Marko 3:5 - AHYERƐLƐ KRONGRON

⁵ Na Yesu le ɛyaa neane bɛ bra yiale, na ɔnate b’asoserɛ ti ɔyɛle ye yea, na osele biaa ne kyɛ, “Tengyɛ wɔ sa ne anu.” Ɔtengyɛle nu, na ye sa ne yɛle paa kyɛ ye daa ne ala.

Marko 3:5 Iomraidhean Croise

Gyenesise 6:6

Na AWURADE nuni ye nwo kyɛ wayɔ sona wato aseɛ ye aso ɔ, na ɔyɛle ye yea soma.

1 Ahemvo 13:6

Yeɛ Nana Yeroboam sele Nyameɛ sona ne kyɛ, “Srɛ AWURADE wɔ Nyameɛ maa onwu me anwumvoin, ná bɔ mbaeɛ ma me maa me sa ne osa ɔyɛ paa.” Yiti Nyameɛ sona ne srɛle AWURADE mane Nana Yeroboam sa ne yɛle paa, na ɔyɛle kyɛ ye daa ne ala.

Nehemia 13:8

Mvɛle yaa paa, na ngyili Tobia nningyein amukoraa nguale dwaaso.

Edwein 95:10

Afoɛ aburanna yeɛ sɔ aworɛ ndoatoasoɛ ne bɛ nwo yɛle me ahi ɔ, na ngane kyɛ, “Bɛte maen bɔ b’adwene ali makyebu, bɔ bɛnze m’atee ɔ.”

Mateo 12:13

Na osele biaa ne kyɛ, “Tengyɛ wɔ sa ne anu.” Ɔtengyɛle nu, na ɔyɛle paa kyɛ ko ne ala.

Marko 3:4

Na obisale bɛ kyɛ, “Yiti mmeraa ma ate kyɛ yɛyɔ paa anaakyɛ bɔne afofikyẽa, kyɛ yɛkole ebie ngoa anaakyɛ yɛkohu ye ɔ?” Na bɛyɛle konn.

Luka 13:15

Yeɛ Awurade buale ye kyɛ, “Nyaatwomfoɛ! Ɛmɔ nu nwa yeɛ ɔnzangye ye nandwie anaa ye afunum mvi nekaa bɔ odidi ɔ afofikyẽa, ná ɔmva ye ngɔ maa ɔngɔno nzue ɔ?

Luka 17:14

Na onwuni bɛ nen, osele bɛ kyɛ, “Ɛ́mɔfa ɛmɔ nwo beehyire asɔfo nemɔ.” Na ɔwale kyɛ bɛ́kɔ nen, bɛ nwo fili.

Luka 6:10

Ɔneane bɛ mukoraa bra yiale, na osele biaa ne kyɛ, “Tengyɛ wɔ sa ne anu!” Ɔtengyɛle nu, na ye sa ne yɛle paa kyɛ ye daa ne ala.

Yohane 9:7

na osele ye kyɛ, “Kɔ, ná konwunzi so wɔ ɛkwaa Siloam nu,” (bɔ ye bo kyire: Bɔ basoma ye ɔ). Yiti osili nu hɔle oonwunzini so, na osa wale nen, né onwu nikye.

Romanfoɛ 11:25

Aliɛmaa mɔ, mvealeɛ nu dwirɛ he yeɛ mekuro kyɛ ɛmɔnwu ye ɔ, amaa ɔnate so ɛmɔammu ɛmɔ nwo nworɛfoɛ bandra so. Ye ole kyɛ, Yisrael ye bue bie bayɛ asoserɛ, maa okoodwu kyɛ Amaenmaensofoɛ somaa bɛkɔwa Nyameɛ berɛ ɔ.

2 Korintofoɛ 3:14

Nakoso b’adwene lili naakye, bɔ ɛnɛ ne ɛnɛ ye po sɛ bɛkenga apam daa ne a, ngatanyunu komapɛ ne ala tɛwɔ berɛ bɔ bennya bɛyyele ɔ, ofikyɛ sana Kristo nu angome yeɛ ngatanyunu ne ye fi berɛ ɔ.

Ɛfesofoɛ 4:18

Bɛ de, awosii akata bɛ ndeaseɛ so, na ɔnate ndeaseɛ bɔ belle bie, ná bayɛ asoserɛ ne ati, ngoa bɔ Nyameɛ fa ma ne wabɔ bɛ.

Ɛfesofoɛ 4:26

Ɛ́mɔfɛ yaa, nakoso nnɛma ɛmɔyɔ bɔne! Nnɛmɔma eyia kɔtɔ ɛmɔ yaafɛlɛ so,

Ɛfesofoɛ 4:30

Nyameɛ Sunzum Krongron bɔ bafa bahyɛ ɛmɔ nzorɛ bama ngoalelɛ kyẽa ne, nnɛma ɛmɔbɔ ye wora.

Hebrifoɛ 3:10

Yiti mvɛle sɔ aworɛ ndoatoasoɛ ne so yaa, na ngane kyɛ, ‘Daa biala bedi bɛ bɔbɔ bɛ ti piri, na bɛnze atee bɔ mefa so meyɔ me nningyein ɔ.’

Hebrifoɛ 3:17

Nwa mɔ yeɛ Nyameɛ fɛle bɛ so yaa afoɛ aburanna ne? Aso nna bɛ bɔ bɛyɔle bɔne na bɛtotɔle amono nu wɔ ɛserɛ ne aso ne ɔ?

Hebrifoɛ 5:9

na olili mu yiele nen, ɔɔyɛle ngoa bɔ olle ayieleɛ ti mane bɛ bɔ bɛyɔ sotie bɛma ye nemɔ amukoraa,

Nyekyire 6:16

Na besele mmokaa ne nyɔbotaen nemɔ kyɛ, “Ɛ́mɔdwiri begua yɛ so, ná ɛ́mɔfa yɛ bɛfea béfi bɔ ɔte ahennie bia ne aso ne nyunu, ɔne Boaen Ba n’ahonehulɛ nu;

Maenbulɛfoɛ 10:16

Yiti begyili Amaenmaensofoɛ nyameɛ mɔ bɔ bɛwɔ bɛ berɛ ne beguale, na bɛsole AWURADE. Na Yisrael amaneɛnwunɛ ne yɛle AWURADE ahomete.

1 Samuel 20:34

Yonatan fɛle yaa hahii dwɔso fili poentolɛ ne abo. Yiti ɛsraen fili ne, ye kyẽa bɔ ɔtɔ so nyɔ ne, wanni hwee; ofikyɛ olili Dawide nwo aworabɔlɛ, yeɛ afei koso né ye baba agua ye nyunu ase.