Marko 3:23 - AHYERƐLƐ KRONGRON

²³ Yiti Yesu frɛle bɛ wale ye nwo berɛ, na odwudwole wɔ anyandera nu hyirele bɛ kyɛ, “Ɔkɔyɛ sɛɛ né Abɔnzam ahora atu Abɔnzam?

Marko 3:23 Iomraidhean Croise

Edwein 49:4

Ngɔyɛ asoɛ konn ngotie anyandera, ngɔbɔ sangoo ngɔpena m’anyandera nwo ndeaseɛ.

Mateo 13:3

Na ɔhane edwirɛ pee wɔ anyandera nu hyirele bɛ kyɛ, “Ɛ́mɔtie, kuaniɛ bie hɔle kyɛ ɔkwaapete ye bakaammaa.

Mateo 13:34

Yesu fale anyandera nu hane ɛhemɔ amukoraa hyirele ɛlɔen ne; na wangwati anyandera wanga edwirɛ biala wangyire bɛ.

Mateo 4:10

Yeɛ Yesu buale ye kyɛ, “Dwɔso berɛ kɔ dɔ, Satan! Ofikyɛ Bahyerɛ kyɛ, ‘Sɔne Awurade wɔ Nyameɛ, na ye ngome twe yeɛ so ye ɔ!’ ”

Marko 12:1

Na Yesu hyɛle ye bo dwudwo hyirele bɛ wɔ anyandera nu kyɛ, “Biaa bie yɔle bobe boo, olele ye nwo bra yiale, ɔpɛle nu kumaa bɔ betwi nzaa wɔ nu ɔ, osili abandenden wɔ nu, na ɔfa wurale hwɛsofoɛ biemɔ sa, na otuli atee hɔle maen bie aso.

Marko 3:24

Na sɛ ahennie bie ne ye nwo ko a, sɔ ahennie ne ngora gyina.

Marko 4:11

Na obuale bɛ kyɛ, “Ɛmɔ de, bafa bama ɛmɔ kyɛ ɛ́mɔnwu Nyameɛ ahennie nu mvealeɛ nu dwirɛ; nakoso mmenia ngaa ne de, bɛkã ye mukoraa wɔ anyandera nu yeɛ bekyire bɛ ɔ.

Marko 4:2

Ohyirehyirele bɛ nningyein pee wɔ anyandera nu, na ye ngyerɛkyerɛ ne anu, osele bɛ kyɛ,