Marko 4:12 - AHYERƐLƐ KRONGRON

¹² Na enwunɛ de, bekonwu ye, nakoso bengonwu nu; yeɛ ɛtelɛ de bɛkɔte, nakoso bɛngɔte ye bo, ná kyẽa bie banzakyera maa bamva bɛ bɔne bangyɛ bɛ.”

Marko 4:12 Iomraidhean Croise

Yesaya 43:8

Maen bɔ bɛ nye asi, nakoso bele anyeɛ ne, bɔ bɛ so ati, nakoso bele asoɛ ne, fa bɛ bra!

Yesaya 44:18

Mmenia sɔ ne, nimdeɛ abɔ bɛ, yeɛ b’adwene te nganga; ofikyɛ wama bɛ nye ne wamata, bɔ bennwu nikye ɔ; yeɛ wato b’adwene nu, bɔ bɛngora bennya ndeaseɛ ɔ.

Yeremia 36:3

Ebiaa Yuda awuro ama bɛkɔte musue amukoraa bɔ mayɛ m’adwene kyɛ ngɔprapra ngogua bɛ so ne, amaa ɔnate so ebiala asakyera ye adwene wafi ye bɔne atee nwo, ná mafa b’amumuyɛɛ ne bɛ bɔne mahyɛ bɛ.”

Yeremia 5:21

“Ɛ́mɔtie ɛhe, mmenia ngwaseafoɛ bɔ ɛmɔlle adwene ɔ, mmenia bɔ bele anyeɛ, nakoso bennwu nikye ɔ, bɔ bele asoɛ, nakoso bɛnde dwirɛ ɔ.

Hesekiel 12:2

“Sona awa, abusua bɔ bayɛ lɔen ɔ yeɛ ɛte bɛ nu ɔ. Bɛte mmenia bɔ bele anyeɛ bɔ odi kyɛ onwu nikye, nakoso bennwu nikye; bele asoɛ bɔ odi kyɛ ɔte dwirɛ, nakoso bɛnde dwirɛ, ofikyɛ bɛte ɛlɔenyɛlɛ abusua.

Marko 8:18

Ɛmɔle anyeɛ, nakoso ɛmɔnnwu nikye hɔ ɔ? Ɛmɔle asoɛ, nakoso ɛmɔnde dwirɛ hɔ ɔ? Yiti ɛmɔngaye?

Luka 8:10

Na obuale kyɛ, “Ɛmɔ de, bafa bama ɛmɔ kyɛ ɛ́mɔnwu Nyameɛ ahennie nu mvealeɛ nu dwirɛ, nakoso mmenia ngaa ne de, bafa bama bɛ anyandera nu, amaa ɔnate so banwu ye, nakoso bannwu nu, ná bate, nakoso bande ye bo.”

Asomafoɛ 3:19

Sɔ ati ɛmɔsakyera ɛmɔ adwene na ɛmɔbra Nyameɛ berɛ, na ɔkɔfa ɛmɔ bɔne kɔhyɛ ɛmɔ.

Deuteronomi 29:4

Nakoso ɛnɛ ne ɛnɛ ye po, AWURADE nnya mmane ɛmɔ adwene bɔ ɔte edwirɛ (hemɔ) bo ɔ, anaa anyeɛ bɔ onwu nikye ɔ, anaa asoɛ bɔ ɔte dwirɛ ɔ.

2 Timoteo 2:25

ná ɔfa anwobrɛaseɛ nu dwudwo kyire bɛ bɔ bɛne ye nyɛ adwene ɔ. Ofikyɛ ebiaa né Nyameɛ amaa basakyera b’adwene ná banwu nahorɛ ne,

Hebrifoɛ 6:6

sɛ bedi gyidie ne anwo makyebu a, bekosa bɛkɔsakyera b’adwene ko ɔ; ofikyɛ besa bɛbɔ Nyameɛ Awa ne mmeamudua nu bɛma bɛ nwo, na begua ye nyunu ase wɔ mmenia nu.