Marko 3:10 - AHYERƐLƐ KRONGRON

¹⁰ Né wasa mmenia pee anwonyerɛ, na ɔnate sɔ ati, bɛ bɔ bɛnde apɔ amukoraa piane bɛ nwo wii kyɛ bekonya ye nu bɛkɔsɔ ɔ.

Marko 3:10 Iomraidhean Croise

Gyenesise 12:17

Na ɔnate Abram aye Sarae ti, AWURADE fale amaneɛ pirikua tole Faro ne ye awuro ama so.

Numeri 11:33

Nakoso mmerɛ bɔ begu so bedi naen ne, bɔ né bennya belli beyyiele ne, AWURADE fɛle mmenia ne aso yaa paa, na AWURADE fale amaneɛ piri paa tole bɛ so.

Mateo 12:15

Nakoso Yesu nwuni ye sɔ nen, ofili berɛ hɔle. Mmenia pee lili ye si, na ɔsale bɛ mukoraa anwonyerɛ;

Mateo 14:14

Ofili ɛlɛen ne anu dwuli ná onwuni mmenia wora nen, bɛyɛle ye anwumvo, na ɔsale bɛ nu ayarefoɛ nemɔ anwonyerɛ.

Mateo 14:36

na bɛsrɛle ye kyɛ ɔma bɛfa bɛ sa bɛhã ye ataadeɛ noa ala; na mmenia wora bɔ bɛfale bɛ sa bɛhane ye ne, bɛtele apɔ.

Mateo 4:23

Yesu hyinini Galilea amukoraa yɛle ngyerɛkyerɛ wɔ bɛ nyianu sua nemɔ anu, ɔhane ahennie ne nwo nzɛmba ne, na ɔsale anwonyerɛ ne anwommerɛlɛ ahoroɔ wɔ maen ne anu.

Marko 5:34

Na Yesu sele ye kyɛ, “Mma brasua, wɔ gyidie ale wɔ; kɔ asomdwee nu, na w’anwonyerɛ ne ɔhɔ bɔkɔɔ.”

Marko 6:56

Na nekaa biala bɔ ɔhɔle ne, kyɛ nguraa nu oo, kuro nu oo, anaa namue nu oo, bɛfale ayarefoɛ bɛɛsamone dwaaso, na bɛsrɛle ye kyɛ ɔma bɛfa bɛ sa bɛhã ye ataadeɛ noa ala; na mmenia wora bɔ bɛfale bɛ sa bɛhane ye ne, bɛtele apɔ.

Marko 8:22

Bedwuli Betesaeda nen, mmenia biemɔ fale anyesiniwaaniɛ bie bɛbrɛle Yesu, na bɛsrɛle ye kyɛ ɔfa ye sa hã ye.

Luka 5:3

Na Yesu fole ɛlɛen ne ko bɔ ɔte Simɔn deɛ ɔ anu, na ɔsrɛle Simɔn kyɛ ɔhwe ɛlɛen ne fi etii so berɛ ɔhɔ moa kãa. Na ɔtenane ase yɛle ngyerɛkyerɛ hyirele mmenia ne fili ɛlɛen ne anu.

Luka 6:19

Na mmenia worawora ne amukoraa bɛperele kyɛ bɛkɔfa bɛ nwo bɛkɔhã ye ɔ, ofikyɛ né tumi fi ye nu ɔsa bɛ mukoraa anwonyerɛ.

Luka 7:2

Né asraafoɛ ɛyaa so panyi bie ye akoaa bɔ okuro ye dwirɛ paa ɔ ɔnde apɔ, bɔ ɔpena wu ɔ.

Luka 7:21

Na sɔ mmerɛ ne anu ala, Yesu sale mmenia pee anwonyerɛ ne ɛhawo, na otutuli bɛ sunzummɔne mɔ, na mmenia pee bɔ bɛ nye asi koso, ɔmaa benwuni nikye.

Asomafoɛ 5:15

Na ɔnate bɔ né asomafoɛ nemɔ bɛyɔ ne ati, mmenia soale ayarefoɛ bɛwale dwaaso, na bɛfale bɛ beguale mba ne bɛen so, kyɛbɔ ɔkɔyɛ ná Petro pɛ nu a, ye wawoɛ kɔtɔ bɛ nu bie so ɔ.

Hebrifoɛ 12:6

Ofikyɛ, bɔ Awurade kuro ye dwirɛ ne yeɛ ɔtea ye ɔ, na baa biala bɔ ode ye to nu ne yeɛ otwi ye nyunu ɔ.”