Marko 2:8 - AHYERƐLƐ KRONGRON

⁸ Na berɛ ne ala, Yesu nwuni ye wɔ ye sunzum nu kyɛ sɔ yeɛ bɛdwenedwene wɔ bɛ nu ɔ, yiti obisale bɛ kyɛ, “Nzu ati yeɛ ɛmɔdwenedwene ɛhemɔ wɔ ɛmɔ nu ɔ?

Marko 2:8 Iomraidhean Croise

1 Aberɛso Dwirɛ 29:17

Me Nyameɛ, mese kyɛ ɛneanea ahone nu, na wɔ nye gye sona bɔ ye bra te sannwuu ɔ nwo. M’ahone nu te, na maye me kunu sefaa yeɛ mafa sɔ nningyein nemɔ amukoraa mabɔ afɔleɛ mama wɔ ɔ. Na kekesaala ye, wɔ maen bɔ bayia wa ye, manwu kyɛ bele anigye baye bɛ kunu sefaa babɔ afɔleɛ bama wɔ ɔ.

Edwein 139:2

Ɛse m’asetenalɛ ne me dwɔsolɛ mmerɛ; na enwu me ti anu adwene fi dedeede.

Anyandera 15:26

Bɔnefoɛ bɛ porɛ bɔ bɛbɔ ne, ɔte AWURADE akyiwadeɛ, nakoso anwoteefoɛ de, bɛ dwirɛ nwo te.

Anyandera 24:9

Ngwaseasɛm nwo adwene falɛ te bɔne, yeɛ ngorohoɛniɛ te mmenia akyiwadeɛ.

Yesaya 55:7

Ohia kyɛ bɔnefoɛ yakyi ye yɔleɛ, yeɛ sona bɔ ɔndengyɛ ne koso, maa ɔsesã ye adwene, maa osa bra AWURADE berɛ, na okonwu ye anwumvoin, maa ɔbra yɛ Nyameɛ berɛ, ofikyɛ ɔkɔfa bɔne ne kɔhyɛ kandinga paa.

Hesekiel 38:10

“AWURADE Nyameɛ nwa nyoo: Sɔ kyẽa ne, adwene biemɔ kɔwa wɔ ti anu, ɛkɔbɔ porɛ,

Mateo 12:15

Nakoso Yesu nwuni ye sɔ nen, ofili berɛ hɔle. Mmenia pee lili ye si, na ɔsale bɛ mukoraa anwonyerɛ;

Mateo 16:7

Na bɛdwenedwenene ye nwo bɛhane kyɛ, “Yamva paanoo yamma ne ati ɔ.”

Mateo 9:4

Nakoso Yesu nwuni b’adwene, na ɔhane kyɛ, “Nzu ati yeɛ ɛmɔdwene adwene tɛɛ sɔ ɔ?

Marko 2:7

“Nzu ati yeɛ biaa he ɔma edwirɛ sɔaa fite ye noa ɔ? Ɔkã musue dwirɛ! Nwa yeɛ ɔkora fa bɔne kyɛ ɔ? Sana Nyameɛ ngome!”

Marko 2:9

Beni yeɛ ɔyɛ mmerɛ ɔ? Kyɛ bɛkɔhã bekohyire bubuaniɛ ne kyɛ, ‘Bafa wɔ bɔne bahyɛ wɔ’, anaa kyɛ bɛkɔhã kyɛ, ‘Dwɔso, fa wɔ bɛen ná nate’?

Marko 7:21

Ofikyɛ sona nu, ye ahone nu yeɛ adwenemmɔne, adwamanbɔlɛ, awue, awuelilɛ, agyaasɛkyelɛ,

Luka 24:38

Na osele bɛ kyɛ, “Nzu ati yeɛ ɛserɛ ahã ɛmɔ ye? Nzu ati yeɛ ɛmɔsu aporowaa ɛmɔ adwene nu ye?

Luka 5:22

Na Yesu nwuni b’adwene nen, obuale bɛ kyɛ, “Nzu ati yeɛ ɛmɔdwene adwene sɔ ye?

Luka 6:8

Nakoso né Yesu de ɔse b’adwene, na osele biaa bɔ ye sa ko awu ne kyɛ, “Dwɔso baagyina anyunu wa.” Na odwɔso gyinane berɛ.

Yohane 21:17

Yesu bisale ye ye pɛen nza so kyɛ, “Simɔn, Yohane awa, aso ekuro me dwirɛ?” Na Petro wora bɔle kyɛ wabisa ye pɛen nza kyɛ, “Aso ekuro me dwirɛ?” Na obuale ye kyɛ, “Awurade, ɛse nikyee biala; ɛse kyɛ mekuro wɔ dwirɛ.” Yeɛ Yesu sele ye kyɛ, “Nea me mmoaen nemɔ so.

Yohane 6:64

Nakoso ɛmɔ nu biemɔ wɔ berɛ bɔ benne benni ɔ.” Na ofi ahyɛaseɛ ne, né Yesu se bɛ bɔ benne benni ɔ; ɔne sona bɔ ɔkɔye ye kɔma ne.

Asomafoɛ 5:3

Na Petro bisale ye kyɛ, “Anania, nzu ati yeɛ ama abɔnzam ate maa walakalaka wɔ maa ali Sunzum Krongron ne ndurum, na afa aseɛ bɔ ɛtɔnene ne sikaa ne bie afea ɔ?

Asomafoɛ 8:22

Yiti sakyera w’adwene fi wɔ bɔne he nwo, na srɛ Awurade kyɛ sɛ ɔkɔyɛ yee a, ɔfa wɔ nzusuleɛ tɛɛ he hyɛ wɔ.

Hebrifoɛ 4:13

Abɔdeɛ biala mvea wɔ Nyameɛ nyunu, ye bɔ odi kyɛ yɛbu ngondaa yɛkyire ye ne, nikyee biala mvea ye, na ye nye tua nningyein mukoraa.

Nyekyire 2:23

Ngohũhũ ye mma mɔ, na asɔre nemɔ amukoraa bekonwu kyɛ me yeɛ mepɛnzɛpɛnzɛ sona ti anu ne ahone nu dwirɛ nu ɔ; na ngɔma ɛmɔ nu biala akatuaa kyɛbɔ ye nnwumaa te ɔ.