Marko 4:38 - AHYERƐLƐ KRONGRON

³⁸ Né ye de ɔwɔ ɛlɛen ne anu wɔ nziɛ dɔ, bɔ ye ti la sumu so walafe ɔ. Yiti betingyele ye besele ye kyɛ, “Kyerɛkyerɛniɛ, aso ɔmva wɔ nwo kyɛ yɛpena yɛmono ɔ?”

Marko 4:38 Iomraidhean Croise

Yesaya 63:15

To wɔ nye fi nyameɛso nea, to wɔ nye fi wɔ krongron ne w’animnyam atenaleɛ berɛ nea. Wɔ nungunɛ ne w’anwoserɛ ne, ɔwɔ nisua? Wɔ kunu tetelɛ ne w’anwumvoinnwunɛ ne, aye afi me nwo anaa?

Yesaya 64:12

O AWURADE, aso ɛngɔfɛ yaa wɔ sɔ nningyein ne amukoraa nwo anaa? Aso ɛkɔyɛ konn ɛkɔprapra amaneɛ kogua yɛ so anaa?

Awuye 3:8

Yeɛ sɛ mebɔ awuye metea nu koso a, osi me mbaeɛ nwo ate.

Mateo 22:16

Na bɛsomane b’asuafoɛ mɔ ne Herodefoɛ maa bɛwale ye berɛ beebisale ye kyɛ, “Kyerɛkyerɛniɛ, yɛse kyɛ ɛte nahorɛniɛ, na ekyirekyire Nyameɛ atee ne turoloo, ɛnyɛ nyeyemuɛ; ofikyɛ ɛmva wɔ nye ndo mmenia bɛ dibea.

Mateo 8:25

Na bɛhɔle ye berɛ beetingyele ye besele kyɛ, “Awurade, de yɛ, na yawu yayie!”

Marko 4:37

Na mvrama piri bie hyɛle ye bo tuli, na asorɔkye bɔ guale ɛlɛen ne anu bɔ né ɔpena yi ɔ.

Marko 4:39

Na odwɔsole teateane mvrama ne, na osele ɛpo ne kyɛ, “Yɛ konn, na da berɛ dinn!” Afei mvrama ne yakyili tulɛ, na ɔyɛle dinn paa.

Luka 8:24

Na bɛhɔle ye nwo berɛ beetingyele ye, na besele kyɛ, “Yɛ mene, Yɛ mene, yawu yayie!” Odwɔsole, na ɔteateane mvrama ne ne asorɔkye wuruwuru ne, na bɛyakyili bɛyɛle dinn.

Yohane 4:6

Né Yakob abura ne wɔ berɛ. Né Yesu afɛ wɔ ye ateetulɛ ne anu, yiti ɔɔtenane abura ne anwo berɛ. Né ɔte kɔyɛ eyia duabien.

Hebrifoɛ 2:17

Ɛhe ati, né ohia kyɛ ɔyɛ kyɛ oliɛma nemɔ wɔ atee biala so, amaa wahora wayɛ sɔfo panyi paa bɔ odi nahorɛ, bɔ ɔse anwumvoin wɔ Nyameɛ dwumadie nu, ná wafa ye nwo wayɛ mbata wama adasa bɔne.

Hebrifoɛ 4:15

Yɛ sɔfo panyi paa he de, ɔtte ebie bɔ ɔngora nnwu yɛ anwumvoin wɔ yɛ mmerɛyɛlɛ nu ɔ; na mmom ɔte ebie bɔ besole ye bɛneane wɔ atee biala so kyɛ yɛ ala, nakoso wanyɔ bɔne ɔ.

1 Petro 5:7

Ɛ́mɔfa ɛmɔ dadwene amukoraa begua ye so, ofikyɛ ɔdwene ɛmɔ nwo.