Marko 4:24 - AHYERƐLƐ KRONGRON

²⁴ Na osele bɛ kyɛ, “Ɛ́mɔnea yé wɔ bɔ ɛmɔte ɔ nwo. Na asusudeɛ bɔ ɛmɔfa besusu bɛma ne, ye ala yeɛ bɛkɔfa bekosusu bɛkɔma ɛmɔ ɔ, na bɛkɔfa bie bɛkɔboka so bɛkɔma ɛmɔ.

Marko 4:24 Iomraidhean Croise

Anyandera 19:27

Mma, ɛyakyi foɛtulɛ tielɛ a, ɛne nimdeɛ dwirɛ kɔbɔ nzahoɛ.

Yesaya 55:3

Ɛ́mɔyɛ asoɛ bétie, ná ɛmɔbra me berɛ; ɛ́mɔtie, amaa ɔnate so ɛmɔ kra anya ngoa. Me ne ɛmɔ yɛkɔyɛ apam afebɔɔ, bɔ ɔte me ɔdɔ bɔ onni ngasi bɔ nne ye ma Dawide ne.

Yeremia 17:21

Bɔ AWURADE kã ɛhe: Ɛ́mɔnea ɛmɔ nwo yé ná ɛmɔanzoa nningyein afofikyẽa, anaa ɛmɔamva nningyein bamva Yerusalem pambim nemɔ anu bamma nu.

Mateo 7:2

ɔnate kyɛ ndɛen horɛ bɔ ɛmɔkobua ne, ye ala yeɛ bɛkɔfa bekobua ɛmɔ ɔ; na nikye horɛ bɔ ɛmɔkɔfa bekosusu ne, ye ala yeɛ bɛkɔfa bekosusu bɛkɔma ɛmɔ ɔ.

Marko 9:7

Yeɛ munungum bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ne ɛhe, ɛmɔtie ye!”

Luka 8:18

Yiti kyɛbɔ ɛmɔtie edwirɛ ne, ɛ́mɔdwene ye nwo yé. Ofikyɛ, ebiala bɔ ole bie ne, bɛkɔfa bieku bɛkɔboka ye so; na bɔ olle bie ne, bɔ osusu kyɛ ole ye ne po, bekole bekofi ye sa nu.”

Yohane 10:16

Na nne mmoaen foforɛ biemɔ bɔ bɛ de nna mmoaen kure he anu yeɛ befi ɔ; na ɔsɛ kyɛ mefa bɛ koso meba ɔ, na bɛkɔte me komvi. Yiti mmoaen kure ne kɔyɛ komapɛ ɔne mmoaenneafoɛ ko.

Yohane 10:27

Me mmoaen nemɔ bɛte me komvi, mese bɛ, na bedi me si.

Yohane 5:25

Nahorɛ nu paa, mekã mekyire ɛmɔ kyɛ, mmerɛ ne ɔ́ba, na wawa dada, bɔ awufoɛ bɛkɔte Nyameɛ Awa ne komvi, na bɛ bɔ bɛte ne, bekonya ngoa.

Asomafoɛ 17:11

Na sɔ Yudafoɛ nemɔ, né b’adwene nu api tra bɛ bɔ bɛwɔ Tɛsalonika ne, ɔnate kyɛ bɛyele bɛ kunu betiele edwirɛ ne; na daa biala bɛneaneane Ahyerɛlɛ ne anu kyɛ, aso edwirɛ ne, ye ala ɛne a.

2 Korintofoɛ 9:6

Ɔsɛ kyɛ ɛmɔnwu ye kyɛ, bɔ odua mmakaammaa kãa bie ne, okobu kãa bie; na bɔ odua pee ne, okobu pee.

Hebrifoɛ 2:1

Ye sɔ ne ati, odi kyɛ yɛsɔ nahorɛ dwirɛ bɔ yate ne anu yé ná yammini.

1 Petro 2:2

Ɛmɔte kyɛ nnɔma bɔ bawo bɛ foforɛ ɔ, yiti ɛ́mɔpena sunzum nu nyɔfonesue bɔ ye nwo te ɔ, amaa ɔnate so ɛmɔanyi nu bahɔ ngoalelɛ nu,

1 Yohane 4:1

Aliɛmaa mɔ, nna sunzum biala yeɛ ɔsɛ kyɛ ɛmɔde ye bedi ɔ, na mmom ɛmɔso sunzum nemɔ bɛnea sɛ aso bɛte Nyameɛ deɛ anaa; ofikyɛ ngondombo ngɔmhyɛlɛfoɛ pee badwɔso wɔ wiase.