bɔ nu te ɔ bɛsɔ nu bum, na begyina pindinn besu mmaa.

Luka 8:8

Na ebie ooguale aseɛ paa so, befifili, na besuli mmɔhoɛ ɛyaa.” Na ɔhane sɔ dwirɛ ne nen, ɔteane nu sele kyɛ, “Bɔ ole asoɛ kotie ne, maa otie!”

Yohane 15:5

“Me ole bobe ne, na ɛmɔ ole mmaen nemɔ. Ebiala bɔ ɔtena me nu, ná me koso metena ye nu ne, ye yeɛ osu mmaa pee ɔ; ɔnate kyɛ ɛmɔkwati me a, ɛmɔngɔhora nikye fee yɔ.

Yohane 7:17

Sɛ ebie kuro kyɛ ɔyɔ ye apɛdeɛ a, okonwu ye kyɛ, ngyerɛkyerɛ ne ofi Nyameɛ berɛ, anaakyɛ mefa me bɔbɔ me tumi yeɛ medwudwo hɔ a.

Asomafoɛ 17:11

Na sɔ Yudafoɛ nemɔ, né b’adwene nu api tra bɛ bɔ bɛwɔ Tɛsalonika ne, ɔnate kyɛ bɛyele bɛ kunu betiele edwirɛ ne; na daa biala bɛneaneane Ahyerɛlɛ ne anu kyɛ, aso edwirɛ ne, ye ala ɛne a.

Ɛfesofoɛ 2:21

Ye nu yeɛ bɔ bahyehyɛ ne ngorabata amukoraa basosɔ ɔ, na ɔpagya kɔ anwuro kɔyɛ asɔneyɛɛ sua krongron wɔ Awurade nu;

Filipifoɛ 1:11

ná tenenee mmaa bɔ ɔnate Yesu Kristo so yeɛ ɔba ne, wayi ɛmɔ nu tɛkyɛ wayɛ animnyam ne asennaa wama Nyameɛ.

Kolosefoɛ 1:6

bɔ bɛfa bɛbrɛle ɛmɔ ne anu. Na onyi, yeɛ osu mmaa wɔ wiase amukoraa, kyɛbɔ wasu mmaa wɔ ɛmɔ nu fi kyẽa bɔ ɛmɔtele ná ɛmɔnwuni Nyameɛ adom wɔ nahorɛ nu ne,