Marko 16:5 - AHYERƐLƐ KRONGRON

⁵ Bewurale asieleɛ ne anu ne, benwuni aberandeɛ bie bɔ owura ataadeɛ fufue tendenn kyɛ ɔte asieleɛ ne famaa so berɛ, na bɛ kunu tele bɛ.

Marko 16:5 Iomraidhean Croise

Daniel 10:12

Yeɛ osele me kyɛ, “Daniel, nnɛsuro, ofikyɛ ofi kyẽa bɔ ɛyɛle w’adwene kyɛ ɛkɔte ye bo, ná ɛbrɛle wɔ nwo ase wɔ wɔ Nyameɛ nyunu nen, wate wɔ sufrɛ ne, na wɔ sufrɛ ne ati yeɛ mawa ɔ.

Daniel 8:17

Yiti ɔwale nekaa bɔ né ngyi ne. Ɔwale ne, ɛserɛ hane me, na mvale me nyunu mmutuli berɛ. Na osele me kyɛ, “O Sona awa, te ye bo, kyɛ nyekyire ne gyi berɛ ma ayieleɛ mmerɛ ne.”

Mateo 28:3

Né ye nwo ta te kyɛ agralaa, na ye ataadeɛ ne te fufue kyɛ asukɔtwea.

Marko 1:27

Na ɛhe mane bɛ mukoraa bɛ nwo dwirili bɛ, maa ɔnate so bebisabisale bɛ nwo kyɛ, “Nzikyɛ dwirɛ ɛhe? Ngyerɛkyerɛ foforɛ beni ɛhe? Ole tumi hyɛ sunzummɔne mɔ po, na betie ye.”

Marko 14:33

Na ɔfale Petro, Yakobo ne Yohane bokale ye nwo so, na aworabɔlɛ ne ahunundetelɛ hyɛle ye bo tɔle ye so.

Marko 16:4

Nakoso bɛmane bɛ ti so nen, benwuni kyɛ nyɔboɛ ne amunu ato ahameɛ; né ɔte piri paa.

Marko 9:15

Na ɛlɔen ne amukoraa nwuni ye nen, berɛ ne ala, bɛ nwo dwirili bɛ paa, na betuli amirika bɛɛyɛle ye akwaaba.

Luka 1:12

Na Sakaria nwuni ye nen, ye kunu tele ye, na osurole.

Yohane 20:8

Yeɛ suaniɛ ko ne bɔ olili moa wɔ asieleɛ ne aso ne, ye koso owurale nu, na onwuni ye sɔ, na ole lili.