Marko 2:24 - AHYERƐLƐ KRONGRON

²⁴ Na Farasiifoɛ nemɔ bisale ye kyɛ, “Nea, nzu ati yeɛ bɛ́yɔ bɔ otia mmeraa kyɛ bɛyɔ ye afofikyẽa ɔ?”

Marko 2:24 Iomraidhean Croise

Ɛksadɔso 20:10

Nakoso kyẽa bɔ ɔtɔ so nzoo ne de, ɔte afofikyẽa ma AWURADE wɔ Nyameɛ. Nnɛyɔ adwuma biala sɔ kyẽa ne: wɔ oo, ɛwa bienzua oo, ɛwa brasua oo, w’akoaa oo, w’afaneɛ oo, w’ayɛmmoa oo, anaa ɛwɔfoɛ bɔ ɔte wɔ kuro ɔ.

Ɛksadɔso 31:15

Elesia yeɛ ɔsɛ kyɛ ɛmɔfa bɛyɔ adwuma ɔ, nakoso kyẽa bɔ ɔtɔ so nzoo ne de, ɔte nwomelelɛ kyẽa bɔkɔɔ, bɔ ɔte krongron ma AWURADE ɔ. Na sona biala bɔ ɔkɔyɔ adwuma afofikyẽa nen, ɔsɛ kyɛ beku ye.

Yesaya 56:2

Sona bɔ ɔyɔ sɔ ne, ɔte saleɛ ma ye, yeɛ sona awa bɔ otira nu pindinn ne, bɔ odi afofikyẽa ne aso, bɔ ɔmva efiɛ nga ye ne, bɔ ɔte ye nwo fi bɔne biala yɔlɛ nwo ne.”

Yesaya 56:4

Ofikyɛ AWURADE nwa nyoo: “Sayɛɛ mɔ bɔ bedi m’afofingyẽa so, bɔ bɛyɔ bɔ mekuro ɔ, bɔ bedi m’apam ne aso ne,

Yesaya 56:6

“Yeɛ amanvrafoɛ bɔ bafa bɛ nwo baabɔ AWURADE kyɛ bɛbaaso ye, ná bahuro ye dumaa dwirɛ, ná bayɛ ye somvoɛ nen, ebiala bɔ odi afofikyẽa ne aso, bɔ ɔmva efiɛ nga ye ne, bɔ odi m’apam ne aso ne,

Yesaya 58:13

“Sɛ ɛhyɛ wɔ nwo so wɔ ɛnatelɛ nu wɔ afofikyẽa ne, ná anyɔ bɔ wɔ bɔbɔ ekuro ɔ wɔ me kyẽa krongron ne, ná mmom ɛfrɛ afofikyẽa ne anigye kyẽa, ɔne AWURADE kyẽa krongron ne kyɛ anidie kyẽa; sɛ edi ye ni, ná anni wɔ bɔbɔ wɔ ti piri, ná anyɔ bɔ wɔ bɔbɔ ekuro ɔ, anaakyɛ angekã edwirɛ mbaen mbaen a,

Mateo 12:2

Na mmerɛ bɔ Farasiifoɛ nemɔ nwuni sɔ ne, besele ye kyɛ, “Nea, w’asuafoɛ nemɔ bɛ́yɔ bɔ otia mmeraa kyɛ bɛyɔ ye afofikyẽa ɔ!”

Marko 2:16

Na ahyerɛlɛfoɛ bɔ bɛte Farasiifoɛ ne, mmerɛ bɔ benwuni Yesu kyɛ ɔne ɛtoɔdidelɛfoɛ ne bɔnefoɛ bedidi nen, bebisale ye asuafoɛ nemɔ kyɛ, “Nzu ati yeɛ ɔne ɛtoɔdidelɛfoɛ ne bɔnefoɛ bɛto asaa bedidi ɔ?”

Marko 2:25

Na ye koso obuale bɛ kyɛ, “Aso ɛmɔkkenngale bɔ Dawide yɔle ne le, mmerɛ bɔ olili amia ná ɛhɔen huni ye ne bɛ bɔ bɛboka ye so ne?

Marko 2:7

“Nzu ati yeɛ biaa he ɔma edwirɛ sɔaa fite ye noa ɔ? Ɔkã musue dwirɛ! Nwa yeɛ ɔkora fa bɔne kyɛ ɔ? Sana Nyameɛ ngome!”

Hebrifoɛ 12:3

Ɛ́mɔnea Yesu bɔ ogyinane pindinn wɔ bɔnefoɛ ɛpɔen worawora noa ne, amaa ɛmɔ koso b’abasanu ammu na ɛmɔ wora ammɔ.