Marko 2:27 - AHYERƐLƐ KRONGRON

²⁷ Na osele bɛ kyɛ, “Sona ti yeɛ bɛhyehyɛle afofikyẽa ɔ, ná nna afofikyẽa ti yeɛ bɛbɔle sona ɔ.

Marko 2:27 Iomraidhean Croise

Ɛksadɔso 23:12

“Fa elesia yɔ w’adwuma, nakoso kyẽa bɔ ɔtɔ so nzoo ne de, de wɔ nwome; amaa ɔnate so wɔ nandwie ne w’afunum bale bɛ nwome, ná w’afaneɛ awa ne wɔ wɔfoɛ koso bale bɛ nwome.

Yesaya 58:13

“Sɛ ɛhyɛ wɔ nwo so wɔ ɛnatelɛ nu wɔ afofikyẽa ne, ná anyɔ bɔ wɔ bɔbɔ ekuro ɔ wɔ me kyẽa krongron ne, ná mmom ɛfrɛ afofikyẽa ne anigye kyẽa, ɔne AWURADE kyẽa krongron ne kyɛ anidie kyẽa; sɛ edi ye ni, ná anni wɔ bɔbɔ wɔ ti piri, ná anyɔ bɔ wɔ bɔbɔ ekuro ɔ, anaakyɛ angekã edwirɛ mbaen mbaen a,

Hesekiel 20:12

Asa koso, mvale m’afofingyẽa nemɔ mane bɛ, kyɛ ɔte sɛngyerɛnneɛ bɔ ɔla me ne bɛ y’afia ɔ, amaa ɔnate so banwu kyɛ me, AWURADE, me yeɛ mete bɛ nwo ɔ.

Hesekiel 20:20

ɛ́mɔyɛ m’afofingyẽa nemɔ krongron ma bɛyɛ sɛngyerɛnneɛ bɔ ɔla me ne ɛmɔ y’afia ɔ, amaa ɔnate so ɛmɔanwu kyɛ me ole AWURADE ɛmɔ Nyameɛ ne.

Marko 2:28

Yiti Sona Awa ne te afofikyẽa so koso Mene.”

Luka 6:9

Yeɛ Yesu sele bɛ kyɛ, “Mébisa ɛmɔ, aso mmeraa ma ate kyɛ yɛyɔ paa anaakyɛ bɔne afofikyẽa, kyɛ yɛkole ebie ngoa anaakyɛ yɛkohu ye ɔ?”

Yohane 7:23

Na sɛ ɛmɔpɛ ebie bienzua afofikyẽa, kyɛbɔ ɔkɔyɛ bɔ ɛmɔngobu Mose mmeraa so a, né nzu ati yeɛ ɛmɔafɛ me so yaa kyɛ mama sona mumua wate apɔ wɔ afofikyẽa ɔ?

2 Korintofoɛ 4:15

Ɛmɔ ti yeɛ sɔ nikyee ne wɔ berɛ ɔ, amaa mmeni pee bɔ Nyameɛ adom ɔtrɛ kɔ bɛ berɛ ne, bafa asennaa mmorosoɛ bahyɛ Nyameɛ animnyam.

Deuteronomi 5:12

“ ‘Di afofikyẽa ne, ná yɛ ye krongron, kyɛbɔ AWURADE wɔ Nyameɛ ahyɛ wɔ ne.

Deuteronomi 5:14

Nakoso kyẽa bɔ ɔtɔ so nzoo ne de, ɔte afofikyẽa ma AWURADE wɔ Nyameɛ. Nnɛyɔ adwuma biala sɔ kyẽa ne: wɔ oo, ɛwa bienzua oo, ɛwa brasua oo, w’akoaa oo, w’afaneɛ oo, wɔ nandwie oo, w’afunum oo, wɔ nyɛmmoa mɔ nu biala oo, anaa ɛwɔfoɛ bɔ ɔte wɔ kuro ɔ, amaa ɔnate so w’akoaa ne w’afaneɛ bale bɛ nwome kyɛ wɔ ala.

Kolosefoɛ 2:16

Yiti nnɛmɔma ebiala bua ɛmɔ ndɛen fa aleɛ anaa anonneɛ, anaa aluolue, anaa ɛsraen foforɛ anaa afofingyẽa nwo.