Marko 4:28 - AHYERƐLƐ KRONGRON

²⁸ Aseɛ ne bɔbɔ ma nningyein fifi so; odi moa fefɛ nyaa, ɔfa mmaa, na afei wayɛ aburoo, ná wati.

Marko 4:28 Iomraidhean Croise

Gyenesise 2:9

Na AWURADE Nyameɛ mane mmakaa mukoraa bɔ bɛyɛ nyemene ná ɔte paa kyɛ bedi ɔ fifili aseɛnwo wɔ turo ne anu; ɔmane ngoa bakaa fifili turo n’afia, yeɛ paa ne bɔne nwo nimdeɛ bakaa koso fifili nu.

Edwein 1:3

Ɔte kyɛ bakaa bɔ balua ye asue noa, bɔ osu ye mma wɔ mmerɛ bɔ odi kyɛ osu ɔ nu, bɔ ye nyaa ɔngese ɔ. Nikyee bɔ ɔyɔ biala, oyie ye yé.

Anyandera 4:18

Nakoso teneneefoɛ de, b’atee te kyɛ ngyerɛmɔ yia bɔ wapukye ɔ, na ɔbɔ toonn kodwu eyia ketee.

Nworɛ Dwirɛhanɛniɛ 3:1

Nikyee biala le ye mmerɛ bɔ ɔla berɛ ma ye ɔ, na edwirɛ biala le ye mmerɛ wɔ wiase:

Nworɛ Dwirɛhanɛniɛ 3:11

Wayɔ nikyee biala nyemenenyemene wɔ ye mmerɛ nu. Wafa mmerɛ bɔ olle ayieleɛ nwo adwene wawura kuro sona adwene nu, nakoso sona ngora nnwu bɔ Nyameɛ ayɔ ɔ, ofi ye bohyɛlɛ bɔ ɔkwaadwu ayieleɛ ɔ.

Yesaya 61:11

Na kyɛbɔ aseɛ ma ndire fifi wɔ so, ná turo koso ma bɔ balua ye wɔ nu fifi ne, sɔ ala yeɛ AWURADE Nyameɛ kɔma tenenee ne ayɛyelɛ kofifi wɔ maen maen amukoraa nyunu ɔ.

Hosea 6:3

Ɛ́mɔma yɛnwu ye, ɛ́mɔma yɛpere yɛpena AWURADE nwo nimdeɛ. Ye walɛ ne, osi pi kyɛ ngyerɛmɔ; na ɔkɔwa yɛ berɛ kyɛ esue, kyɛ bamborɔ bɔ ɔtɔ gua aseɛ so ɔ.”

Mateo 13:26

Atokoɔ ne nyini ná ɔfale mmaa nen, ngyɛngyɛma ne koso yele ye ti.

Marko 4:27

Ɔda tingye kɔngɔen ne eyia, na mmakaammaa ne fifi, na onyi, na ɔnze kyɛbɔ osi yɛle sɔ ɔ.

Marko 4:29

Nakoso sɛ mmaa ne ti a, berɛ ne ala kuaniɛ ne fa ye dadeɛ koateɛ kobu, ofikyɛ ye bulɛ mmerɛ adwu.”

Filipifoɛ 1:6

na mede medi kyɛ, ye bɔ ɔhyɛle adwuma paa bo wɔ ɛmɔ nu ne, ɔkɔhɔ so kɔyɔ koyie maa okoodwu Yesu Kristo kyẽa ne.

Kolosefoɛ 1:10

Na ɛhe kɔmaa ɛmɔkɔhora kɔbɔ bra bɔ ɔfata Awurade, ná ɔsɔ ye nye wɔ atee biala so. Na ɔkɔmaa ɛmɔkosu mmaa wɔ nnwumaa paa mukoraati nu, ná ɛmɔanyi Nyameɛ nimdeɛ nu.