Marko 2:20 - AHYERƐLƐ KRONGRON

²⁰ Mmerɛ bie kɔwa bɔ bɛkɔfa atɔmvorɛ biaa ne bekofi bɛ nwo bɛkɔhɔ ɔ, na afei bekoli abuadaa sɔ mmerɛ ne.

Marko 2:20 Iomraidhean Croise

Edwein 45:11

na ɛhene ne, ye nye kɔgye w’anwonyemene nwo. Ɔnate kyɛ ɔte wɔ mene ne ati, bɔ wɔ nu ase ma ye.

Edwein Nu Dwein 3:11

O Sion mma mmrasua, ɛ́mɔfite bɛbra bɛɛnea Nana Solomon, kyɛ owura abotire bɔ ye maame fa bɔle ye wɔ kyẽa bɔ ɔfale atɔmvorɛ ne, ɔne kyẽa bɔ ye nye gyele paa ne.

Yesaya 54:5

Ofikyɛ Nyameɛ bɔ ɔbɔle wɔ ne, ɔte ehu, ye dumaa li Asafo AWURADE, wɔ Defoɛ ole Yisrael Krongronniɛ ne, na bɛfrɛ ye ewiase amukoraa Nyameɛ.

Yesaya 62:5

Na kyɛbɔ aberandeɛ gya ababunu ne, sɔ ala yeɛ wɔ mma mmienzua mɔ bekogya wɔ ɔ; yeɛ kyɛbɔ atɔmvorɛ biaa odi ahurusi wɔ atɔmvorɛ braa nwo ne, sɔ ala yeɛ wɔ Nyameɛ koli ahurusi wɔ wɔ nwo ɔ.

Sakaria 13:7

O ngrandɛ, dwɔso tia me mmoaenneafoɛ ne, ɔne sona bɔ ɔte me nwoniɛ ne,” Asafo AWURADE noa dwirɛ ɛne. “Pura mmoaenneafoɛ ne, na mmoaen ne kɔbɔ aya, na ngɔkakyi me sa ngɔhɔ mmaa mmaa nemɔ aso.

Mateo 26:31

Yeɛ Yesu sele bɛ kyɛ, “Me nwo kɔyɛ sundidua kɔma ɛmɔ amukoraa ɛnɛ kɔngɔen ye, ofikyɛ bahyerɛ ye kyɛ, ‘Ngopura mmoaenneafoɛ ne, na mmoaen bɔ bɛwɔ kure ne anu ne, bɛkɔbɔ aya.’

Mateo 9:15

Na Yesu buale bɛ kyɛ, “Ɔkɔyɛ sɛɛ né atɔmvorɛ bo ama bɛ wora abɔ, wɔ aberɛ bɔ atɔmvorɛ biaa ne ɔne bɛ wɔ berɛ ɔ? Mmerɛ bie kɔwa bɔ bɛkɔfa atɔmvorɛ biaa ne bekofi bɛ nwo bɛkɔhɔ ɔ, na afei bekoli abuadaa.

Marko 2:19

Yeɛ Yesu buale bɛ kyɛ, “Ɔkɔyɛ sɛɛ né atɔmvorɛ bo ama bali abuadaa, wɔ aberɛ bɔ atɔmvorɛ biaa ne ɔne bɛ wɔ berɛ ɔ? Bɛ ne atɔmvorɛ biaa ne wɔ berɛ angome ye de, bɛngɔhora ngoli abuadaa.

Marko 2:21

Ebie mva ɛtena monɛ sii nda ataadeɛ daa nu; ɔba ye sɔ a, ndetamuɛ ne te fi nu, foforɛ ne te fi daa ne anu, na ye tetelɛ ne yɛ piri.

Luka 17:22

Na osele ye asuafoɛ nemɔ kyɛ, “Mmerɛ bie kɔwa bɔ Sona Awa ne, ɛmɔkohuro kyɛ ɛmɔkonwu ye ngyẽa nemɔ anu ko ɔ, nakoso ɛmɔngonwu ye.

Luka 5:35

Mmerɛ bie kɔwa, bɔ bɛkɔfa atɔmvorɛ biaa ne bekofi bɛ nwo bɛkɔhɔ ɔ; na sɔ mmerɛ ne yeɛ bekoli abuadaa ɔ.”

Yohane 12:8

Na ehiafoɛ de, ɛmɔ ne bɛ wɔ berɛ daa; nakoso me de, nna ɛmɔ ne me yeɛ bɛwɔ berɛ daa ɔ.”

Yohane 13:33

Me ngwadaammaa, mmerɛ kãa bie yeɛ waha bɔ me ne ɛmɔ yɛkɔtena ɔ. Ɛmɔkɔpena me, na kyɛbɔ nga ngyirele Yudafoɛ ne kyɛ, ‘Nekaa bɔ mekɔ ne, ɛmɔngɔhora berɛ bie ba’ nen, sɔ ala yeɛ mekã mekyire ɛmɔ koso kekesaala ye ɔ.

