Marko 2:25 - AHYERƐLƐ KRONGRON

²⁵ Na ye koso obuale bɛ kyɛ, “Aso ɛmɔkkenngale bɔ Dawide yɔle ne le, mmerɛ bɔ olili amia ná ɛhɔen huni ye ne bɛ bɔ bɛboka ye so ne?

Marko 2:25 Iomraidhean Croise

Mateo 19:4

Na obuale bɛ kyɛ, “Aso ɛmɔkkenngale kyɛ ahyɛaseɛ ne, Ɛdangama bɔ ɔbɔle sona nen, bienzua ne brasua yeɛ ɔbɔle bɛ ɔ?

Mateo 21:16

Yiti bebisale ye kyɛ, “Aso ɛte bɔ ɛhemɔ bɛ́kã ne?” Na Yesu buale bɛ kyɛ, “Yoo, aso ɛmɔkkenngale ye le kyɛ, ‘Ngwadaa ne nnɔma bɔ bɛno nyɔfone bɛ noa nu yeɛ asiesie ayɛyelɛ ɔ’ anaa.”

Mateo 21:42

Yeɛ Yesu bisale bɛ kyɛ, “Aso ɛmɔkkenngale Ahyerɛlɛ ne le, kyɛ, ‘Nyɔboɛ bɔ suasilɛfoɛ bɛpole ye ne, ye ala yeɛ waayɛ sua ne ndweasoɛ nyɔboɛ titire ɔ. Awurade yeɛ wayɔ ɛhe ɔ, na ɔyɛ nwanwa wɔ yɛ nye so?’

Mateo 22:31

Bɔ ɔfa awufoɛ etingyelɛ nwo de, aso ɛmɔkkenngale bɔ Nyameɛ hã hyirele ɛmɔ ne,

Mateo 4:2

Ɔhyele hɔen eleburanna, eyia ne kɔngɔen, na ɛhɔen huni ye.

Marko 12:20

Tie, aliɛmaa mmienzua nzoo bie bɛtenane ase. Bɔ oli moa ne gyale braa, na owuli bɔ wanwo ba ɔ.

Marko 12:26

Bɔ ɔfa awufoɛ dwɔsolɛ nwo de, aso ɛmɔkkenngale ye wɔ Mose nwomaa ne anu, kyɛbɔ Nyameɛ dwudwo hyirele ye wɔ ngyɛkyerɛ ne anu kyɛ, ‘Me ole Abraham Nyameɛ, Yisake Nyameɛ ne Yakob Nyameɛ’ ne?

Marko 2:24

Na Farasiifoɛ nemɔ bisale ye kyɛ, “Nea, nzu ati yeɛ bɛ́yɔ bɔ otia mmeraa kyɛ bɛyɔ ye afofikyẽa ɔ?”

Marko 2:26

Kyɛbɔ ɔhɔle Nyameɛ awuro, wɔ ɔsɔfo panyi paa Abiata aberɛ so, ná oolili paanoo krongron bɔ otia mmeraa kyɛ ebiala koli ɔ, sana asɔfo mɔ ngome yeɛ bedi ɔ, ná osa mane bɛ bɔ bɛboka ye so ne koso bie ne?”

Luka 10:26

Na Yesu bisale ye kyɛ, “Nzikyɛ yeɛ bahyerɛ ye wɔ mmeraa ne anu ɔ? Sɛɛ yeɛ ɔyɛ a ɛkenga ye ɔ?”