Marko 16:17 - AHYERƐLƐ KRONGRON

¹⁷ Na bɛ bɔ bede bedi ne, nzɛngyerɛnneɛ hemɔ yeɛ okoli bɛ si ɔ: Me dumaa nu, bekotutu sunzummɔne mɔ; bɛkɔhã edwudwolɛ foforɛ mɔ;

Marko 16:17 Iomraidhean Croise

Marko 9:38

Na Yohane sele ye kyɛ, “Kyerɛkyerɛniɛ, yɛnwuni kyɛ ebie ole wɔ dumaa otu sunzummɔne mɔ, na yɛberale ye, ofikyɛ ye de, ɔne yɛ annate.”

Luka 10:17

Asomafoɛ aburasoo [ne nyɔ] ne besa bɛwale anigye so bɛɛbɔle amaneɛ kyɛ, “Awurade, wɔ dumaa nu, sunzummɔne mɔ po bɛbrɛle bɛ nwo ase bɛmane yɛ!”

Yohane 14:12

Nahorɛ nu paa, mekã mekyire ɛmɔ kyɛ: Ebiala bɔ ode me di nen, ye koso ɔkɔyɔ nnwumaa bɔ meyɔ ne bie, na ɔkɔyɔ bɔ ɔte mbiri mbiri tra ɛhemɔ ɔ; ofikyɛ me de, mékɔ me Baba ne berɛ.

Asomafoɛ 10:46

ɔnate kyɛ bɛtele kyɛ mmenia ne akakyi bɛ temverema bɛ́kã dwudwolɛ foforɛ ná bɛkamvo Nyameɛ ɔ. Na Petro hane kyɛ,

Asomafoɛ 16:18

Afaneɛ ne yɔle sɔ alaa ngyẽa pee maa oodwuli kyɛ ɔyɛle Pɔɔlo ahomete, yiti ɔkakyili ye nwo sele sunzummɔne ne kyɛ, “Mehyɛ wɔ wɔ Yesu Kristo dumaa nu kyɛ fi ye nu fite!” Na berɛ ne ala sunzummɔne ne fili ye nu.

Asomafoɛ 19:6

Na Pɔɔlo fale ye sa guale bɛ so ne, Sunzum Krongron wale bɛ so; bɛhane edwudwolɛ ahoroɔ, na bɛhyɛle ngɔm.

Asomafoɛ 2:33

Yiti Nyameɛ mane ye so hɔle ye sa famaa so; na onyane Sunzum Krongron bɔhyɛ ne fili Baba ne berɛ, na ɛhe yeɛ wahwie wagua yɛ so bɔ ɛmɔnwu ye ná ɛmɔte ye.

Asomafoɛ 5:16

Na nguro bɔ bapɛ Yerusalem nwo bayia ne, bɛ nu mmenia pee fale b’ayarefoɛ ne bɛ bɔ bele sunzummɔne ɔ bɛwale, na bɛ mukoraa bɛtele apɔ.

Asomafoɛ 8:7

ofikyɛ sunzummɔne mɔ teateane nu serɛserɛ betutu befili mmeni pee nu, na mmubuafoɛ ne mbakye pee benyane ayaresa.

1 Korintofoɛ 12:10

Sunzum ne ma sona ko anwanwadeɛyɔlɛ tumi, né wama sona foforɛ koso ngɔmhyɛlɛ tumi. Ɔma ebie anyeɛ bɔ ɔfa nwu sunzum ahoroɔ nu nzonzoleɛ ɔ; ɔma ebie edwudwolɛ ahoroɔ tumi, né wama ebie koso tumi bɔ ɔfa kyire edwudwolɛ ahoroɔ bo ɔ.

1 Korintofoɛ 12:28

Na Nyameɛ atu ebiemɔ asie berɛ wɔ asɔre ne anu. Bɔ oli moa ɔ: kyɛ asomafoɛ, bɔ ɔtoa berɛ ɔ, kyɛ ngɔmhyɛlɛfoɛ, bɔ ɔtɔ nza, kyɛ akyerɛkyerɛfoɛ; yeɛ afei bɛ bɔ bɛyɔ anwanwadeɛ, bɛ bɔ bele anwonyerɛsalɛ akyɛdeɛ, bokafoɛ, asɔre mbanyi, yeɛ bɛ bɔ bɛkã edwudwolɛ ahoroɔ.

1 Korintofoɛ 12:30

Bɛ mukoraa yeɛ bele anwonyerɛsalɛ akyɛdeɛ ɔ? Bɛ mukoraa yeɛ bɛkã edwudwolɛ ahoroɔ ɔ? Bɛ mukoraa yeɛ bekyire edwudwolɛ ahoroɔ bo ɔ?

1 Korintofoɛ 13:1

Sɛ mekã mmenia ne abɔfo mɔ dwudwolɛ ahoroɔ ná nnne ɔdɔ a, né nde kyɛ ayaa bɔ ɔgyegye mbaen anaakyɛ akasaa bɔ ɔwoso mbaen ɔ.

1 Korintofoɛ 14:2

Ɔnate kyɛ sona bɔ ɔkã edwudwolɛ bɔ ebie nde ye bo ne, ondwudwo ngyire mmenia, na mmom odwudwo kyire Nyameɛ, ofikyɛ ebiala nde ye dwirɛ ne bo; nakoso Sunzum ne nate ye so kã mvealeɛ nu dwirɛ.