Marko 16:18 - AHYERƐLƐ KRONGRON

¹⁸ bɛkɔma ewoo mɔ so, na sɛ bɛno nikyee biala bɔ ɛborɔ wɔ nu a, ɔngɔyɔ bɛ huu; bɛkɔfa bɛ sa bekogua ayarefoɛ so maa bɛkɔte apɔ.”

Marko 16:18 Iomraidhean Croise

Gyenesise 3:15

Ngɔfa ɛpɔen ngɔto wɔ ne braa n’afia, yeɛ wɔ boso ama ne ye boso ama b’afia; ɔkɔgyerɛgyerɛ wɔ ti, na wɔ wora aha ye gya si.”

Edwein 91:13

Ɛkɔnate gyata ne ɛbɔnaa so, na ekotiatia gyata akrɔngrɔma ne sasrabɔnzam so.

Marko 5:23

na ɔsrɛle ye paa kyɛ, “Mma abaayaa pena wu, yiti mesrɛ wɔ, baafa wɔ sa gua ye so maa ɔte apɔ, ná onya ngoa.”

Luka 10:19

Ɛ́mɔtie, mama ɛmɔ tumi kyɛ ɛ́mɔtiatia ewoo mɔ ne anyanyangyeleɛ mɔ so, ɔne pɔfoɛ ne tumi amukoraa so; bɔ nikyee fee ngɔhora ngɔyɛ ɛmɔ ɔ.

Asomafoɛ 19:12

na bɛfale ye nwo duku anaa ye ataadeɛ ngatanyunu po beguale ayarefoɛ so maa bɛtele apɔ, na sunzummɔne tutu fili bɛ nu.

Asomafoɛ 3:12

Na Petro nwuni ye sɔ nen, osele ɛlɔen ne kyɛ, “Ɛmɔ, Yisraelfoɛ, nzu ati yeɛ ɛmɔama ɛhe ayɛ ɛmɔ nwanwa ɔ, anaakyɛ nzu ati yeɛ ɛmɔnea yɛ haa ye, kyɛ ebiaa yɛnate yɛ bɔbɔ yɛ tumi ne yɛ tenenee so yeɛ yɛmaa ɔnatele ɔ?

Asomafoɛ 3:16

Na ɔnate ye dumaa nu, ye dumaa nu gyidie so, yeɛ wama sɔ bubuaniɛ he bɔ ɛmɔnwu ye ná ɛmɔse ye ne wanya anwoserɛ ɔ. Amba, gyidie bɔ ɔnate Yesu so yeɛ wamaa wate apɔ bɔkɔɔ wɔ ɛmɔ amukoraa bɛ nyunu wa ye.

Asomafoɛ 4:10

ye de ɛmɔ amukoraa ne Yisrael maen amukoraa, ɔsɛ kyɛ Nasarɛteniɛ Yesu Kristo bɔ ɛmɔbɔle ye mmeamudua nu, ná Nyameɛ tingyele ye fili awufoɛ nu ne, ye dumaa nu yeɛ wama biaa he bɔ ogyi ɛmɔ nyunu wa ye ye nwo asa ɔ.

Asomafoɛ 4:22

Biaa bɔ ɔnate anwanwadeɛ he aso nyane ayaresa nen, né ɔbo afoɛ aburanna.

Asomafoɛ 4:30

Kyire wɔ tumi wɔ anwonyerɛsalɛ nu na boka maa yɛgyina wɔ Somvoɛ Krongron Yesu dumaa nu yɛyɔ anwanwadeɛ ne nzɛngyerɛnneɛ.”

Asomafoɛ 9:34

Na Petro sele ye kyɛ, “Yinea, Yesu Kristo ama wɔ nwo asa; dwɔso na bobɔ wɔ bɛen ne.” Na berɛ ne ala Yinea dwɔsole.

Romanfoɛ 16:20

Na ɔngɔhyɛ koraa asomdwee Nyameɛ ne kɔbɛtɛ Abɔnzam wɔ ɛmɔ gya bo. Y’Awurade Yesu Kristo ɔlo ɛmɔ.

1 Korintofoɛ 12:9

Ye komapɛ ne ala ɔma ebie gyidie, né wasa walo ebie koso wama ye anwonyerɛsalɛ tumi.