Marko 4:11 - AHYERƐLƐ KRONGRON

¹¹ Na obuale bɛ kyɛ, “Ɛmɔ de, bafa bama ɛmɔ kyɛ ɛ́mɔnwu Nyameɛ ahennie nu mvealeɛ nu dwirɛ; nakoso mmenia ngaa ne de, bɛkã ye mukoraa wɔ anyandera nu yeɛ bekyire bɛ ɔ.

Marko 4:11 Iomraidhean Croise

Mateo 11:25

Sɔ mmerɛ ne anu, Yesu hane kyɛ, “Baba, anwuro ne aseɛ Mene, meda wɔ ase kyɛ afa edwirɛ hemɔ afea nworɛfoɛ ne nimdeɛfoɛ, ná aye ahyire ngokwaammaa ɔ.

Mateo 13:16

“Nakoso ɛmɔ de, ɛmɔ nye anya saleɛ kyɛ benwu nikye ɔ, ɔne ɛmɔ so koso kyɛ bɛte dwirɛ ɔ.

Mateo 16:17

Na Yesu buale kyɛ, “Anya saleɛ, Yona awa, Simɔn! Ofikyɛ nna anwoɔnaen ne mogya yeɛ baye he bahyire wɔ ɔ, na mmom me Baba bɔ ɔwɔ nyameɛso ne ɔ.

Marko 3:23

Yiti Yesu frɛle bɛ wale ye nwo berɛ, na odwudwole wɔ anyandera nu hyirele bɛ kyɛ, “Ɔkɔyɛ sɛɛ né Abɔnzam ahora atu Abɔnzam?

Marko 4:10

Na ɔhale Yesu ngome wɔ berɛ nen, mmenia bɔ né bɛwɔ ye nwo berɛ ne, bɛ ne asuafoɛ buru ne nyɔ ne bebisale ye anyandera ne abo.

Marko 4:2

Ohyirehyirele bɛ nningyein pee wɔ anyandera nu, na ye ngyerɛkyerɛ ne anu, osele bɛ kyɛ,

Luka 8:10

Na obuale kyɛ, “Ɛmɔ de, bafa bama ɛmɔ kyɛ ɛ́mɔnwu Nyameɛ ahennie nu mvealeɛ nu dwirɛ, nakoso mmenia ngaa ne de, bafa bama bɛ anyandera nu, amaa ɔnate so banwu ye, nakoso bannwu nu, ná bate, nakoso bande ye bo.”

1 Korintofoɛ 4:7

Nwa yeɛ osele wɔ kyɛ asora wɔ ngome ɔ? Nzu yeɛ ele ye bɔ nna Nyameɛ yeɛ ɔfa mmane wɔ ɔ? Na sɛ ɔfa mane wɔ de a, nzu ati yeɛ ɛfa hoahoa wɔ nwo kyɛ nna akyɛdeɛ ahɔ ɔ?

2 Korintofoɛ 4:6

Ofikyɛ Nyameɛ bɔ ɔmane kanea fili awosii nu tale ne, wata hyireinn wɔ y’ahone nu, kyɛ Nyameɛ animnyam nwo nimdeɛ kanea bɔ ɔwɔ Yesu Kristo nyunu ne.

Ɛfesofoɛ 1:9

Ofikyɛ wamaa yanwu ye mvealeɛ nu apɛdeɛ, kyɛbɔ ye nhyehyɛleɛ botaeɛ bɔ ɔhyehyɛle ye wɔ Kristo nu ne ɔte ɔ.

Kolosefoɛ 4:5

Bɛ bɔ bɛnne yɛ fekue ne anu ne, ɛ́mɔnate nworɛ nu wɔ bɛ nu, na nnɛma ɛmɔsɛkye ɛmɔ mmerɛ mbaen.

1 Tɛsalonikafoɛ 4:12

amaa ɛmɔabɔ bɛ bra kyɛbɔ ɔfata wɔ ewiasefoɛ nu, ná nikye fee anhia ɛmɔ.

1 Timoteo 3:7

Afei koso, ɔsɛ kyɛ ɔyɛ ebie bɔ mmenia bɔ bɛnne yeɛ fekue ne anu ɔ bɛbɔ ye dumaa paa ɔ, ná ye nyunu angua ase ma wandɔ abɔnzam ngaen nu.

1 Yohane 5:20

Yɛsa yɛse kyɛ Nyameɛ Awa ne awa, na wabukye y’adwene nu maa yanwu nahorɛniɛ ne. Yɛne Ɔwa Yesu Kristo bɔ ɔte nahorɛniɛ ne atira abiɛngoɛ, na ye yeɛ ɔte nahorɛ Nyameɛ ne ɔne daa ngoa ne ɔ.