Marko 4:3 - AHYERƐLƐ KRONGRON

³ “Ɛmɔtie, kuaniɛ bie hɔle kyɛ ɔkwaapete ye bakaammaa.

Marko 4:3 Iomraidhean Croise

Edwein 34:11

Ao me mma mɔ, ɛmɔbra beetie me noa dwirɛ, na ngohyire ɛmɔ AWURADE surolɛ ne.

Edwein 45:10

Ao mma brasua, tie bɔ mekã ye, ná dwene ye nwo; ma wɔ wora fi wɔ mmenia ne wɔ baba awuro ama,

Anyandera 7:24

Afei, me mma mɔ, ɛ́mɔtie me e, ná ɛ́mɔyɛ asoɛ bétie me noa dwirɛ.

Anyandera 8:32

“Afei, me mma mɔ, ɛ́mɔtie me e, bɛ bɔ bɛnate m’atee so ne, benya saleɛ.

Nworɛ Dwirɛhanɛniɛ 11:6

Dua wɔ fieso nningyein ngyerɛmɔ, yeɛ nnɛte wɔ sa fi ye lualɛ nwo nɔsoa, ofikyɛ ɛnze bɛ nu horɛ bɔ ɔkɔyɛ paa ɔ; kyɛ ɛhe anaa ɛhene, anaakyɛ bɛ munyɔ bɛkɔyɛ paa ɔ.

Yesaya 46:12

“Asoserɛfoɛ, ɛ́mɔyɛ asoɛ bétie me, ɛmɔ bɔ ɛmɔ ne tenenee b’afia atee wale ɔ:

Yesaya 46:3

“O Yakob awuro ama, yeɛ Yisrael awuro ama bɔ baha ne amukoraa, bɔ madodo ɛmɔ ofite ɛmɔ aworɛ nu, bɔ magyi ɛmɔ fi bɛ kunu ɔ, ɛ́mɔyɛ asoɛ bétie me!

Mateo 13:24

Yesu buli bɛ anyandera foforɛ kyɛ, “Nyameɛso ahennie ne, ɔte kyɛ biaa bie bɔ oluale mmakaammaa paa wɔ ye fieso ɔ.

Mateo 13:26

Atokoɔ ne nyini ná ɔfale mmaa nen, ngyɛngyɛma ne koso yele ye ti.

Mateo 13:3

Na ɔhane edwirɛ pee wɔ anyandera nu hyirele bɛ kyɛ, “Ɛ́mɔtie, kuaniɛ bie hɔle kyɛ ɔkwaapete ye bakaammaa.

Marko 4:14

Bɔ kuaniɛ ne pete ne, ɔte Nyameɛ dwirɛ ne.

Marko 4:2

Ohyirehyirele bɛ nningyein pee wɔ anyandera nu, na ye ngyerɛkyerɛ ne anu, osele bɛ kyɛ,

Marko 4:23

Sɛ ebie le asoɛ kotie a, maa otie!”

Marko 4:4

Na ɔpete nen, bakaammaa ne bie ooguale atee noa, na ewienu nnomaa wale beesusole.

Marko 4:9

Na ɔfa sɔle so kyɛ, “Bɔ ole asoɛ kotie ne, maa otie.”

Asomafoɛ 2:14

Petro ne asuafoɛ buru ne ko nemɔ bedwɔsole, na ɔmane ye komvi so dwudwole serɛ hyirele ɛlɔen ne kyɛ, “Yudea mmienzua ne ɛmɔ bɔ ɛmɔte Yerusalem amukoraa, ɛ́mɔyɛ asoɛ betie me, ná ɛ́mɔma ngyire ɛmɔ ɛhe abo.

Deuteronomi 4:1

“Afei Yisrael, tie ahyɛdeɛ ne nhyehyɛleɛ bɔ mekyirekyire ɛmɔ kyɛ ɛmɔli so ne, amaa ɔnate so ɛmɔanya ngoa, ná ɛmɔahɔ baafa aseɛ bɔ AWURADE ɛmɔ nana mɔ Nyameɛ ɔ́fa ma ɛmɔ ne.

Yakobo 2:5

Nniɛma mɔ bɔ ɛmɔla m’ahone nwo ɔ, ɛ́mɔtie! Aso Nyameɛ ɔnneneane nu ɔyyele wiase ahiafoɛ kyɛ bɛyɛ gyidie nu anwonyafoɛ, ná benya agyapadeɛ wɔ ahennie ne anu, ahennie bɔ wafa wahyɛ bɛ bɔ bekuro ye dwirɛ ne bɔ ne?

Nyekyire 2:11

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ewue bɔ ɔtɔ so nyɔ ne ngɔwa ye so.’

Nyekyire 2:29

Bɔ ole asoɛ ne, maa otie bɔ Sunzum ne kã kyire asɔre nemɔ ne.

Nyekyire 2:7

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye ngoa bakaa bɔ ogyi Nyameɛ Paradise ne anu mma maa okoli.