Marko 2:17 - AHYERƐLƐ KRONGRON

¹⁷ Na Yesu tele sɔ nen, osele bɛ kyɛ, “Bɛ bɔ bɛte apɔ ne, benhia safoɛ, na mmom bɛ bɔ bɛnde apɔ yeɛ behia ye ɔ. Mamma kyɛ mebaafrɛ teneneefoɛ, na mmom bɔnefoɛ.”

Marko 2:17 Iomraidhean Croise

Yesaya 1:18

AWURADE nwa nyoo: “Ɛmɔbra ma yɛsiesie yɛ afia. Ɔwɔ nu kyɛ ɛmɔ bɔne te kyɛ adaabene de, nakoso bɛkɔyɛ fufue kyɛ nwera, ɔwɔ nu kyɛ bɛboro kyɛ koogyan, nakoso bɛkɔyɛ kyɛ gyese.

Yesaya 55:7

Ohia kyɛ bɔnefoɛ yakyi ye yɔleɛ, yeɛ sona bɔ ɔndengyɛ ne koso, maa ɔsesã ye adwene, maa osa bra AWURADE berɛ, na okonwu ye anwumvoin, maa ɔbra yɛ Nyameɛ berɛ, ofikyɛ ɔkɔfa bɔne ne kɔhyɛ kandinga paa.

Yeremia 17:9

Ahone te nnakannaka tra nikyee biala, ɔte kanda paa. Na nwa yeɛ okonwu nu dwirɛ ɔ?

Mateo 18:10

“Ɛmɔnea yé ná ɛmɔammu ngwadaa ye anu biala animtia; na mekã mekyire ɛmɔ kyɛ, nyameɛso dɔ, b’abɔfo mɔ benwu me Baba bɔ ɔwɔ nyameɛso ne nyunu daa.”

Luka 15:10

Na mekã mekyire ɛmɔ kyɛ, sɔ ala yeɛ sɛ bɔnefoɛ ko sakyera ye adwene a, ye nwo anigye ba Nyameɛ abɔfo mɔ bɛ nyunu ɔ.”

Luka 15:29

Na obuale ye baba kyɛ, ‘Tie, afoɛ worawora he yeɛ mafa maso wɔ ɔ, yeɛ wɔ dwirɛ koso nnyɛle ye nwo asoserɛ le; nakoso abɔngye ba po, ɛmmane me bie le kyɛ me ne me mmango mɔ yɛfa yɛgye yɛ nye.

Luka 15:7

Na mekã mekyire ɛmɔ kyɛ, sɔ ala yeɛ sɛ bɔnefoɛ ko sakyera ye adwene a, ye nwo anigye ba nyameɛso tra bɔ ɔba mmenia tenenee aburahona ne ngona bɔ benhia adwenesakyera nwo ɔ.

Luka 16:15

Yiti Yesu sele bɛ kyɛ, “Ɛmɔte mmenia bɔ ɛmɔbu bɛ nwo kyɛ bɛtengyɛ wɔ mmenia nyunu, nakoso Nyameɛ yeɛ ɔse ɛmɔ ti anu ɔ. Ofikyɛ, bɔ ɔmoma ye nwo so wɔ mmenia nu ne, ɔte akyiwadeɛ wɔ Nyameɛ nyunu.

Luka 19:10

Na Sona Awa ne wale kyɛ ɔbaapena ná ode bɛ bɔ bamini ɔ.”

Yohane 9:34

Na bebuale ye kyɛ, “Bɛwole wɔ bɛtole bɔne nu buroburoburo, na afei wɔ yeɛ ekyirekyire yɛ ɔ?” Na bɛfoane ye befili nyianu sua ne anu.

Yohane 9:40

Yeɛ Farasiifoɛ ne anu biemɔ bɔ né bɛwɔ ye nwo berɛ ne, bɛtele sɔ dwirɛ ne, na bebisale ye kyɛ, “Yɛ koso, yɛte anyesiniwaafoɛ anaa?”

Asomafoɛ 20:21

na nnili adanzeɛ ngyirele Yudafoɛ ne Amaenmaensofoɛ kyɛ benya Nyameɛ nyunu adwenesakyera ne y’Awurade Yesu Kristo nu gyidie.

Asomafoɛ 26:20

Na nnili moa ngane edwirɛ ne wɔ Damasko, afei Yerusalem, ɔne Yudea maen ne anu mukoraa, ɔne Amaenmaensofoɛ nu; kyɛ bɛsakyera b’adwene bɛbra Nyameɛ berɛ na bɛbɔ bra bɔ okyire kyɛ basakyera b’adwene ɔ.

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.