Marko 16:15 - AHYERƐLƐ KRONGRON

¹⁵ Na ɔhã hyirele bɛ kyɛ, “Ɛmɔhɔ wiase amukoraa bɛɛhã nzɛmba ne behyire abɔdeɛ amukoraa.

Marko 16:15 Iomraidhean Croise

Edwein 22:27

Ofi aseɛ ti kɔka ye ti, bɛkɔkaye, ná basa bawa AWURADE berɛ; na maen maen mɔ so mmusua amukoraa, bɛkɔkoto wɔ ye nyunu.

Edwein 96:3

Ɛ́mɔbɔ ye animnyam nwo dawure wɔ maen maen mɔ so; ɛ́mɔbɔ ye anwanwadeɛ nwo dawure wɔ maen maen amukoraa so.

Edwein 98:3

Wakaye ye ɔdɔ bɔ onni ngasi ne, ɔne ye nahorɛlilɛ bɔ wala ye ali wahyire Yisrael awuro ama ne. Aseɛ so nekaa amukoraa banwu yɛ Nyameɛ ye ngoalelɛ ne.

Yesaya 45:22

“Aseɛ so maen maen amukoraa, ɛ́mɔsa bɛ si bɛ́bra me berɛ beenya ngoa! Ofikyɛ me yeɛ nde Nyameɛ ɔ, na ebiala nne berɛ ko.

Yesaya 49:6

Ɔnwa nyoo: “Kyɛ ɛkɔyɛ me somvoɛ, kyɛ ɛkɔpagya Yakob mmusua kure nemɔ, ɔne kyɛ ɛkɔfa Yisraelfoɛ bɔ banya bɛ ti badidi nu ne ekosa kɔwa ne, aso ɔte adwuma ba? Ngosa ngɔfa wɔ ngɔyɛ kanea ngɔma maen maen mɔ, amaa ɔnate so ama me ngoalelɛ waadwu aseɛ so nekaa biala.”

Yesaya 52:10

AWURADE ala ye tumi krongron ne ali, wama maen maen mukoraa banwu ye, na aseɛ so nekaa biala konwu yɛ Nyameɛ ngoalelɛ ne.

Mateo 28:19

Yiti ɛmɔhɔ bɛɛyɛ maen maen mukoraa m’asuafoɛ, ná ɛ́mɔbɔ bɛ asu wɔ Baba ne, Baa ne ne Sunzum Krongron ne dumaa nu,

Marko 13:10

Na nzɛmba ne, odi kyɛ bedi moa bɛkã bekyire maen maen amukoraa.

Yohane 15:16

Nna ɛmɔ yeɛ ɛmɔaneanea nu baye me ɔ, na mmom me yeɛ maneanea nu maye ɛmɔ ɔ. Na matu ɛmɔ masie berɛ kyɛ ɛmɔhɔ beesu mmaa, ná ɛmɔ mmaa ne bɛhɔ so bɛtena berɛ; na nikyee biala bɔ ɛmɔkobisa Baba ne wɔ me dumaa nu nen, ɔkɔfa kɔma ɛmɔ.

Yohane 20:21

Yeɛ Yesu hã hyirele bɛ bieku kyɛ, “Asomdwee hã ɛmɔ oo! Kyɛbɔ Baba ne asoma me ne, sɔ ala yeɛ me koso mesoma ɛmɔ ɔ.”

Asomafoɛ 1:2

bɔ ɔkwaadwu kyẽa bɔ bɛfale ye bɛhɔle nyameɛso ɔ. Na anzana bɛbaafa ye bɛkɔ nyameɛso ne, ɔnate Sunzum Krongron so mane mmenia bɔ waneanea nu waye bɛ kyɛ ye asomafoɛ nemɔ ahyɛdeɛ.

Asomafoɛ 1:8

Na sɛ Sunzum Krongron ne ba ɛmɔ so a, ɛmɔkonya tumi ná ɛmɔayɛ m’adanzefoɛ wɔ Yerusalem, ne Yudea amukoraa ne Samaria maa waadwu aseɛ so nekaa biala.”

Romanfoɛ 10:18

Nakoso mebisa kyɛ, bennya bɛttele anaa? Amba, bate, ofikyɛ, “Bɛ komvi adwu aseɛ so nekaa biala, na bɛ dwirɛ adwu wiase nekaa biala.”

Romanfoɛ 16:26

nakoso afei de bala ye ali, na bɛnate bɔ ngɔmhyɛlɛfoɛ bɛhyerɛle ne aso bala ye ali bahyire maen amukoraati, kyɛbɔ Ɛdangama Nyameɛ ye ahyɛdeɛ te ne, amaa ɔnate so maen maen amukoraa bale bali ná bayɛ sotie bama ye.

Ɛfesofoɛ 2:17

Na ɔwale ɔɔbɔle asomdwee nwo dawure hyirele ɛmɔ bɔ né ɛmɔwɔ dedeede ne, ɔne bɛ bɔ bepingye ne;

Kolosefoɛ 1:23

Nakoso ɔsɛ kyɛ ɛmɔsɔ gyidie ne anu serɛ na ɛmɔahora bagyina pindinn. Na afei ɔnzɛ kyɛ ɛmɔtwe bɛ nwo befi nzɛmba ne anu anyelasoɛ nwo, na ɛhe yeɛ ɛmɔtele, bɔ babɔ ye nwo dawure bahyire abɔdeɛ mukoraa wɔ wiase, bɔ me Pɔɔlo nde ye nwo somvoɛ ye.

Kolosefoɛ 1:6

bɔ bɛfa bɛbrɛle ɛmɔ ne anu. Na onyi, yeɛ osu mmaa wɔ wiase amukoraa, kyɛbɔ wasu mmaa wɔ ɛmɔ nu fi kyẽa bɔ ɛmɔtele ná ɛmɔnwuni Nyameɛ adom wɔ nahorɛ nu ne,

1 Yohane 4:14

Yanwu ye, na yɛdi adanzeɛ kyɛ Baba ne somane Baa ne maa ɔɔyɛle wiase Ngoadefoɛ.

Nyekyire 14:6

Na afei nwuni abɔfo foforɛ bɔ watu nate nyameɛso afia dɔ, bɔ otira nzɛmba afebɔɔ ne kyɛ ɔkwaabɔ ye dawure kyire bɛ bɔ bɛte aseɛ so: maen maen ne mmusua kure ne edwudwolɛ ne mmenia amukoraa.