Marko 4:19 - AHYERƐLƐ KRONGRON

¹⁹ nakoso sɛ abrabɔ nu dadwene ne anwonyadeɛ nnakannaka ne akɔnnɔdeɛ ahoroɔ ba bɛ so a, bemiamia edwirɛ ne, na onzu mmaa.

Marko 4:19 Iomraidhean Croise

Anyandera 23:4

Nnɛha wɔ nwo pee pena anwonya, nnɛdi wɔ bɔbɔ wɔ nworɛ si.

Anyandera 23:5

Kyɛ ɛbɔ wɔ nye perɛ ne, né watu wamini, ofikyɛ anwonya le ndaa, na otu kyɛ kɔleɛ ɔkɔ anwuro anwuro.

Nworɛ Dwirɛhanɛniɛ 4:8

Sona bɔ wayɛ angonam bɔ olle ba anaa aliɛmaa ɔ, nakoso adwuma serɛ alaa yeɛ ɔkɔ so yɔ ɔ, na ye nye nzɔ ye anwonya bɔ wanya ye ɔ. Na obisa ye nwo kyɛ, “Adwuma bɔ mefɛ me nwo meyɔ, bɔ mama m’anigye abɔ me ye, nwa yeɛ mefɛ mema ye ɔ?” Ɛhe koso te mbaen ne adwuma fuin.

Yesaya 5:2

Olele ye nwo waen, ɔyeyele so nyɔboɛ ne, oluale bobe mmaa paa wɔ nu, osili abandenden siele eboo n’afia, otuli nu kumaa bɔ okohwi bobe mmaa ne anu kɔyɔ nzaa ɔ, ɔnwondɛle kyɛ bobe ne kosu mmaa paa ɔ, nakoso ye mma bɔ osuli ne te bisii.

Yesaya 5:4

Nzikyɛ bieku yeɛ ahaa odi kyɛ meyɔ ye me bobe boo ne anu bɔ manyɔ ɔ? Mvale me nye ndole so kyɛ okosu mmaa paa, nzu ati yeɛ wasu mmaa bisii ɔ?

Mateo 13:22

Na mmakaammaa bɔ beguale mmowue nu ne, ogyi berɛ ma ebiala bɔ ɔte edwirɛ ne, nakoso ewiase asetena nu adwenedwene ne anwonyadeɛ nnakannaka bemiamia edwirɛ ne, na onzu mmaa.

Mateo 19:23

Yeɛ Yesu sele ye asuafoɛ nemɔ kyɛ, “Nahorɛ nu, mekã mekyire ɛmɔ kyɛ, ɔkɔyɛ se kɔma sikaniɛ kyɛ ɔkɔhɔ nyameɛso ahennie ne anu ɔ.

Mateo 3:10

Bafa akumaa ne babɔ bakaa ne ndii nu dada. Yiti bakaa biala bɔ onzu mmaa paa ne, bekobu ye, ná bagyi bato see nu.

Marko 4:18

Ebiemɔ koso te kyɛ mmakaammaa bɔ beguale mmowue nu ne. Bɛ yeɛ bɛte edwirɛ ne,

Luka 10:41

Na Awurade buale ye kyɛ, “Maata, Maata, ɛdwenedwene, na ɛha wɔ nwo wɔ nningyein pee nwo;

Luka 21:34

“Ɛ́mɔnea ɛmɔ nwo yé, ná poentolɛ ndrasoɛ ne nzaabolɛ ne asetena nu dadwene wanni ɛmɔ ti, ná sɔ kyẽa ne ammamvu ɛmɔ nu kyɛ ngaen;

Yohane 15:2

Me nwo mmaen biala bɔ onzu mmaa ne, ɔpɛ to; na mmaen biala bɔ osu mmaa ne de, ɔye ye nwo, amaa ɔnate so wasu mmaa pee.

Romanfoɛ 12:2

Nnɛma ɛmɔyɛ ɛmɔ nwo kyɛ wiase he, na mmom ɛ́mɔma ɛmɔ adwene nu foforɛyɛlɛ ne ɔsakyera ɛmɔ, amaa ɔnate so ɛmɔanwu bɔ ɔte Nyameɛ apɛdeɛ ɔ, bɔ ɔte paa, ɔsɔ anyeɛ ná odi mu ɔ.

Ɛfesofoɛ 2:2

bɔ daa ne, ɛmɔbɔle ɛmɔ bra kyɛbɔ wiase brabɔlɛ te ɔ, bɔ ɛmɔlili ewienu tumi panyi ne si, bɔ ɔte sunzum bɔ kekesaala ye odi dwumaa wɔ asoserɛfoɛ nu ne.

Ɛfesofoɛ 6:12

Ofikyɛ nna yɛne anwoɔnaen ne mogya yeɛ yɛdi ahoɛ ɔ; na mmom yɛne mbanyililɛ ne tumi mɔ ne ewiase awosii nu tumifoɛ ne ewienu dɔ sunzummɔne mɔ.

Filipifoɛ 4:6

Nnɛmɔma nikye fee ha ɛmɔ; na mmom nikyee biala nu, ɛ́mɔfa mbaeɛbɔlɛ ne ngotosrɛ ne asennaa bɛ́fa bɔ ohia ɛmɔ ɔ bɛ́to Nyameɛ nyunu.

1 Timoteo 6:17

Dwudwo kyire sikafoɛ bɔ bɛwɔ wiase, kyɛ nnɛmaa bɛmoma bɛ nwo so, anaakyɛ nnɛmaa bɛfa bɛ nye bɛto anwonyadeɛ bɔ ɔpɛ nu kɔ ɔ so; na mmom ɔsɛ kyɛ bɛfa bɛ nye bɛto Nyameɛ bɔ ɔma yɛ nningyein amukoraa mmorosoɛ ma yɛ nye gye ne aso.

2 Timoteo 4:10

Ofikyɛ Dema ahuro kekesaala ye wiase ye dwirɛ, na wayakyi me nu wasi nu wahɔ Tɛsalonika; Kreseke ahɔ Galatia, yeɛ Tito ahɔ Dalmatia.

2 Petro 1:8

Na sɛ ɛmɔle sɔ suban paa hemɔ mmorosoɛ a, bɛngɔma ɛmɔngɔtena berɛ mbaen anaa ɛmɔngɔyɛ mmenia bɔ benzu mmaa wɔ y’Awurade Yesu Kristo nwo nimdeɛ nu ɔ.

Yuda 1:12

Sɔ mmenia nemɔ, bɛte ngekalewa wɔ ɛmɔ ɔdɔ adidie bo, bɛne ɛmɔ didi a, bɛte mmoaenneafoɛ bɔ bɛ ngome bɛ ko yeɛ ohia bɛ ɔ, bɛte munungum bɔ nzue nne nu bɔ mvrama fa ye kyinikyini ɔ; mmakaa bɔ odwu bɛ sulɛ a benzu mma ɔ, bawu pɛen nyɔ, bɔ bɛ bo atutu ɔ,