Marko 16:16 - AHYERƐLƐ KRONGRON

¹⁶ Sona bɔ okole koli ná bɛkɔbɔ ye asu nen, bekole ye ngoa; nakoso bɔ onne nni ne de, bekobua ye foɛ.

Marko 16:16 Iomraidhean Croise

Mateo 28:19

Yiti ɛmɔhɔ bɛɛyɛ maen maen mukoraa m’asuafoɛ, ná ɛ́mɔbɔ bɛ asu wɔ Baba ne, Baa ne ne Sunzum Krongron ne dumaa nu,

Marko 1:15

Na ɔhane kyɛ, “Mmerɛ ne adwu, na Nyameɛ ahennie ne wapingye, yiti ɛ́mɔsakyera ɛmɔ adwene, ná ɛmɔle nzɛmba ne beli.”

Luka 8:12

Atee noa deɛ ne ole mmenia bɔ bɛte dwirɛ ne, na afei abɔnzam ba ɔbaye dwirɛ ne fi b’ahone nu kɔ, ná banne banni ma banne bɛ ngoa.

Yohane 20:31

Nakoso ɛhemɔ yeɛ bahyerɛ ɔ, kyɛbɔ ɛmɔkole bekoli kyɛ Yesu ole Kristo ne, Nyameɛ Awa ne, na ɛmɔde bedi a, ɛmɔanya ngoa wɔ ye dumaa nu.

Yohane 3:36

Na ebiala bɔ ode Baa ne di ne, ole daa ngoa; yeɛ bɔ ɔnyɛ sotie mma Baa nen, ongonya ngoa, na Nyameɛ ahonehulɛ ba ye so.

Yohane 3:5

Yesu buale kyɛ, “Nahorɛ nu paa, mekã mekyire wɔ kyɛ: Ebiala ngɔhora ngɔhɔ Nyameɛ ahennie ne anu, sana bafi nzue nu ne Sunzum nu bawo ye.

Yohane 5:24

“Nahorɛ nu paa, mekã mekyire ɛmɔ kyɛ, ebiala bɔ ɔte me dwirɛ, ná ode bɔ ɔsomane me ne di nen, ole daa ngoa; bengobua ye foɛ, na mmom wapɛ nu wafi ewue nu wahɔ ngoa nu.

Yohane 6:29

Na Yesu buale bɛ kyɛ, “Bɔ ɔte Nyameɛ adwuma ɛhe, kyɛ ɛmɔkole bɔ wasoma ye ne bekoli ɔ.”

Yohane 6:35

Na Yesu sele bɛ kyɛ, “Me ole ngoa paanoo ne; ebiala bɔ ɔba me berɛ nen, ɛhɔen ngohũ ye le; yeɛ ebiala bɔ ode me di ne, nzuhɔen ngohũ ye le.

Yohane 6:40

Ɛhe ole me Baba n’apɛdeɛ, kyɛ ebiala bɔ onwu Baa ne, ná ode ye di ne, okonya daa ngoa; na ngotingye ye wɔ ayieleɛ kyẽa ne.”

Yohane 8:24

Ye sɔ ati yeɛ nzele ɛmɔ kyɛ, ɛmɔkowu ɛmɔ bɔne nu ne; na sɛ ɛmɔanne banni kyɛ me ole ye a, ɛmɔkowu ɛmɔ bɔne nu.”

Asomafoɛ 10:43

Ye yeɛ Nyameɛ ngɔmhyɛlɛfoɛ ne amukoraa lili ye nwo adanzeɛ kyɛ ebiala bɔ ode ye di ne, ɔnate ye dumaa nu konya bɔnefakyɛ ɔ.”

Asomafoɛ 13:39

na ebiala bɔ okole ye koli nen, bekobua ye be wɔ nningyein amukoraa bɔ Mose mmeraa ne wangora wammua ɛmɔ be wɔ ye nwo ne.

Asomafoɛ 13:46

Na Pɔɔlo ne Banaba sili b’ahone besele kyɛ, “Né ohia kyɛ ɛmɔ, Yudafoɛ yeɛ yɛdi moa yɛkã Nyameɛ dwirɛ ne yɛkyire ɛmɔ ɔ. Nakoso ɔnate kyɛ ɛmɔpo edwirɛ ne, ná ɛmɔmmu bɛ nwo kyɛ ɛmɔfata daa ngoa ne ati, ɛ́mɔtie, yɛkɔyakyi yɛkɔhɔ Amaenmaensofoɛ mɔ berɛ.

Asomafoɛ 2:38

Na Petro buale bɛ kyɛ, “Ɛ́mɔsakyera ɛmɔ adwene ná ɛ́mɔma bɛbɔ ɛmɔ nu biala asu wɔ Yesu Kristo dumaa nu, ma ɛ́mɔnya bɔnefakyɛ; na ɛmɔkonya Sunzum Krongron akyɛdeɛ ne.

Asomafoɛ 2:41

Na bɛ bɔ belele ye dwirɛ ne belili ne, bɛmane bɛ nwo ate maa bɛbɔle bɛ asu, na mmenia kɔyɛ apee nza bɛɛbokale bɛ so sɔ kyẽa ne ala.

Asomafoɛ 22:16

Na afei, nzu ati yeɛ ɛyɛ ngyɛkyerɛ ɔ? Dwɔso nya Awurade nu gyidie, na ma bɛbɔ wɔ asu benwunzi wɔ bɔne begua.’

Romanfoɛ 3:6

Dabida! Sɛ Nyameɛ nga nahorɛ a, nzaade ɔkɔyɛ sɛɛ né wabua wiase ndɛen?

Romanfoɛ 4:24

Bɛhyerɛ bɛmane yɛ koso. Yɛ bɔ yɛde bɔ otingyele y’Awurade Yesu fili awufoɛ nu yɛdi ne, sɔ ala yeɛ bekobu yɛ gyidie bɛkɔma yɛ ɔ;

2 Tɛsalonika 1:8

na ɔkɔtɔ bɛ bɔ bɛnze Nyameɛ, ɔne bɛ bɔ bayɛ y’Awurade Yesu Kristo nzɛmba ne nwo asoserɛ nemɔ so wereɛ.

2 Tɛsalonika 2:12

Yiti bekobua bɛ bɔ banne nahorɛ ne banni, na mmom bɛ nye gye bɔ ɔndengyɛ nwo ne amukoraa ndɛen.

1 Petro 1:21

Na ɔnate ye so yeɛ ɛmɔde Nyameɛ bɔ otingyele ye fili awufoɛ nu ná ɔhyɛle ye animnyam ne bedi ɔ, amaa ɔnate so ɛmɔanya gyidie ne anyelasoɛ wɔ Nyameɛ nu.

1 Petro 3:21

Na sɔ nzue ne sɛso, ye ole asubɔlɛ bɔ ode ɛmɔ koso ɛmɔ ngoa ɛnɛ ne. Ɔtte anwoɔnaen nu fiɛ nwunzinɛ, na mmom ɔte tiboa paa nwo abisadeɛ bɔ yɛfa Yesu Kristo wutingyelɛ ne aso yɛfa yɛto Nyameɛ nyunu ɔ.

Nyekyire 20:15

Na ebiala bɔ bannwu kyɛ bahyerɛ ye dumaa wɔ ngoa nwomaa ne anu ne, begyili ye bɛtole see abura ne anu.

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”