Yohane 16:28

Baba ne berɛ yeɛ mvi mmale wiase ɔ; na afei de, méfi wiase, na mékɔ Baba ne berɛ.”

Yohane 16:7

Nakoso mekã nahorɛ mekyire ɛmɔ; ɔte paa ma ɛmɔ kyɛ mékɔ ɔ, ofikyɛ sɛ mangɔ a, Aworakyekyerɛniɛ ne ngɔwa ɛmɔ berɛ; na sɛ mekɔ a, ngɔsoma ye maa ɔkɔwa ɛmɔ berɛ.

Yohane 17:11

Afei de, nne wiase ko, nakoso ɛhemɔ de bɛwɔ wiase wa; na me de, méba wɔ berɛ. Baba Krongron, bɛ bɔ afa bɛ ama me ne, fa bɛ sie wɔ wɔ dumaa nu, amaa ɔnate so bayɛ ko, kyɛbɔ yɛte ko ne.

Yohane 17:13

Na afei de, méba wɔ berɛ, na mekã edwirɛ hemɔ wɔ wiase wa, amaa ɔnate so banya m’anigye maa wali mu wɔ bɛ nu.

Yohane 3:29

Bɔ atɔmvorɛ braa ne ɔte ye deɛ ne, ye ole atɔmvorɛ biaa ne. Na atɔmvorɛ biaa n’adamvo bɔ ogyina berɛ, ná otie ye ne de, ɔma ye nye gye paa wɔ atɔmvorɛ biaa ne komvi nwo; yiti afei de, m’anigye ne wali mu.

Asomafoɛ 1:9

Na ɔhane ɛhe yiele, ná begu so bɛnea ye ne, bɛfale ye bɛhɔle nyameɛso, na munungum pɛle ye nwo yiale bɔ bannwu ye ko.

Asomafoɛ 14:23

Na besili asɔre biala nu mbanyi bɛmane bɛ, na bɛfale mbaeɛbɔlɛ ne akɔngyere betuli bɛ bewurale Awurade bɔ bale ye bali ne sa.

Asomafoɛ 3:21

bɔ ɔsɛ kyɛ nyameɛso ode ye kɔpem mmerɛ bɔ bɛkɔhyehyɛ nningyein bɔ Nyameɛ nate ye ngɔmhyɛlɛfoɛ krongron noa dwirɛ so, fi tetete hane ne amukoraa foforɛ ɔ.

1 Korintofoɛ 7:5

Nnɛma ɛmɔtua ɛmɔ nwo nnaa, sana ɛmɔ munyɔ ɛmɔapene so kyɛ ɛmɔtu mmerɛ kãa bie besie berɛ ma mbaeɛbɔlɛ; na ɛhe asi ye, ɛmɔasa bayia nu bieku, ná abɔnzam amva ɛmɔ anwohyɛsoɛ nu mmerɛyɛlɛ so wanzo ɛmɔ wannea.

2 Korintofoɛ 11:2

Nyameɛ nungunɛ ne bie yeɛ metwe wɔ ɛmɔ nwo ɔ. Ofikyɛ mafa ɛmɔ mabɔ asiwa mama biaa komapɛ, ye ole Kristo, na ngɔfa ɛmɔ ngɔma ye kyɛ ababunu bɔ ye nwo te ná onnwuni biaa le ɔ.

2 Korintofoɛ 11:27

Mayɔ adwuma mafɛ, mmerɛ pee mennya nnaa menna, ɛhɔen ne nzuhɔen ku me, metaa mekye hɔen, ɛyerɛ ku me, yeɛ ndaadeɛ bɔ ngowura abɔ me.

2 Korintofoɛ 6:5

ɛbolɛ nu, kuku nu nnaa nu, basabasayɛlɛ nu, ɛfɛɛ nu, ɛpɛsilɛ nu, ɛhɔen hunɛ nu;

Nyekyire 19:7

Ɛ́mɔma yɛ nye gye ná yɛli ahurusi, ná yɛhyɛ ye animnyam, ofikyɛ Boaen Ba n’atɔmvorɛfalɛ ne wadwu, na ɔye ne asiesie ye nwo wayie.

Nyekyire 21:9

Na abɔfo nzoo bɔ betiratira kulie nzoo ne, bɔ ɛhawo nzoo bɔ ɔpɛ ye bo ne bayi bɛ tɛkyɛ ne, bɛ nu ko wale me berɛ oosele me kyɛ, “Bra, na ngohyire wɔ Atɔmvorɛ braa ne, Boaen Ba n’aye ne.”